Taith prentisiaeth Caitlin

Yr hyn rwy'n ei fwynhau fwyaf am weithio gyda phlant yw eu gwylio yn tyfu ac yn datblygu. Mae pob plentyn yn unigryw, ac mae bod yno i'w hannog i gwblhau carreg filltir yn hynod o werth chweil. Dwi hefyd yn hoffi gwneud i'r plant wenu. Mae bod yn rhywun sy'n gallu gwneud iddyn nhw chwerthin a gwenu yw'r un o'r teimladau gorau!

Y camau nesaf rwyf newydd ddechrau yn fy ngyrfa yw cwblhau'r cwrs pontio i waith Chwarae. Rwyf hefyd yn awyddus i gwblhau fy nghwrs Lefel 4 + 5 paratoi ar gyfer arweinyddiaeth a rheoli. Bydd y ddau yn fy helpu i dyfu a datblygu fy ngyrfa.

Mae cwblhau'r brentisiaeth wedi gwella fy sgiliau a'm hyder yn sylweddol wrth weithio gyda phlant. Mae wedi gwella fy ngwybodaeth ac wedi dysgu technegau amrywiol i mi ar gyfer rheoli plant a sut i'w helpu i ddatblygu ymhellach.

Fy nghyngor i unrhyw un sydd eisiau cwblhau prentisiaeth GChDDP yw gwneud hynny. Os byddwch yn dangos eich bod yn fodlon rhoi amser ac ymdrech i mewn, bydd eich asesydd yn cyfateb i'ch ymrwymiad i helpu i'ch tywys drwy'r cwrs. Yn bersonol, roedd gwneud y brentisiaeth yn fy switio’n dda gan fy mhod wedi dysgu rheoli fy amser yn effeithiol a gweithio o gwmpas fy oriau i gwblhau'r tasgau ar amser.

Fel siaradwr Cymraeg iaith gyntaf, roedd yn gwneud mwy o synnwyr i mi gwblhau fy nghwrs trwy gyfrwng y Gymraeg. Llwyddais i drosglwyddo fy ngwybodaeth a'm dealltwriaeth o gynnwys y cwrs yn hawdd. Roedd cwblhau'r cwrs trwy'r Gymraeg, gydag asesydd sy'n siarad Cymraeg, yn gwneud y broses yn llawer haws i mi oherwydd roeddwn i'n gallu cyfathrebu drwy'r iaith rydw i'n fwyaf hyderus ynddi. Byddaf yn cwblhau fy nghyrsiau yn y dyfodol, os yn bosibl, drwy gyfrwng y Gymraeg gan fy mod wedi derbyn cefnogaeth anhygoel wrth gwblhau prentisiaeth GChDDP.