Swyddog Cynllunio a Chomisiynu

37 awr yr wythnos

Ydych chi’n angerddol am wella canlyniadau i bobl a chymunedau? Oes gennych chi’r sgiliau a’r profiad i gefnogi’r gwaith o gomisiynu gwasanaethau o ansawdd uchel yn Wrecsam? Os felly, hoffem glywed gennych.

Rydym yn chwilio am Swyddog Cynllunio a Chomisiynu brwdfrydig a blaengar i ymuno â’n tîm. Mae hwn yn gyfle cyffrous i chwarae rhan allweddol wrth lunio, datblygu a gwella gwasanaethau sy’n diwallu anghenion cymunedau lleol.

Gan weithio’n agos gyda chydweithwyr, partneriaid, darparwyr a rhanddeiliaid, byddwch yn casglu, dadansoddi a chyflwyno gwybodaeth mewn ffordd sy’n llywio’r broses o wneud penderfyniadau ac yn cefnogi cynllunio gwasanaethau effeithiol ledled Wrecsam. Bydd disgwyl i chi gymhwyso’r cylch comisiynu i asesu anghenion, nodi blaenoriaethau, cefnogi datblygu gwasanaethau ac adolygu canlyniadau, gan helpu i sicrhau bod gwasanaethau’n effeithiol, yn gynaliadwy ac yn darparu canlyniadau cadarnhaol i bobl leol.

Byddwch yn defnyddio gwybodaeth, ymgysylltu a data perfformiad i nodi cyfleoedd ar gyfer gwella gwasanaethau ac arloesi, gan sicrhau bod adnoddau’n cael eu defnyddio’n effeithiol ac yn greadigol, a bod gwasanaethau’n parhau i ymateb i anghenion a blaenoriaethau sy’n newid.

Rydym yn chwilio am rywun sydd â sgiliau cynllunio, comisiynu a dadansoddi cryf, sy’n hyderus wrth feithrin perthnasoedd gydag ystod eang o randdeiliaid ac sy’n barod i ymgysylltu â phobl a chymunedau ledled Wrecsam. Byddwch yn drefnus, yn rhagweithiol ac yn gallu rheoli blaenoriaethau sy’n cystadlu â’i gilydd, gan gynnal ffocws ar gyflawni canlyniadau cadarnhaol.

Yn gyfnewid, rydym yn cynnig amgylchedd tîm cefnogol, cyfleoedd ar gyfer datblygiad proffesiynol a’r cyfle i gyfrannu at waith ystyrlon sy’n gwneud gwahaniaeth i bobl a chymunedau.

Os ydych yn barod i ddod â’ch sgiliau, eich gwybodaeth a’ch brwdfrydedd i rôl lle gallwch wneud effaith wirioneddol, byddem yn croesawu eich cais.

I gael rhagor o wybodaeth, cysylltwch â Bethan Rogers [email protected] neu Angharad Owen [email protected]

Mae’r Cyngor yn croesawu ceisiadau gan ymgeiswyr sydd â’r cymwysterau priodol waeth beth fo’u hil, rhywedd, anabledd, cyfeiriadedd rhywiol, cred grefyddol neu oedran.

Mae’r Cyngor wedi ymrwymo i ddatblygu gweithlu dwyieithog ac yn croesawu ceisiadau gan ymgeiswyr sy’n gallu dangos eu gallu i weithio drwy gyfrwng y Gymraeg a’r Saesneg. Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Mae Bwrdeistref Sirol Wrecsam wedi'i lleoli yng ngogledd ddwyrain Cymru ac mae'n falch o'i threftadaeth Gymreig a'i hunaniaeth ddiwylliannol. Dros y blynyddoedd mae wedi tyfu i adlewyrchu poblogaeth sy'n aml-grefyddol ac aml-ethnig gan adlewyrchu amrywiaeth ein cymunedau.

Wedi'i chanoli ar ddinas Wrecsam, sy'n swatio rhwng mynyddoedd Cymru a gwastadeddau Swydd Gaer, mae'n lleoliad sy'n gallu cynnig y gorau o'r ddau fyd i chi ac rydym yn falch o'n statws dinas (a ddyfarnwyd yn 2022 pan roddwyd i ni'r statws hwn, y seithfed ddinas yng Nghymru i'w gael).

