Swyddog Iaith, Chwarae a Datblygiad Cynnar

                                
Cytundeb tan 31/3/27 yn y lle cyntaf gyda'r gobaith i ymestyn am flwyddyn ychwanegol.
Mae gan Cyngor Gwynedd becyn cyflogaeth deniadol, am ragor o wybodaeth  cliciwch ar y Pecyn Gwybodaeth
Mae Cyngor Gwynedd yn gweithredu’n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i’r ymgeisydd gyrraedd y lefel ieithyddol sy’n cael ei nodi fel un o’r sgiliau hanfodol yn y Manylion Person.
Rydym yn annog pob ymgeisydd am swydd gyda’r Cyngor i gyflwyno ceisiadau yn Gymraeg neu yn ddwyieithog.
(Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i’r ymgeisydd ystyried yn ofalus beth yw gofynion iaith y swydd a’r sefydliad ac a fyddai cyflwyno cais yn uniaith Gymraeg yn fwy addas.)
Am sgwrs anffurfiol neu manylion pellach gellir cysylltu â Susan Layton on SusanLayton@gwynedd.llyw.cymru or 01286 678824.
Rhagwelir cynnal cyfweliadau.
Ffurflenni cais ar gael gan, Gwasanaeth Cefnogol, Cyngor Gwynedd, Swyddfa'r Cyngor, Stryd y Jêl, Caernarfon, LL55 1SH 
Ffôn: 01286 679076 eBost: Swyddi@gwynedd.llyw.cymru 
DYDDIAD CAU:  10:00 O’R GLOCH, 11/08/2026
Bydd y Cyngor yn gofyn am ddadleniad gan y Swyddfa Cofnodion Troseddol ar gyfer yr ymgeisydd llwyddiannus.
Os yn llwyddiannus i fod ar y rhestr fer am gyfweliad, byddwn  yn cysylltu a chwi drwy’r cyfeiriad E-BOST a gofnodwyd gennych ar eich ffurflen gais.  Mae angen i chwi sicrhau eich bod yn gwirio  eich  E-BOST yn rheolaidd.
                            

                
Nodweddion personol
Hanfodol
•Agwedd gadarnhaol tuag at ddefnyddwyr gwasanaeth a chydweithwyr
•Person sydd â’r dychymyg i hyfforddi unigolion/grwpiau mewn ffordd ddiddorol.
•Personoliaeth ddiplomyddol a chroesawgar.
•Personoliaeth ddigynnwrf a hyblyg.
•Yn fentrus, yn hyderus ac yn barod i gymryd risgiau rhesymol
•Gallu i gydweithio ag amrywiaeth ac ystod eang o bobl
•Un sy’n gallu blaenoriaethu gwaith ac i gwrdd â therfynau amser penodol.
•Un sy’n gallu gweithio fel rhan o dîm.
Dymunol
-
Cymwysterau a hyfforddiant perthnasol
Hanfodol
•Safon dda o addysg hyd at Lefel A neu gyfatebol a chymhwyster sydd yn cyfateb i lefel 3 NVQ/QCF ar gyfer gweithwyr cymorth, neu yn fodlon gweithio tuag at y cymhwyster yma.
•Mewn amgylchiadau allweddol, oherwydd natur y swydd, bydd profiad eang a phriodol yn y maes iechyd, addysg neu gofal cymdeithasol yn cael ei ystyried fel cymhwyster ychwanegol
Dymunol
•Cymhwyster yn y maes chwarae
•Cymhwyster Cefnogi Teuluoedd
•Cymhwyster Gwaith Cymdeithasol perthnasol yn unol a Fframwaith Cymwysterau Gofal Cymdeithasol Cymru
Profiad perthnasol
Hanfodol
•Profiad o’r maes chwarae a datblygiad plentyn.
•Profiad o hyrwyddo’r sgiliau Iaith
•Profiad o weithio’n effeithiol gydag eraill gan gynnwys plant, rhieni, staff ag asiantaethau
•Profiad o redeg grwpiau neu sesiynau
•Profiad o lunio adroddiadau
Dymunol
•Profiad o gynnwys plant, pobl ifanc a'u rhieni wrth gynllunio, datblygu a darparu gwasanaethau.
