Ai dyma'r swydd i chi?Mae Tîm Annibyniaeth a Llesiant Cymunedol Cyngor Sir Penfro yn chwilio am arweinydd tîm. Byddem wrth ein boddau yn clywed gennych chi pe byddech yn hoffi cael gyrfa yn arwain tîm i gynorthwyo unigolion i fyw yn eu cartrefi eu hunain. Mae'r gwaith hwn yn cynnwys gweithgareddau bywyd bob dydd fel gofal personol, paratoi prydau bwyd a meddyginiaeth. Byddwch yn gyfrifol am ysgrifennu ac adolygu cynlluniau gofal a chwblhau asesiadau risg, yn ogystal â sicrhau bod safonau'n cael eu cynnal o fewn y gwasanaeth i gydymffurfio â Gofal Cymdeithasol Cymru ac Arolygiaeth Gofal Cymru. Os oes gennych chi brofiad yn y maes arbenigol hwn, ac os hoffech chi newid swydd i ennill mwy o brofiad, cysylltwch â ni.
Rydym yn cynnig tâl mewn bloc a rota dreigl dros gyfnod o bythefnos. Byddech yn cael tâl ychwanegol am weithio dros y penwythnos, a byddech yn gweithio bob yn ail benwythnos. Rhoddir iwnifform, ffôn gwaith, lwfans teithio neu ddefnydd o fan waith pan fo un ar gael. Bydd hyfforddiant parhaus yn cael ei ddarparu.
Mae angen cymhwyster Lefel 2 o leiaf mewn Iechyd a Gofal Cymdeithasol i Oedolion neu gyfwerth, a'r ymrwymiad i weithio tuag at Lefel 3.
Bydd yn ofynnol i chi gofrestru gyda Gofal Cymdeithasol Cymru ar gyfer y swydd hon.
Os oes gennych sgiliau cyfathrebu da, yn ysgrifenedig ac ar lafar, sgiliau arwain a threfnu cryf, dull cadarnhaol o ymdrin â llesiant pobl eraill, a'r awydd i weld unigolion yn byw'n dda yn eu cartrefi eu hunain, llenwch ffurflen gais neu cysylltwch am sgwrs.
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
