Codau Ymarfer Proffesiynol
Mae'r Codau Ymarfer Proffesiynol yn safonau sy'n nodi'r hyn a ddisgwylir gan bobl sy'n gweithio ym maes gofal cymdeithasol, er mwyn helpu i gadw'r cyhoedd yn ddiogel.
Er mwyn sicrhau bod gweithwyr yng Nghymru yn darparu gofal a chymorth da, mae dau god ymarfer:
Cod Ymarfer Proffesiynol ar gyfer Gweithwyr Gofal Cymdeithasol (y Cod Gweithwyr)
Cod Ymarfer Proffesiynol ar gyfer Cyflogwyr Gofal Cymdeithasol (y Cod Cyflogwyr)
Disgwylir i bob gweithiwr gofal cymdeithasol yng Nghymru weithio yn ôl y Cod Ymarfer Proffesiynol hyd yn oed os nad oes angen iddyn nhw gofrestru gyda ni ar hyn o bryd.
Rhaid i bawb sydd wedi cofrestru gyda Gofal Cymdeithasol Cymru ddilyn y Cod Gweithwyr.
Clywed gan weithwyr gofal cymdeithasol a rheolwyr
Gwyliwch y fideo isod i glywed sut mae gweithwyr gofal cymdeithasol a rheolwyr yn defnyddio'r codau yn eu hymarfer o ddydd i ddydd, gan helpu i lywio eu gwaith a chadw'r bobl y maent yn gofalu amdanynt yn ddiogel. Mae isdeitlau ar gael yn Gymraeg neu Saesneg drwy ddewis CC ar y fideo.
Dysgwch fwy drwy gwblhau'r Cod Ymarfer Proffesiynol ar gyfer e-ddysgu Gofal Cymdeithasol