Mae Cyngor Bwrdeistref Sirol Wrecsam yn Gyngor unedol sy'n darparu ystod eang o wasanaethau gyda'r nod o wella bywydau trigolion Wrecsam a'r cymunedau cyfagos. Rydym wedi ymrwymo i ddarparu gwasanaethau trwy gydweithio â phartneriaid lleol a chenedlaethol. Gyda ffocws ar ddatblygu cynaliadwy, lles cymunedol, a gwella bywydau trigolion Wrecsam a'r cymunedau cyfagos, mae Wrecsam yn lle gwych i weithio, byw a dysgu.

Mae'r cyngor yn gyflogwr cynhwysol gyda gweithlu o tua 5,500, sy'n cynnig rolau amrywiol, hyfforddiant a datblygiad a chyfleoedd gyrfa gwerth chweil. Mae Cyngor Bwrdeistref Sirol Wrecsam yn gwerthfawrogi arloesedd, dwyieithrwydd yn Gymraeg a Saesneg, ac yn croesawu ymgeiswyr o bob cefndir.

Fel Cyflogwr Hyderus ac Ymroddedig o ran Anabledd, mae'r cyngor yn sicrhau recriwtio a chefnogaeth hygyrch i weithwyr anabl gan gynnwys cynnig cyfweliad gwarantedig (lle bodlonir eitemau manyleb person hanfodol). Yn ogystal, bydd cyn-filwyr yn derbyn cyfweliadau gwarantedig o dan Gyfamod y Lluoedd Arfog os bodlonir meini prawf cymhwysedd (lle bodlonir eitemau manyleb person hanfodol).

Mae buddion cyflogeion yn cynnwys:

• Aelodaeth o'r Cynllun Pensiwn Llywodraeth Leol
• Trefniadau gweithio hyblyg
• Gwyliau blynyddol hael hyd at 32 diwrnod
• Polisïau sy'n gyfeillgar i deuluoedd sy'n cefnogi ymrwymiadau gofalu a theuluol
• Cydbwysedd bywyd gwaith ac amser hyblyg (yn dibynnu ar rôl)
• Aelodaeth hamdden gostyngol
• Mynediad at Gynllun Gwobrwyo Wrecsam gyda gostyngiadau oddi ar fanwerthwyr blaenllaw yn genedlaethol ac yn lleol
• Amrywiaeth o adnoddau iechyd a lles, er enghraifft:
  • Hyrwyddwyr Iechyd a Lles
  • Mynediad at raglen cymorth cyflogeion gyda cyngor ar gadw'n iach boed yn ariannol, yn feddyliol neu'n gorfforol:
    • Cwnsela (ar gael 24/7, 365 diwrnod y flwyddyn)
    • Cymorth emosiynol yn y fan a'r lle (ar gael 24/7, 365 diwrnod y flwyddyn)
    • Opsiwn i osod nodau hybu iechyd gyda newidiadau bach o fyw cynaliadwy
    • Cysylltu apiau iechyd i olrhain iechyd corfforol yn awtomatig a chyflawni nodau cynnydd
    • Blogiau, fideos, ryseitiau a mwy o adnoddau sy'n darparu ysbrydoliaeth a chymhelliant
    • Nodi'r risg o ddatblygu clefydau blaenllaw sy'n gysylltiedig â ffordd o fyw ynghyd â sgoriau iechyd meddwl ac ariannol
    • Cyngor cyfreithiol, ariannol a defnyddwyr
  • Digwyddiadau ac ymgyrchoedd iechyd a lles drwy gydol y flwyddyn (e.e. Diwrnod Iechyd Tachwedd, Diwrnod Amser i Siarad, Wythnos Ymwybyddiaeth Iechyd Meddwl, Wythnos Ymwybyddiaeth o'r Haul, Wythnos y Menopos, Wythnos Iechyd Ariannol)
  • Caffi Menopos ac arweiniad
  • Caffi Gofalwyr Di-dâl a chanllawiau

Mae ein Cynllun Cyngor (2023–28) yn nodi ein blaenoriaethau ac rydym yn cyflawni'r rhain trwy ddilyn Gwerthoedd Nolan bywyd cyhoeddus (anhunanoldeb, uniondeb, gwrthrychedd, atebolrwydd, agoredrwydd, gonestrwydd ac arweinyddiaeth) yn ogystal â'n Gwerthoedd Corfforaethol ein hunain:

• Grymuso
• Ymddiriedaeth a gonestrwydd
• Dyhead
• Cydweithredu
• Gwneud gwahaniaeth
• Tegwch