•Profiad o ddarparu cyngor a gwybodaeth broffesiynol i sawl cynulleidfa
•Profiad o asesu ac ymateb i anghenion amrywiol a chymhleth
Sgiliau a gwybodaeth arbenigol
Hanfodol
•Sgiliau trefnu da
•Gallu i weithio’n effeithiol a chreadigol o fewn cyd-destun aml disgybledig.
•Sgiliau cyfrifiadurol da a’r gallu i ddefnyddio rhaglenni Microsoft Office (e.e. Word, Excel, Access, Outlook, PowerPoint).
•Dealltwriaeth o ddatblygiad plentyn.
•Gwybodaeth gyfoes ynglŷn â deddfwriaeth sy’n berthnasol i faes plant ac yn enwedig o fewn y maes blynyddoedd cynnar, cefnogi teulu a gofal plant.
•Sgiliau paratoi a chreu adroddiadau a dogfennau clir, cryno ac effeithiol.
•Y gallu i adnabod a mesur anghenion drwy ddefnyddio gwahanol ddulliau.
•Gallu i gyfathrebu’n effeithiol gyda chynulleidfa eang.
•Defnydd o gar a thrwydded yrru gyfredol lawn.
Dymunol
•Dealltwriaeth o reoliadau Iechyd a Diogelwch
Anghenion ieithyddol
Gwrando a Siarad - Uwch
Gallu dilyn sgwrs neu drafodaeth drwy gyfrwng y Gymraeg a’r Saesneg ar lefel broffesiynol a thrafod pynciau cyffredinol bob dydd yn y maes er mwyn cyflwyno gwybodaeth a mynegi barn.Gallu darparu cyflwyniad wedi'i baratoi o flaen llaw ac ymateb i unrhyw sylwadau a chwestiynau arno drwy gyfrwng y Gymraeg a'r Saesneg.
Darllen a Deall - Uwch
Gallu deall Cymraeg a Saesneg ysgrifenedig safonol, ffurfiol ac anffurfiol.Medru casglu gwybodaeth o amrywiol ffynonellau megis llythyrau, adroddiadau, erthyglau, drwy gyfrwng y Gymraeg a’r Saesneg er mwyn cyflawni'r swydd.
Ysgrifennu - Uwch
Cyflwyno gwybodaeth ysgrifenedig gyda hyder ar ffurf llythyr, adroddiad mwy manwl a thechnegol ac ymateb i geisiadau ysgrifenedig gan gyfleu gwybodaeth, syniadau a barn drwy gyfrwng y Gymraeg a’r Saesneg. (Mae'n bosib cael cymorth i wirio'r iaith)
                

                
Pwrpas y swydd
•Sicrhau bod pobl Gwynedd yn ganolog i bopeth yr ydan ni yn ei wneud.
•Sicrhau fod ‘Llais y plentyn/teulu’ yn ganolog i’r gefnogaeth.
•Darparu pecynnau pwrpasol o gefnogaeth i blant a’u teuluoedd i hyrwyddo iaith, chwarae a datblygiad cynnar ar lefel 1 i 1 neu o fewn grwpiau rheolaidd, sesiynau hwyl neu weithgareddau gan ddefnyddio strategaethau ac adnoddau addas i hybu sgiliau datblygiadol, chwarae, sensori, iaith, cyfathrebu, a chymdeithasol.
•Cefnogi teuluoedd sydd gyda phlant yn dangos anghenion dysgu ychwanegol drwy gynnig gwasanaeth 1:1 sydd yn targedu ei anghenion unigol.
Cyfrifoldeb am adnoddau e.e. staff, cyllid, offer
•Offer grwpiau
•Offer TG a ffôn symudol
•Mynediad at ffeiliau Plant cyfrinachol.
•Cyllideb bach ar gyfer cyrsiau a gweithgareddau ee llogi cyfleusterau, adnoddau, diddanwr a.y.b.
Prif ddyletswyddau
•Cynnal sesiynau un i un gyda theuluoedd unai o fewn y cartref neu leoliadau gan weithredu ar gynllun strwythuredig sydd wedi ei gytuno gyda’r rhieni a’r tîm estynedig e.e. Iechyd, Therapydd Iaith, Addysg a ADY.
•Cynnig rhaglen o ymyrraeth/au gan fonitro cynnydd pob plentyn gan ysgrifennu nodiadau rheolaidd, adroddiadau cau, ac adolygu asesiadau neu cynlluniau yn aml i gyd-fynd gydag anghenion y teuluoedd.
