Cyfarwyddwr Gwasanaethau Cymdeithasol 

Chi fydd llefarydd y sefydliad ar bob mater sy’n ymwneud â Gwasanaethau Cymdeithasol. Byddwch yn meithrin cysylltiadau effeithiol gyda’r wasg, gwleidyddion, asiantaethau a sefydliadau.

Byddwch yn gweithio gyda Phenaethiaid Gwasanaeth, gan sicrhau bod trefniadau diogelu effeithiol ar waith, a byddwch yn comisiynu, datblygu a darparu gwasanaethau a fydd yn gwella canlyniadau i bobl sydd angen gofal a chymorth. Byddwch yn ystyried goblygiadau eich penderfyniadau strategol a gweithredol ar adnoddau dynol ac ariannol.

Byddwch yn rhoi arweiniad, canllawiau a chymorth i staff, gan ddatblygu hyder a chydnerthedd. Byddwch yn sicrhau bod staff yn glynu wrth bolisïau, deddfwriaeth a rheoliadau

I lwyddo yn y rôl hon, bydd angen y canlynol arnoch chi:

• dealltwriaeth fanwl o’r gofynion statudol ar gyfer y Gwasanaethau Cymdeithasol yng Nghymru
• gwybodaeth gyflawn am ddeddfwriaeth berthnasol
• sgiliau arwain a rheoli cryf ac effeithiol
• canolbwyntio ar gyflawni a rheoli perfformiad
• sgiliau rheoli newid
• sgiliau cyfathrebu a rhyngbersonol rhagorol
• ymagwedd hyblyg at waith
• y gallu i gydymdeimlo a chydbwyso gwahanol safbwyntiau proffesiynol
• y gallu i fod yn greadigol a datrys problemau
• y gallu i feithrin perthnasoedd effeithiol a datblygu cysylltiad
• y gallu i rymuso timau ac unigolion
• dull sy’n seiliedig ar dystiolaeth
• y gallu i addasu i amgylchiadau sy’n newid
• cydnerthedd a’r gallu i ddelio â sefyllfaoedd anodd
• y gallu i feddwl yn feirniadol
• sgiliau rheoli amser a threfnu da
• llythrennedd cyfrifiadurol.

Gallwch ddod o hyd i’r cymwysterau gofynnol neu’r cymwysterau a argymhellir ar gyfer y rôl hon gyda Gofal Cymdeithasol Cymru.