Swyddog Gofal Cymdeithasol - Tîm Derbyn

Mae Gwasanaethau Plant a Phobl Ifanc yn buddsoddi yn eu gweithlu ac wedi creu swyddi Swyddogion Gofal Cymdeithasol newydd ar draws eu timau statudol. Bydd ymgeiswyr llwyddiannus yn cael eu paru â thimau yn ôl eu sgiliau a'u profiad a'u meysydd diddordeb.

Mae gan bob un o'n Swyddogion Gofal Cymdeithasol fynediad at hyfforddiant rhagorol, gan gynnwys y cyfle i ystyried hyfforddiant i ddod yn Weithwyr Cymdeithasol. 

Uchelgeisiol - Meddwl, cofleidio ffyrdd newydd o weithio a buddsoddi yn ein dyfodol.
Agored - Yn agored i syniadau gwahanol a bod yn atebol am y penderfyniadau a wnawn.
Gyda'n Gilydd - Gweithio gyda'n gilydd fel tîm sy'n ymgysylltu â'n cwsmeriaid a'n partneriaid, yn parchu amrywiaeth ac yn ymrwymedig i wasanaethau o safon.
Balch - Balch o Fro Morgannwg; yn falch o wasanaethu ein cymunedau ac i fod yn rhan o Gyngor Bro Morgannwg

Ynglŷn â'r rôl

Manylion Tâl: Gradd 6 PCG 14-19 (£29,540 – £32,061) y flwyddyn Oriau Gwaith / Patrwm Gwaith: 37 awr Dydd Llun - Dydd Iau 08.30 – 5.00 Dydd Gwener 8.30 – 4.30 Prif Weithle: Bydd gennych fynediad i ofod swyddfa yn y Barri a byddwch yn gweithio ar draws Bro Morgannwg, gan gynnwys y cyfle i weithio gartref yn ôl anghenion y gwasanaeth. Disgrifiad: Fel Swyddog Gofal Cymdeithasol byddwch yn cefnogi plant, pobl ifanc a’u teuluoedd/gofalwyr yn unol â’r ddeddfwriaeth, y canllawiau, y rheoliadau a’r safonau cenedlaethol perthnasol. Byddwch yn gweithio'n annibynnol, ac fel rhan o dîm amlasiantaethol, gan gynnal asesiadau mewn partneriaeth â phlant, pobl ifanc a theuluoedd i'w galluogi i gyflawni'r canlyniadau y maent am eu cyflawni ac sy’n bodloni eu hanghenion.

Amdanat ti

Bydd angen y canlynol arnoch:
• Profiad o weithio gyda phlant, pobl ifanc a’u teuluoedd
• Profiad o weithio mewn tîm.
• Profiad o goladu a gwerthuso gwybodaeth.
• Ymwybyddiaeth a dealltwriaeth o'r materion sy'n ymwneud â phlant ag anghenion cymhleth.
• Gwybodaeth am ddatblygiad plant
• Gwybodaeth am wahanol fathau o ymyriad gwaith cymdeithasol

Gwybodaeth Ychwanegol