Cyflwyniad i ofal cymdeithasol

Mae cyflwyniad i ofal cymdeithasol yn rhoi trosolwg o weithio ym maes gofal cymdeithasol, gan gynnwys:

• rolau gofal cymdeithasol
• rhinweddau a gwerthoedd
  
• cydraddoldeb, amrywiaeth a thegwch
• hyrwyddo annibyniaeth
• cyfathrebu
• dyletswydd gofal
• Codau Ymarfer Proffesiynol
• caniatâd a chyfrinachedd
• ymagwedd sy'n canolbwyntio ar yr unigolyn
• gwydnwch a lles
• diogelu

Pan fyddwch yn dechrau gweithio yn y sector, byddwch hefyd yn cael cymorth a hyfforddiant ychwanegol gan eich cyflogwr.

Dim ond i unigolion sy’n preswylio’n gyfreithlon yng Nghymru ar adeg cofrestru ar ei chyfer y mae Rhaglen Cyflwyniad i Ofal Cymdeithasol Gofal Cymdeithasol Cymru ar gael. Os nad ydych yn ddinesydd Prydeinig, dim ond os ydych yn byw yng Nghymru ac yn meddu ar fisa sy'n rhoi'r hawl i chi weithio yn y DU y gallwch gofrestru ar gyfer y rhaglen. Wrth gofrestru ar gyfer y rhaglen, mae'n ofynnol i ymgeiswyr hunan-ardystio, os nad ydynt yn ddinesydd Prydeinig, eu bod wedi derbyn ac yn parhau i ddal fisa i weithio yn y DU a'u bod yn gallu profi eu caniatâd mewnfudo cyfreithlon a dilys.

Sylwch, ni all Gofal Cymdeithasol Cymru roi cyngor ar fewnfudo. Mae’n bosibl y bydd cyngor a chymorth perthnasol ar gael gan:

• Cyngor Ffoaduriaid Cymru
• Llu Ffiniau'r Llywodraeth
• Fisâu a Mewnfudo y DU

Nid yw'r rhaglen hon yn gymhwyster achrededig mewn iechyd a gofal cymdeithasol. Am fwy o wybodaeth am noddwyr a hawliau gwaith,ewch i Lywodraeth Cymru.

I weithio ym maes gofal cymdeithasol, bydd angen i chi gael rhai gwiriadau i sicrhau eich bod yn addas i weithio yn y sector. Byddwn yn eich helpu gyda'r rhain. Bydd hyn yn cynnwys rhywbeth o'r enw gwiriad System Datgelu a Gwahardd (DBS) i sicrhau eich bod yn gallu gweithio ym maes gofal cymdeithasol. Mae rhai rolau hefyd yn gofyn i chi gofrestru gyda Gofal Cymdeithasol Cymru.

Mae rhai rolau hefyd yn gofyn am gofrestru gyda Gofal Cymdeithasol Cymru.