•Cyfrifoldeb dros fynychu’r cyfarfodydd proffesiynol am y teulu i adrodd, adolygu, monitro cynnydd, a thrafod rhaglenni unigol teuluoedd os daw gwahoddiad. Creu adroddiadau/nodiadau ar gyfer a mynychu cyfarfodydd teuluol gan y Gwasanaeth Cymdeithasol a’r Tîm plant.
•Cynnal a mynychu gweithgareddau i hybu pwysigrwydd Chwarae ac amser teulu, gan roi ystyriaeth i ddiddordebau a strwythur, oedran plant y teuluoedd h.y. sesiynau Hwyl i’r Teulu neu Sesiynau Trelar Chwarae.
•Hyrwyddo a hysbysebu'r gwasanaeth gwybodaeth Teulu Gwynedd, gweithgareddau Hwyl i’r Teulu gan annog a thywys rhieni i fynychu sesiynau.
•Ysgogi darpariaeth o grwpiau newydd mewn cydweithrediad gyda’r Uwch Swyddog/ Dirprwy'r ardal a phartneriaid amrywiol drwy:
oAdnabod lleoliadau addas.(os bydd angen) i redeg sesiynau newydd gan gynnal asesiadau risg priodol e.e. parciau, lan y môr a.y.b.
oCefnogi’r tîm Gofal Plant a Chwarae gyda’r Trelar Chwarae
oCydweithio i adnabod rhieni/ gofalwyr addas a hyrwyddo sesiynau yn lleol gan gynnwys hysbysu Gwybodaeth i Deuluoedd Gwynedd, Iechyd a'r Tîm o amgylch y Teulu .
oDethol a pharatoi adnoddau sy’n angenrheidiol ar gyfer arwain gweithgareddau chwarae, gan gymryd cyfrif o’r gynulleidfa drwy roi sylw i ddiddordebau, iaith a chefndir diwylliannol y rheini/ gofalwyr a’u plant.
oArddangos offer yn ddiogel yn y lleoliadau gan sicrhau awyrgylch addas i’r oedrannau amrywiol
oCasglu adborth am y grwpiau drwy holiaduron a llyfr sylwadau.
oSicrhau fod asesiad risg cyfredol yn cael ei ddefnyddio yn y gweithgareddau.
•Gweithio o fewn y Fframwaith Ansawdd (Llwybr Datblygu 0 i 3 oed), pan fod plentyn gydag anghenion ychwanegol gan ddosbarthu’r adnoddau angenrheidiol a chydlynu’r gefnogaeth sydd ar gael i’r plentyn gan gyd gysylltu gydag asiantaethau eraill
•Cynnal asesiadau trylwyr a phenodol i adnabod anghenion a chryfderau plant a chynllunio ymyraethau ar y cyd efo’r teulu i’w cefnogi i gwrdd â’r anghenion yma. Defnyddio sgiliau, hyfforddiant a phrofiad arbenigol i gefnogi rhieni a phlant fel egwyddorion ELKLAN a PORTAGE.
•Cynnig gwybodaeth i rieni am feysydd amrywiol, gan gyfeirio fel bod angen i Teulu Gwynedd ac asiantaethau eraill.
•Cyfrifoldeb dros weithredu grwpiau a gwaith un i un drwy weithio’n integredig gyda gwasanaethau amrywiol e.e. Tîm Niwro i redeg gwasanaeth cynhwysol ac o ansawdd i deuluoedd.
•Cydweithio gyda’r lleoliadau gofal plant i drosglwyddo plant yn effeithiol gan rannu gwybodaeth am dargedau'r cynllun datblygu unigol a’r proffil un dudalen. Cefnogi’r plentyn yn y lleoliad wrth trosglwyddo a cynnig arbenigedd drwy ymgysylltu a thrafod gyda staff 1:1 newydd yn y lleoliad i weithredu cynllun yn bwrpasol i’r plentyn. Cynnig sesiynau stori a rhannu adnoddau llythrennedd fel llyfrau darllen a waledi.
•Cynnal grwpiau amrywiol ar y cyd gydag asiantaethau eraill fel yr Ymwelwyr Iechyd gan gynnwys sesiynau chwarae a symud, tylino babi, sesiynau sensori, sesiynau ‘Playful Parenting’ gyda Chefnogi Teulu a.y.b.
