Rheolwr Tîm Gwaith Cymdeithasol

Byddwch yn rhoi arweiniad, cyfarwyddyd a chymorth i dîm o weithwyr cymdeithasol ac weithiau staff iechyd a gofal cymdeithasol eraill, gan eu helpu i ddatblygu eu hyder a chydnerthedd. Byddwch yn rhoi cyfarwyddyd ac argymhellion, gan sicrhau bod y camau mwyaf priodol yn cael eu cymryd mewn ymateb i'r atgyfeiriadau a geir.

Byddwch yn goruchwylio staff yn rheolaidd, yn cynnal gwerthusiadau perfformiad ac yn cefnogi eu twf proffesiynol. Byddwch hefyd yn sicrhau bod staff yn glynu wrth bolisïau, deddfwriaeth a rheoliadau.

Byddwch yn rhoi cyngor i’r cyhoedd a gweithwyr proffesiynol eraill. Byddwch yn cadeirio cyfarfodydd ac yn gwneud yn siŵr bod cynlluniau a chofnodion ysgrifenedig yn gywir ac yn gyfredol ar gyfer yr holl unigolion y mae eich tîm yn eu cefnogi. Mae’n bosibl hefyd y byddwch yn rheoli adnoddau a chyllidebau.

Gall timau weithio gyda phlant, teuluoedd, y rheini sydd â phroblemau iechyd meddwl neu bobl hŷn; efallai y byddant wedi’u lleoli mewn cymunedau lleol neu yn swyddfeydd canolog y cyngor. Byddwch chi a’ch tîm yn gweithio i sicrhau’r canlyniadau gorau posibl i bobl sydd angen cymorth.

I lwyddo yn y rôl hon, bydd angen y canlynol arnoch chi:

• sgiliau rheoli ac arwain, gan gynnwys goruchwylio a hyfforddi
• sgiliau cyfathrebu a rhyngbersonol da
• ymagwedd hyblyg at waith a’r gallu i ymateb i flaenoriaethau sy’n cystadlu â’i gilydd
• y gallu i feddwl yn feirniadol a bod yn greadigol a datrys problemau
• y gallu i feithrin perthnasoedd effeithiol a datblygu cysylltiad â gweithwyr proffesiynol a’r cyhoedd
• pwyll, empathi ac amynedd
• agwedd anfeirniadol ac ymrwymiad i ymateb i bawb gydag ymdeimlad o chwarae teg
• tosturi, cydnerthedd a pharodrwydd i ddelio â sefyllfaoedd anodd
• llythrennedd cyfrifiadurol
• sgiliau da o ran rheoli amser ynghyd â sgiliau gweinyddol ac adrodd
• sgiliau rheoli ariannol

Gallwch ddod o hyd i’r cymwysterau gofynnol neu’r cymwysterau a argymhellir ar gyfer y rôl hon gyda Gofal Cymdeithasol Cymru.

Ewch i Gofal Cymdeithasol Cymru

Bydd angen cofrestru â Gofal Cymdeithasol Cymru os yw’r rheolwr tîm yn Weithiwr Cymdeithasol.