Gweithiwr Cymorth Maethu

Byddwch yn gweithredu fel eiriolwr ar ran y gofalwyr maeth yn y tîm gwaith cymdeithasol ehangach. Byddwch hefyd yn eu tywys drwy eu haddysg a’u datblygiad, eu cymorth emosiynol a’u cefnogi drwy eu goruchwyliaeth reolaidd, yn debyg i rôl y gweithiwr cymdeithasol sy’n eu goruchwylio, heb gyfrifoldebau asesu ac adolygu.

Mae hon yn rôl â thâl lle byddwch yn gweithio yn y gwasanaeth maethu.

Yng Nghymru, rhaid i wasanaethau maethu fod wedi eu cofrestru gydag  Arolygiaeth Gofal Cymru, sy’n cofrestru, yn arolygu ac yn cymryd camau i wella ansawdd gwasanaethau gofal ledled Cymru.

Bydd arnoch angen sgiliau goruchwylio, ysgrifennu a chofnodi adroddiadau’n gywir, rheoli amser, trwydded yrru lawn a hyblygrwydd o ran oriau gwaith.

Nid oes angen cymwysterau.