Wellbeing Hub Advisor - Internal Only

Ymgynghorydd Hwb Lles

G05 £10,012 - 10,335

2 ddiwrnod (14 awr 48 munud) yr wythnos tan 31 Mawrth 2025

Mae'r Hwb Lles yn ganolbwynt cymorth atal cynnar bywiog. Mae angen Ymgynghorydd llawn cymhelliant arnom sy'n angerddol am alluogi pobl i aros yn iach ac yn annibynnol cyhyd ag sy'n bosibl trwy hyrwyddo gweithgareddau atal ac ymyrraeth gynnar i bobl o bob oedran a gallu. Bydd yr ymgeisydd llwyddiannus yn gweithio ar y cyd ag ystod o fudd-ddeiliaid gan gynnwys sefydliadau Iechyd, y Trydydd Sector a'r gymuned.

Mae swydd Ymgynghorydd yn cynnwys darparu gwybodaeth, cyngor a chymorth am amrywiaeth o wasanaethau Lles. Mae Ymgynghorwyr hefyd yn cwblhau amryw o dasgau gweinyddol gan gynnwys cymryd archebion am ystafelloedd, rhoi gwybodaeth ar gyfryngau cymdeithasol a chodi archebion er enghraifft. Mae Ymgynghorwyr hefyd yn sicrhau bod yr ystafelloedd yn yr Hwb Lles yn cael eu gosod yn barod ar gyfer gweithgareddau a gall hynny olygu symud dodrefn, trefnu lluniaeth a chefnogi'r sawl sy'n llogi'r ystafell i baratoi ar gyfer cyflwyniadau.

Mae hwn yn gyfle cyffrous i rywun sy'n chwilio am her newydd. Byddai'r swydd hon yn addas i rywun sydd â phrofiad blaenorol o ddarparu gwasanaeth i gwsmeriaid ac sy'n gallu cyflawni sawl tasg ar unwaith.

Rydym yn dîm bach sy'n gwneud gwahaniaeth mawr. Os ydych yn meddwl eich bod yn ateb y gofynion, ysgrifennwch fanylion eich profiad a pham yr ydych eisiau ymuno â Thîm yr Hwb Lles ar un ochr o bapur A4. Dylech ei anfon at Stacey Deere erbyn 9am 05/01/2025

Fel pob cyfle am secondiad - mae'n rhaid i unrhyw geisiadau gael eu cefnogi gan eich rheolwr atebol cyn gwneud cais.

Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg.

Eitemau wedi'u Llwytho i Lawr:

Swydd Dd... (.doc) (126kb) , Job Desc... (.doc) (126kb)