Pennaeth Gwasanaethau Plant neu Oedolion
Fel Pennaeth Gwasanaethau Plant neu Oedolion, byddwch yn gosod cyfeiriad, amcanion a nodau strategol, gan sicrhau asesiad proffesiynol o ansawdd uchel, yn cynllunio gofal ac yn darparu gwasanaethau i oedolion a phobl hŷn.
Bod yn Bennaeth Gwasanaethau Plant neu Oedolion
Byddwch yn arwain y gwaith o gynllunio, datblygu a rheoli gwasanaethau a fydd yn gwella canlyniadau i bobl sydd angen gofal a chymorth. Mae’n bosibl y byddwch hefyd yn dirprwyo ar ran y Cyfarwyddwr Statudol.
Byddwch yn sicrhau agwedd gynhwysfawr at ymarfer proffesiynol sy’n diogelu plant neu oedolion agored i niwed. Byddwch yn gweithio mewn partneriaeth â theuluoedd ac asiantaethau partner i ddiogelu pobl a allai fod mewn perygl.
Byddwch yn rhoi arweiniad, canllawiau a chymorth i staff, gan ddatblygu hyder a chydnerthedd. Byddwch yn sicrhau bod staff yn glynu wrth bolisïau, deddfwriaeth a rheoliadau'r cwmni.
Gwybodaeth am y gweithle
Byddwch yn gweithio gyda phartneriaid mewnol, rhanddeiliaid allanol a sefydliadau.
Y prif gyfrifoldebau yw sicrhau bod yr adran yn cyflawni disgwyliadau deddfwriaethol o ran cefnogi plant, ac un o’r ffyrdd gorau o ymuno â’r sector yw dechrau prentisiaeth neu wirfoddoli.
Cyfrifoldebau’r Pennaeth Gwasanaethau Plant neu Oedolion
I lwyddo yn y rôl hon, bydd angen y canlynol arnoch chi:
- gwybodaeth am y ddeddfwriaeth berthnasol yng Nghymru
- dealltwriaeth o ymarfer proffesiynol a dulliau gwahanol o ddiogelu a grymuso
- gwybodaeth am arferion gorau a ble i gael gafael ar dystiolaeth
- sgiliau rheoli ac arwain
- sgiliau rheoli newid a gwella
- sgiliau cyfathrebu a rhyngbersonol rhagorol
- ymagwedd hyblyg at waith
- y gallu i gydymdeimlo a chydbwyso gwahanol safbwyntiau proffesiynol
- y gallu i fod yn greadigol a datrys problemau
- y gallu i feithrin perthnasoedd effeithiol
- canolbwyntio ar gyflenwi gwasanaethau a pherfformiad
- y gallu i hybu cydraddoldeb ac amrywiaeth
- y gallu i rymuso timau ac unigolion
- y gallu i addasu i amgylchiadau sy’n newid
- cydnerthedd a’r gallu i ddelio â sefyllfaoedd anodd
- y gallu i feddwl yn feirniadol, a defnyddio tystiolaeth wrth wneud penderfyniadau
- sgiliau rheoli amser a threfnu da
- llythrennedd cyfrifiadurol.
Cymwysterau Gofynnol
Gallwch ddod o hyd i’r cymwysterau gofynnol neu’r cymwysterau a argymhellir ar gyfer y rôl hon gyda Gofal Cymdeithasol Cymru.
