Swyddog Monitro Contractau
GR10 £39,152 y flwyddyn
37 awr yr wythnos
Dyma gyfle cyffrous i weithio gyda charfan comisiynu cenedlaethol i blant. Yn bennaf, bydd y gwaith yn canolbwyntio ar fonitro'r gwasanaethau sydd ar gael ar y Fframweithiau Cymru Gyfan presennol gan weithio ar y cyd â 22 Awdurdod Lleol a Darparwyr Annibynnol sy'n gweithredu yng Nghymru. Gan fod y fframweithiau eisoes wedi'u sefydlu, mae'n bwysig hyrwyddo cysylltiadau gweithio cytundebol effeithiol drwy'r Consortiwm a sicrhau bod safonau ansawdd gofal yn parhau i wella ar gyfer plant agored i niwed sy'n derbyn gofal.
Bydd yr ymgeisydd llwyddiannus yn meddu ar sgiliau trafod ac yn gallu cynnal sgyrsiau anodd a datrys anghydfodau'n effeithiol. Byddwch chi'n barod i deithio yn ôl y galw i leoliadau gofal ledled Cymru. Mae trefniadau hyblyg ar gael o ran gweithio yn y swyddfa a gweithio o gartref. Bydd angen i rai ymweliadau ddigwydd y tu allan i oriau swyddfa arferol. Bydd cydweithio gyda rhanddeiliaid ledled Cymru, megis Arolygiaeth Gofal Cymru, Grwpiau Cyfranogi a'r Comisiynydd Plant, yn rhan allweddol o'r swydd. Mae profiad o weithio gyda phlant sy'n derbyn gofal yn ddymunol, yn ogystal â phrofiad contractio neu gomisiynu. Mae sgiliau Cymraeg hefyd yn ddymunol.
Am ragor o wybodaeth, e-bostiwch 4c@rctcbc.gov.uk neu ffoniwch Helen: (01443) 570098.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio’n fanwl i gefndir yr ymgeisydd llwyddiannus.
Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun gwarantu cyfweliad ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, bydd gwahoddiad i gyfweliad i chi os byddwch chi'n dewis cymryd rhan yn y cynllun.
Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n cwrdd â'r meini prawf hanfodol yn y fanyleb person, yn cael cynnig cyfweliad.
Unigolion â Phrofiad o fod mewn Gofal – Cynllun Gwarantu Cyfweliad
Yn rhan o rôl rhianta corfforaethol y Cyngor, mae wedi ymrwymo i gefnogi unigolion â phrofiad o fod mewn gofal. Dyma unigolion sydd wedi treulio amser yn y system ofal ar unrhyw adeg yn ystod eu bywyd. Rydyn ni'n annog ceisiadau gan unigolion â phrofiad o fod mewn gofal i'w galluogi nhw i gael mynediad at gyflogaeth, addysg, profiadau a chyfleoedd gwirfoddoli.
Bydd y Cyngor yn gwarantu cyfweliad ar gyfer unigolion â phrofiad o fod mewn gofal sy'n dymuno cymryd rhan yn y cynllun ac sy'n bodloni meini prawf hanfodol y swydd.
