Swyddog Recriwtio Maethu
Fel Swyddog Recriwtio Maethu, chi fydd y pwynt cyswllt cyntaf ar gyfer darpar ofalwr maeth.
Bod yn Swyddog Recriwtio Maethu
Chi fydd yn gyfrifol am arwain ymgeiswyr o’u hymholiad cyntaf am faethu hyd at hyfforddiant a chymeradwyaeth fel gofalwyr maeth. Byddwch yn rhoi cyngor am y broses o ddod yn ofalwr maeth ac yn aml yn ateb cwestiynau am faethu.
Bydd y rôl hefyd yn cynnwys trefnu digwyddiadau a gweithgareddau i helpu i hyrwyddo’r angen am ofalwyr maeth yn y gymuned leol.
Gwybodaeth am y gweithle
Mae hon yn rôl â thâl lle byddwch yn gweithio yn y gwasanaeth maethu.
Yng Nghymru, rhaid i wasanaethau maethu fod wedi eu cofrestru gydag Arolygiaeth Gofal Cymru, sy’n cofrestru, yn arolygu ac yn cymryd camau i wella ansawdd gwasanaethau gofal ledled Cymru.
Dechrau arni fel Swyddog Recriwtio Maethu
Bydd angen sgiliau pobl da arnoch, agwedd allblyg a brwdfrydig a phrofiad o ddilyn prosesau.
Cymwysterau Gofynnol
Nid oes angen cymwysterau.
