Rheolwr Gofal Dydd

Mae’r rôl yn cynnwys gweithio gyda’ch tîm, plant a theuluoedd i greu awyrgylch diogel, cynhwysol ac o ansawdd uchel i ddiwallu anghenion y plant sy’n dod i’r lleoliad.

Byddwch yn gyfrifol am redeg y lleoliad o ddydd i ddydd, gan roi arweiniad, goruchwyliaeth a chymorth i’r staff. Byddwch hefyd yn recriwtio ac yn darparu hyfforddiant parhaus i staff ac yn cynnal cyllidebau meithrinfeydd.

Mae meithrinfeydd dydd a meithrinfeydd yn darparu gwasanaeth hanfodol i rieni sy’n gweithio, drwy gynnig gofal plant o’u geni. Defnyddir y termau meithrinfa ddydd, gofal dydd a meithrinfa yn gyfnewidiol i ddisgrifio’r man lle mae rhieni’n anfon eu plant i gael gofal yn ystod oriau gwaith.

I lwyddo yn y rôl hon, bydd angen y canlynol arnoch chi:

• sgiliau arwain a rheoli
• natur ofalgar ac amyneddgar
• sgiliau cyfathrebu da, gan gynnwys sgiliau llafar a gwrando
• y gallu i feithrin perthnasoedd da
• dychymyg a chreadigrwydd
• gallu addasu i sefyllfaoedd sy’n newid
• gwneud yn siŵr bod pob plentyn yn cael ei gynnwys
• hyder wrth ddelio â phlant ac oedolion
• sgiliau cynllunio a chyllidebu
• gallu gweithio mewn partneriaeth
• gallu cadw at y safonau a’r rheoliadau gofynnol
• rhoi sylw i fanylion a’r gallu i gwblhau unrhyw ddogfennau sy’n angenrheidiol

Gallwch ddod o hyd i’r cymwysterau sydd eu hangen neu’r cymwysterau a argymhellir ar gyfer y rôl hon gyda Gofal Cymdeithasol Cymru.