Nyrs Cartref Gofal i Oedolion
Fel Nyrs Cartref Gofal, byddwch chi’n darparu gofal sy’n canolbwyntio ar yr unigolyn i breswylwyr sy’n aml ag anghenion iechyd cymhleth.
Bod yn Nyrs Cartref Gofal
Byddwch chi’n gweithio fel rhan o dîm gyda gweithwyr gofal proffesiynol eraill drwy ganolbwyntio ar gyflyrau iechyd preswylwyr a’u heffaith ar eu cyfranogiad mewn gweithgarwch cymdeithasol.
Gan ystyried yr arferion clinigol gorau, byddwch chi’n cefnogi dewis y preswylwyr o ymyriadau ac yn canolbwyntio ar nodi newidiadau mewn symptomau yn gynnar er mwyn osgoi argyfyngau.
Byddwch chi hefyd yn cefnogi’r rheolwyr ac yn gyfrifol am gadw cofnodion cyfredol ar gyfer pob preswylydd.
Gwybodaeth am y gweithle
Cymru iachach: yw ein cynllun i ddod â gwasanaethau iechyd a gofal cymdeithasol at ei gilydd er budd y cyhoedd. Bydd hyn yn ei gwneud yn haws i’r GIG a gofal cymdeithasol gydweithio mewn ffordd gydgysylltiedig.
Stori Karen
Dechrau arni fel Nyrs Cartref Gofal
I lwyddo yn y rôl hon, bydd angen y canlynol arnoch chi:
- cynnig gofal sy’n canolbwyntio ar yr unigolyn
- gwneud penderfyniadau clinigol sy'n seiliedig ar dystiolaeth
- cynllunio a chydlynu cynlluniau gofal unigol
- sgiliau dirprwyo a goruchwylio
- sgiliau cyfathrebu da
- cydymdeimlad a thosturi
- meithrin perthnasoedd llawn ymddiriedaeth
- cadw cofnodion meddygol cywir
- cadernid
- cymhelliant a phenderfyniad
- y gallu i addasu i sefyllfaoedd heriol a chyfnewidiol.
Cymwysterau Gofynnol
Mae rhagor o wybodaeth am gymwysterau ar gyfer y swydd hon ar gael gyda'r Cyngor Nyrsio a Bydwreigiaeth.
