Gofalwr Maeth Tymor Hir

I blant nad ydynt yn gallu byw gartref, mae gofal maeth tymor hir yn cynrychioli diogelwch a bywyd teuluol sefydlog i’r plentyn, yn aml tan y byddant yn oedolion.

Mae gofal maeth tymor hir yn golygu dod â’r plentyn maeth priodol at y gofalwr maeth priodol am gyhyd ag y bydd ei angen - fel arfer, nes bydd yr unigolyn ifanc yn troi’n 18 oed, neu’n aml tan y bydd yn 21 oed dan drefniant gwahanol o’r enw ‘Pan Fydda i’n Barod’.

Bydd gofalwyr maeth yn gweithio gartref, gyda chefnogaeth tîm yn y swyddfa yn eu hawdurdod lleol neu asiantaeth faethu.

Nid oes angen cymwysterau.

I fod yn ofalwr maeth, byddwch yn cael eich asesu gan weithiwr cymdeithasol a’ch cymeradwyo fel gofalwr maeth gyda’ch awdurdod lleol neu asiantaeth faethu.

Mae Maethu Cymru yn gydweithrediad – yn rhwydwaith cenedlaethol o wasanaethau maethu’r 22 o Awdurdodau Lleol sydd yng Nghymru.

Maent yn rhan o’ch cymuned leol, wrth law gyda chefnogaeth ac arweiniad lleol ac arbenigol.

Maent yn:

• cadw plant yn lleol lle bynnag y bo modd.
• yn un tîm
• nid er elw