Mae Cysylltu Bywydau Gwynedd a Môn yn credu y dylai pobl allu dilyn y bywydau maent am eu dilyn, tra eu bod yn derbyn y cymorth sydd ei angen arnynt yn y cartref o’u dewis hwy.
Cysylltu Bywydau
Mae Cysylltu Bywydau yn cynnig sefydlogrwydd a sicrwydd er mwyn i bobl fyw eu bywyd gorau. Ond beth mae’n ei olygu, a phwy mae’n ei helpu? Mae’r dudalen hon yn rhoi cyflwyniad clir i wasanaethau Cysylltu Bywydau yng Nghymru. Hefyd, mae gennym gyngor i unrhyw un sy’n dymuno dod yn ofalwr Cysylltu Bywydau.
Ynglŷn â Bywydau a Rennir
Mae Cysylltu Bywydau ar gyfer pobl 18+ oed sydd am fyw’n annibynnol, gyda chefnogaeth ychwanegol rhwydwaith teulu a chymuned. Mae’n ddewis amgen i fyw mewn llety â chymorth neu ofal preswyl.
Mae gofalwyr Cysylltu Bywydau yn rhoi cymorth i bobl yn eu cartrefi eu hunain am ddiwrnod yr wythnos, neu am ychydig ddyddiau ar y tro, ac mae eraill yn darparu gofal a chymorth hirdymor, ac yn byw yn yr un lle â’r unigolyn sydd angen cymorth. Mae’n debyg i faethu – i oedolion. Maen nhw’n rhannu bywyd teuluol gyda pherson sydd angen cymorth i fyw’n dda. Gyda’i gilydd, maen nhw’n helpu i ddatblygu cymunedau iach sydd wedi’u cysylltu ac yn hyrwyddo lles.
Maen nhw'n cael eu paru'n ofalus gyda pherson sy'n ceisio cael cyfle i Cysylltu Bywydau. Diddordebau a rennir, ffyrdd o fyw, yr un hiwmor yw rhai o bethau sy'n cael eu hystyried er mwyn sicrhau'r cywedd.
Pwy sy’n cael cymorth gan Cysylltu Bywydau?
Mae Cysylltu Bywydau yn darparu cefnogaeth i bobl sydd â:
- anableddau dysgu
- anableddau corfforol
- pobl sy’n byw gyda dementia
- salwch meddwl
- pobl sydd angen dod allan o’r ysbyty
- pobl ifanc sy’n pontio o ofal maeth
- pobl hŷn
- rhieni a babanod ar gyfer rhieni newydd ag anableddau dysgu.
Pwy all ddod yn ofalwr Cysylltu Bywydau?
Nid oes angen profiad gofalu. Y cyfan sydd ei angen yw amser, ymrwymiad a'r awydd i helpu rhywun i gael y gorau o fywyd.
Byddwch yn cael gweld y gwahaniaeth anhygoel y gall Cysylltu Bywydau ei wneud, wrth wylio person yn magu hyder, ennill mwy o annibyniaeth, dysgu sgiliau newydd a phrofi ymdeimlad o berthyn am y tro cyntaf yn ei fywyd.
Sut ydw i’n dod yn ofalwr Cysylltu Bywydau?
Wrth wneud cais i fod yn ofalwr Cysylltu Bywydau, byddwch yn mynd drwy broses gymeradwyo. Unwaith y byddan nhw wedi’u cymeradwyo, caiff gofalwyr Cysylltu Bywydau eu hyfforddi a dod yn aelodau o Cysylltu Bywydau Plws sy’n darparu cefnogaeth ac arweiniad.
Mae gofalwr Cysylltu Bywydau yn cael ei baru’n ofalus â pherson sy’n chwilio am gyfle Cysylltu Bywydau. Diddordebau yn gyffredin, ffordd debyg o fyw a synnwyr digrifwch - dim ond rhai o’r pethau sy’n cael eu hystyried wrth geisio paru’n gywir.
Dewch o hyd i'ch Gwasanaeth Cysylltu Bywydau lleol yng Nghymru
Dewch o hyd i'ch gwasanaeth Cysylltu Bywydau yng Nghymru.
Mae rhai o'r adnoddau hyn ar gael yn Saesneg yn unig. Nid ydym yn gyfrifol am unrhyw adnoddau allanol.
Mae pobl PSS (Conwy, Sir Ddinbych a Wrecsam) yn dod o cefndiroedd gwahanol, o bersonoliaethau, profiadau a mewnwelediad gwych sy'n rhoi'r diwylliant cynnes, agored a chyfeillgar i ni.
Rydym am i bobl fod mor annibynnol â phosibl. Y bobl sy'n defnyddio'r gwasanaeth sy'n penderfynu pa ganlyniadau maent yn eu dymuno mewn bywyd.
Mae Cysylltu Bywydau yn ymwneud â pherthnasoedd, helpu pobl i dyfu a chynnal hyder, gwneud ffrindiau newydd, neu ddysgu sgiliau newydd. Mae'n ffordd iddyn nhw ffynnu fel person - ac i chi ddod â'ch hunan cyfan i'r rôl.
Abertawe, Castell-nedd Port Talbot, Rhonddfa Cynon Taf a Chaerdydd. Mae Ategi wedi bod yn cefnogi ac yn grymuso pobl trwy ein gwasanaethau i gyflawni newidiadau cadarnhaol yn eu bywydau ers bron i 30 mlynedd.
Does dim angen unrhyw gymwysterau na phrofiad o weithio yn y sector gofal (er gall helpu). Y cyfan sydd ei angen arnoch yw'r gwerthoedd cywir, ymroddiad a ‘stafell sbâr. Byddem yn croesawu ceisiadau gan unigolion neu gyplau.
Rydym yn cynnig lleoliadau yn y chwe ardal awdurdod lleol sef Blaenau Gwent, Caerffili, Merthyr Tudful, Sir Fynwy, Casnewydd a Thorfaen. Mae bod yn ofalydd rhannu bywydau yn waith sy’n rhoi boddhad. Mae ein gofalyddion yn helpu pobl i fyw bywydau llawn a chadarnhaol.