Swyddog Pwynt Mynediad Sengl x 2

Ydych chi'n drefnus? Ydych chi'n gallu siarad gyda phobl ar y ffôn? Ydych chi'n gallu gweithio'n rhan o dîm? Ydych chi wedi arfer gweithio'n gyflym?

Yna efallai mai dyma'r swydd i chi!

Mae'r Tîm Pwynt Mynediad Sengl rŵan yn rhan o'r Gwasanaeth Gwybodaeth, Cymorth a Chyngor sy'n helpu aelodau o'r cyhoedd, eu teuluoedd ac unrhyw weithiwr proffesiynol sy'n eu cefnogi, i gael gafael ar yr wybodaeth gywir ar yr adeg gywir.

Ydych chi'n dda am gael yr wybodaeth orau allan o bobl i ymateb i'w ymholiad yn gyflym? Byddwn yn eich darparu â hyfforddiant ac yn eich cefnogi i ddysgu at bwy i gyfeirio'r cwsmeriaid hyn.

Byddwch angen llawer o wytnwch personol, ond byddwn yn eich helpu i fagu hyder mewn delio â sefyllfaoedd heriol.

Mae'r gallu i gyfathrebu yn Saesneg yn hanfodol, ac mae'r gallu i sgwrsio'n gartrefol gyda chwsmeriaid yn Gymraeg yn Dymunol ar gyfer y swydd hon.

Wrth lenwi eich ffurflen gais, darparu enghreifftiau sydd yn dangos eich profiad.

Oherwydd natur y gwaith, bydd angen cael datgeliad boddhaol gan y Gwasanaeth Datgelu a Gwahardd (DBS).

Bydd dealltwriaeth o ofal cymdeithasol o gymorth, ond gellir ei dysgu yn ystod eich amser yn y swydd.

Buddion:
- Goruchwyliaeth Reolaidd gan eich Rheolwr Tîm
- Mynediad i hyfforddiant drwy Ofal Cymdeithasol a rhaglenni hyfforddiant Corfforaethol, yn ogystal â hyfforddiant allanol os yw'n briodol.
- Bod yn rhan o sefydliad sy'n sicrhau arferion gweithio diogel a llawn cefnogaeth, drwy bolisïau gweithwyr cadarn.
- Mynediad i nifer o fuddio gweithwyr, gan gynnwys Buddion Conwy, a Ffit Conwy.
- Gweithio mewn gofod swyddfa pwrpasol, sy'n agos i nifer o siopau, lleoedd bwyd o safon a choffi da!

Siaradwch â ni:
Os oes gennych unrhyw gwestiynau, neu hoffech gael gwybod rhagor am y swydd hon, mae croeso i chi gysylltu â Vanessa Williams, Rheolwr Adain Gwybodaeth, Cyngor a Chymorth.
E-bost: Ruth.barr1@conwy.gov.uk Ffôn: 01492 574668

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Gofynion y Gymraeg: Mae'r gallu i gyfathrebu yn Gymraeg yn ddymunol ar gyfer y swydd hon. Mae Cyngor Bwrdeistref Sirol Conwy wedi ymrwymo i'w Safonau Iaith Gymraeg. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau.

Cysylltwch â'r Tîm AD ar 01492 576129 i gael cyngor pellach.

This form is also available in English.