Cyflwyniad i ofal plant
Rhaglen hyfforddiant am un ddiwrnod am ddim i bobl sy'n byw yng Nghymru sy'n cynnwys yr hanfodion sydd eu hangen arnoch i ddechrau gweithio ym maes gofal plant.
Am yr hyfforddiant
Mae'r cwrs Cyflwyniad i ofal plant yn rhoi trosolwg o weithio ym maes gofal plant a'r blynyddoedd cynnar. Mae'n cyflwyno meysydd craidd sydd eu hangen arnoch i ddechrau gweithio ym maes gofal plant, yn rhoi gwybodaeth am opsiynau gyrfa ac yn egluro pa rinweddau sydd eu hangen ar weithwyr.
Mae gan bob cwrs siaradwyr gwadd a llysgenhadon sy'n sôn am y realiti o weithio ym maes gofal plant a'r blynyddoedd cynnar.
Ar ôl cwblhau'r cwrs, byddwn yn gweithio ochr yn ochr â Gyrfa Cymru i'ch cefnogi wrth chwilio am waith a hyfforddiant. Pan fyddwch chi’n dechrau gweithio yn y sector, byddwch hefyd yn derbyn cymorth a hyfforddiant ychwanegol gan eich cyflogwr.
I weithio ym maes gofal plant, bydd angen i chi gael gwiriadau i sicrhau eich bod yn addas i weithio yn y sector. Byddwn yn eich helpu gyda'r rhain. Bydd hyn yn cynnwys rhywbeth o'r enw gwiriad System Datgelu a Gwahardd (DBS) i sicrhau eich bod yn gallu gweithio ym maes gofal plant.
Cynnwys y cwrs yn cynnwys:
- rolau a chyfrifoldebau gweithwyr gofal plant a’r blynyddoedd cynnar
- trosolwg o rolau swyddi a’u lleoliadau
- hawliau plant
- lles
- gweithio mewn ffyrdd sy'n canolbwyntio ar y plentyn
- chwarae
- Yr iaith Gymraeg a chyfathrebu
- iechyd a diogelwch
- atal a rheoli heintiau
- diogelu
- Cymdeithas Broffesiynol Gofal Plant a Blynyddoedd Cynnar (PACEY) sy'n darparu gwybodaeth benodol am ddod yn Warchodwr plant
- llysgenhadon
- cyngor a chymorth i gael gwaith gan Gyrfa Cymru.
Manylion y cwrs
| Cost | Am ddim |
| Hyd | Un ddiwrnod rhwng 9:45am - 3:15pm |
| Cyfyngiadau | Rhaid i chi fod yn 18+, yn byw yng Nghymru neu ar ei ffiniau a bod gennych yr hawl i weithio yn y DU |
| Cymhwyster | Dim cymwysterau gofynnol |
| Lleoliad | Ar-lein ac bydd angen mynediad i fideo a sain |
Pethau i'w gwybod
Nid yw hwn yn gymhwyster achrededig.
Ar gyfer noddwyr a hawliau gweithio – ewch i Lywodraeth Cymru.
Dod o hyd i waith
Ar ddiwedd y rhaglen byddwn yn cadw mewn cysylltiad â chi i ddarparu adnoddau defnyddiol i chi a'ch cynorthwyo a'ch cefnogi i chwilio am swyddi gwag sydd ar gael. Ni allwn sicrhau y byddwch yn cael swydd ym maes gofal plant, ond byddwch mewn sefyllfa dda i ddod o hyd i waith.
"Cwblheais y Cwrs Cyflwyniad i ofal plant ac yn ddiweddar rwyf wedi cofrestru fel Gwarchodwr Plant.
Rydw i ar fin dechrau ar fy nghymhwyster Gofal Plant Lefel 3 er mwyn i mi allu cofrestru fel Gwarchodwr Plant Dechrau'n Deg."
Os oes gennych gwestiynau am y rhaglenni uchod neu os oes gennych ddiddordeb mewn rhaglen benodol neu raglen grŵp cymunedol, cysylltwch â ni drwy cyflwyniadiofalplant@gofalcymdeithasol.cymru