Rhif swydd LEICY100013.15 - Ymarferydd Cynorthwyol Dechrau'n Deg
Hoffai Dechrau'n Deg recriwtio Ymarferwyr Cynorthwyol, mae’n rhaid bod yr ymgeiswyr wedi cymhwyso at Lefel 2 neu fod yn gweithio tuag at Lefel 3 mewn cymhwyster cydnabyddedig e.e. CCLD, NVQ neu debyg yn unol â Chymhwyster Gofal Cymdeithasol Cymru.
30 hrs, 17.5 hrs Nifer o swyddi ar gael ar gyfer gofal plant, crèche a chlwb ar ôl ysgol 39 wythnos pro-rata.
Mae Dechrau'n Deg yn fenter gan Lywodraeth Cymru, sydd â’r nod o wneud gwahaniaeth cadarnhaol i wella cyfleoedd bywyd plant, gan sicrhau eu bod yn cael dechrau teg mewn bywyd. Gan fod y fenter hon yn ehangu ar draws ardaloedd Casnewydd, rydym eisiau penodi Ymarferwyr Cynorthwyol Gofal Plant y Blynyddoedd Cynnar.
Mae Tîm Dechrau'n Deg Casnewydd yn chwilio am Ymarferwyr Cynorthwyol brwdfrydig a dibynadwy i weithio fel rhan o dîm, dan arweiniad yr Uwch Ymarferwyr i hyrwyddo gweledigaeth a gwerthoedd y rhaglen Dechrau'n Deg.
Mae oriau’r swydd i'w cytuno, dydd Llun - dydd Gwener dros 39 wythnos. Bydd y swydd yn dechrau cyn gynted â phosibl, ar sail cyfnod penodol tan 31 Mawrth 2027.
Bydd yn ofynnol i ddeiliad y swydd gymryd gwyliau sy'n cyd-fynd ag adegau pan fydd Dechrau'n Deg ar gau.
Bydd gan yr ymgeiswyr sgiliau cyfathrebu a rhyngbersonol rhagorol, yn ogystal ag ymrwymiad gwirioneddol i ofal a datblygiad plant ifanc iawn. Bydd yr ymgeiswyr yn meddu ar lythrennedd lefel 2 o leiaf, TGAU Saesneg gradd C neu uwch.
Cymhwyster Gofal Plant perthnasol Lefel 2 (neu uwch) neu'n barod i weithio tuag at Lefel 3, profiad o weithio gyda phlant a dealltwriaeth o ddatblygiad plant ac ymwybyddiaeth o bolisïau ac ymarfer gofal plant. Mae gwybodaeth am Dechrau'n Deg neu debyg yn ddymunol.
Mae disgwyl i holl staff Dechrau'n Deg fod yn hyblyg i anghenion y gwasanaeth, gan gefnogi lleoliadau ledled y ddinas, bydd hyn yn cynnwys cefnogi plant ag Anghenion Dysgu Ychwanegol, gan symud ar draws lleoliadau yn cyflenwi yn sgil absenoldeb staff a bydd yn cynnwys Clwb Ar ôl Ysgol sy'n darparu cyfleoedd chwarae i blant 2 – 10 oed, o ddydd Llun i ddydd Gwener rhwng 15:00 a 18:00.
Bydd y broses recriwtio yn cynnwys cyfweliad ac arsylwi yn yr ystafell gofal plant gydag uwch aelodau o’r Tîm Blynyddoedd Cynnar a Gofal Plant.
Cofiwch nad ydyn ni’n caniatáu i chi ddod â nodiadau i mewn i'r cyfweliad.
Am fwy o wybodaeth, cysylltwch â Kate Borgan, Arweinydd Tîm Blynyddoedd Cynnar Tîm Dechrau'n Deg ar kate.brogan@newport.gov.uk .
Mae’r swydd hon wedi’i heithrio o Ddeddf Adsefydlu Troseddwyr (1974) ac yn amodol ar wiriad GDG manwl.
Rydym yn croesawu ceisiadau ar gyfer ein holl swyddi yn y Gymraeg neu'r Saesneg. Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.
Mae Cyngor Dinas Casnewydd yn ymrwymedig i weithio tuag at gael gweithlu sy’n fwy cynrychioliadol o’r boblogaeth yr ydym yn ei gwasanaethu ac yn arbennig fe groesewir ceisiadau gan bobl o gymunedau lleiafrifoedd ethnig a gynrychiolir (neu sy’n byw) yn y ddinas. Caiff penodiad ei wneud yn seiliedig ar y gallu a’r sgiliau i gyflawni'r rôl.
Ar hyn o bryd, nid yw Cyngor Dinas Gasnewydd yn cefnogi ymgeiswyr i gael yr hawl i weithio yn y DU. Cyn gwneud cais am swydd, dylai fod gennych yr hawl i weithio yn y DU.
Our values – Fairness for all, Making a difference, Being responsible, Working together
Ein Gwerthoedd - Tegwch i Bawb, Gwneud Gwahaniaeth, Bod yn Gyfrifol, Gweithio gyda'n gilydd