•Adnabod unrhyw rwystrau, dod o hyd i ddatrysiadau ac adrodd ar rwystrau na ellir ei goresgyn yn lleol i’r Uwch Swyddog.
•Darparu gwybodaeth a chyngor i blant a’u rhieni/gofalwyr am y cymorth sydd ar gael gan y gwasanaeth a hefyd eu cyfeirio ymlaen (gyda chaniatâd) at wasanaethau addas yn y gymuned gan gynnwys grwpiau a mudiadau lleol a chenedlaethol. .
•Yn achlysurol bydd angen cynorthwyo, cydweithio a chefnogi cyd -weithiwr allweddol eraill ar y Cynllun drwy gyd rhedeg sesiynau a chyd ymweld â chartrefi buddiolwyr.
•Cofnodi gwybodaeth a nodiadau ar y systemau data priodol, fel WCCIS/MOSAIC a pharatoi adroddiadau gan gynnwys asesiadau a thystiolaeth o’r pellter teithiwyd.
•Sicrhau fod nodiadau teulu yn cael eu cwblhau yn effeithiol ac yn amserol yn defnyddio ‘llais y teulu/plentyn’.
•Cofnodi unrhyw bryderon yn gywir ac yn broffesiynol gan rannu pryderon gyda pherson dynodedig yr Uned a chyfeirio ymlaen i'r Tîm Plant pan fo angen. Cydymffurfio gyda pholisïau a gweithdrefnau’r Cyngor yn ymwneud ac unrhyw bryderon diogelu.
•Mewnbynnu i systemau i fonitro’r ddarpariaeth i fesur effaith y rhaglenni a sicrhau systemau rheoli perfformiad effeithiol. Cofnodi’r wybodaeth monitro ac adroddiadau data mewn modd amserol a thaclus a sicrhau y bodlonir yr holl ofynion ar gyfer yr holl asiantaethau allanol mewn perthynas â chynnydd a monitro rhaglenni gwaith.
• Bod yn gyfrifol am gadw cofnod monitro gwybodaeth a data am bob sesiwn gan gynhyrchu dadansoddiadau ystadegol ac adroddiadau monitro a pherfformiad i’r Arweinydd Tîm.
•Sicrhau gwariant ofalus ar y gyllideb ac unrhyw adnoddau eraill a roddir i’r tîm e.e. llogi cyfleusterau neu gostau diddanwr. Cadw cofnod o wariant y grwpiau neu ddiwrnodau hwyl gan adrodd yn ôl i’r Uwch weithiwr/Arweinydd Tîm.
•Monitro a threfnu stoc adnoddau. Cynnal offer arbenigol, gwirio am ansawdd/diogelwch, ymgymryd ag atgyweirio/ addasiadau arbenigol fel bod angen. Sicrhau bod unrhyw adnoddau yn saff, glân ac yn addas ar gyfer oed a datblygiad plentyn
•Ymarfer mewn modd sy’n egwyddorol yn unol â chod ymddygiad yr Uned gan gyflwyno delwedd broffesiynol a gweithio mewn modd hyblyg.
•Mynychu cyfarfodydd staff, timau a gweithgorau eraill yr Uned Blynyddoedd Cynnar fel bod angen
•Defnydd o gar yn angenrheidiol gyda thrwydded yrru llawn.
•Cyfrifoldeb am hunan ddatblygiad.
•Sicrhau cydymffurfiaeth â rheolau Iechyd a Diogelwch yn y gweithle yn unol â’r cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.
•Gweithredu o fewn polisïau’r Cyngor yng nghyswllt cyfle cyfartal a chydraddoldeb.
•Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data a chyfrinachedd
•Ymrwymiad i leihau allyriadau carbon y Cyngor yn unol â’r Cynllun Rheoli Carbon ac i annog eraill i weithredu’n gadarnhaol tuag at leihau ôl-troed carbon y Cyngor.
•Ymgymryd ag unrhyw ddyletswydd arall cyfatebol a rhesymol sy’n cyd-fynd â lefel cyflog a lefel cyfrifoldeb y swydd.
•Cyfrifoldeb i adrodd ar bryder neu amheuaeth bod plentyn neu oedolyn bregus yn cael ei gam-drin yn syth i berson dynodedig diogelu o fewn yr adran.
Amgylchiadau arbennig
Bydd angen i’r swyddog yn achlysurol weithio oriau anghymdeithasol.