Ymarferydd gwasanaethau cymdeithasol
Fel Ymarferydd gwasanaethau cymdeithasoll byddwch yn gweithio mewn partneriaeth ag asiantaethau a gweithwyr proffesiynol eraill i hyrwyddo canlyniadau sy’n canolbwyntio ar y person ar gyfer unigolion sydd ag anghenion gofal a chymorth ac mewn cymunedau.
Bod yn Ymarferydd Gwasanaethau Cymdeithasol
Mae’r rôl hon hefyd yn cael ei galw yn Cynorthwyydd Gwasanaethau Cymdeithasol. Byddwch yn ymwneud â rhannu gwybodaeth a chyngor ag unigolion drwy gydol eu hasesiad, y gwaith cynllunio, y gwaith o ddarparu gwasanaethau neu gymorth a’r camau i adolygu’r gwaith.
Gwybodaeth am y gweithle
Byddwch yn gweithio gydag amrywiaeth o bobl a chymunedau sydd angen gofal a chymorth. Byddwch yn cael eich neilltuo i dîm, gan weithio gyda; phobl hŷn, pobl ag anableddau neu broblemau iechyd meddwl, plant a’u teuluoedd neu ofalwyr. Gall y rôl hon gynnwys gweithio gydag unigolion yn eu cartrefi eu hunain, canolfannau dydd, cartrefi preswyl, ysgolion, ysbytai a sefydliadau cyhoeddus, preifat neu wirfoddol eraill.
Cychwyn arni fel Ymarferydd Gwasanaethau Cymdeithasol
I lwyddo yn y rôl hon, bydd angen y canlynol arnoch chi:
- sgiliau cyfathrebu a rhyngbersonol da
- bod yn wrandäwr astud
- agwedd hyblyg at waith
- y gallu i ddangos empathi
- y gallu i feithrin perthnasoedd effeithiol a datblygu cysylltiad
- y gallu i fod yn greadigol a datrys problemau
- natur ystyriol, ofalgar ac amyneddgar
- agwedd anfeirniadol
- cydnerthedd a’r gallu i ddelio â sefyllfaoedd anodd
- sgiliau rheoli amser a gweinyddol da
- llythrennedd cyfrifiadurol
Efallai yr hoffech chi ystyried y rhaglen Cyflwyniad i ofal cymdeithasol sy’n rhoi sylw i’r hanfodion sydd eu hangen arnoch chi i ddechrau gweithio ym maes gofal cymdeithasol.
Cymwysterau Gofynnol
Gallwch ddod o hyd i’r cymwysterau gofynnol neu’r cymwysterau a argymhellir ar gyfer y rôl hon gyda Gofal Cymdeithasol Cymru.
Ewch i Gofal Cymdeithasol Cymru
Fydd ddim angen cofrestru gyda Gofal Cymdeithasol Cymru.
