37 awr yr wythnos
Dros dro – 2 flwyddyn
Oherwydd ehangu pellach yn y tîm Gofal gan Berthynas a Sefydlogrwydd, mae cyfle cyffrous wedi codi ar gyfer Uwch-ymarferydd Gwaith Cymdeithasol i ymuno â'n tîm Gofal gan Berthynas a Sefydlogrwydd cyfeillgar a dynamig. Mae'r rôl yn canolbwyntio ar gefnogi gofalwyr sy'n berthnasau i ddod yn Warcheidwaid Arbennig i gyflawni sefydlogrwydd ar gyfer eu plant sy'n berthnasau drwy asesiadau cynhwysfawr sy'n seiliedig ar dystiolaeth a chynllunio ac adolygu cymorth cadarn.
Yn y rôl werth chweil hon byddwch yn ymrwymedig i weithio gyda gofalwyr sy'n berthnasau mewn ffordd sy'n seiliedig ar gryfderau a thosturiol, gan ddangos eich gwybodaeth sefydledig a'ch profiad o weithio mewn gwasanaeth gofal gan berthnasau/plant ar lefel uwch gan gynnwys monitro cydymffurfiaeth a sicrhau ansawdd. A chithau'n uwch-ymarferydd, gallwch ddisgwyl cysylltu'n agos â Rheolwyr ar wahanol lefelau, ein hadran gyfreithiol, a thimau Gwaith Cymdeithasol plant eraill. Bydd gallu amlwg i ddatblygu a chynnal perthnasoedd gwaith cydweithredol drwy gyfathrebu rhagorol yn cefnogi cais llwyddiannus.
Er mwyn sicrhau ein bod yn diwallu anghenion ein gofalwyr sy'n berthnasau, y plant yn eu gofal a'u teuluoedd yn gyson, rhan bwysig o'ch rôl fydd goruchwylio'r tasgau gweithredol o ddydd i ddydd gan sicrhau eu bod yn bodloni ein hamserlenni cydymffurfio a chyfreithiol, gweithio gyda'r Rheolwr Tîm i gyfrannu at ddatblygu'r gwasanaeth. Efallai y gofynnir i chi hefyd ddarparu goruchwyliaeth i Gynorthwywyr Gwaith Cymdeithasol yn ôl yr angen.
I'ch cefnogi yn y rôl gyffrous a gwerth chweil hon, byddwch yn cael sefydlu cadarn, goruchwyliaeth o ansawdd uchel, reolaidd yn ogystal ag anogaeth broffesiynol i gael mynediad at hyfforddiant a chyfleoedd gyrfa. Er ein bod yn awdurdod lleol Arwyddion Diogelwch, nid yw hyfforddiant blaenorol a phrofiad o'r model yn ofyniad gan ein bod yn darparu hyfforddiant ffafriol a swyddog penodedig i gynorthwyo'r timau i integreiddio'r model yn eu trefniadau gweithio bob dydd.
Rydym yn deall bod gweithwyr cymdeithasol yn ymgymryd â dyletswyddau heriol, ond gwerth chweil, bob dydd ac fel awdurdod lleol rydym yn gwerthfawrogi'r gwydnwch a'r angerdd a ddangosir gan ein timau yn rheolaidd.
- Rydym yn gweithredu model gweithio hyblyg a hybrid cyfleus, gan eich galluogi i wneud y mwyaf o'ch amser yn unol â'ch blaenoriaethau personol.
- Rydym yn ymrwymedig i hyrwyddo iechyd, diogelwch, a llesiant ein cyflogeion a rhoi mynediad i chi i Raglen Cymorth i Weithwyr am ddim sy'n cynnwys llinell gwnsela gyfrinachol 24/7 ac arbenigwyr cymorth.
- Fel aelod gwerthfawr o staff, bydd gennych fynediad at gynllun pensiwn hael a gostyngiadau a gwobrau unigryw.
- Cylchlythyr Iechyd a Llesiant misol gyda mentrau a strategaethau amrywiol i godi ymwybyddiaeth ac annog gweithle iach i chi a'ch tîm.
Mae'r Tîm Gofal gan Berthynas a Sefydlogrwydd wedi'i gyd-leoli â'r Tîm Maethu Cyffredinol a Lleoliadau, Plant sydd â Phrofiad o fod mewn Gofal a thimau 15+ i alluogi cydweithio effeithiol, wedi'i leoli yn y Swyddfeydd Dinesig. Rydym yn dîm o 16.5 o staff sy'n cynnwys Rheolwr Tîm, Dirprwy Reolwr Tîm, Uwch-ymarferydd, Gweithwyr Cymdeithasol Goruchwylio, Gweithwyr Cymorth Ailuno, Cynorthwyydd Gwaith Cymdeithasol, yn ogystal â chael staff Cymorth Busnes penodedig. Rydym yn dîm blaengar, creadigol, cefnogol, a chyfeillgar sy'n angerddol am ofal gan berthynas, os ydych yn rhannu ein hangerdd byddem wrth ein bodd yn clywed gennych a gallwch ddisgwyl croeso cynnes pan fyddwch yn ymuno â ni.
Os oes gennych ddiddordeb yn y rôl hon ac os oes gennych unrhyw gwestiynau neu am siarad neu gwrdd â'r tîm, ffoniwch Amanda Fraser, Rheolwr Tîm ar 01656 642294 neu anfonwch e-bost at amanda.fraser@bridgend.gov.uk.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant ac Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 29 Gorffennaf 2026
Dyddiad Llunio'r Rhestr Fer: 30 Gorffennaf 2026
Dyddiad y Cyfweliad: 07 Awst 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
