Arweinydd Tim

Mae Galw Gofal yn wasanaeth monitro galwadau 24/7 dwyieithog sy'n helpu pobl yn y gymuned i barhau i fyw'n annibynnol, neu'n eu helpu gydag argyfyngau y tu allan i oriau swyddfa, fel atgyweiriadau i'w tŷ.

Rydym yn chwilio am unigolyn llawn hunan-gymhelliant gydag agwedd gadarnhaol i ymuno â'n tîm i gydlynu a chynnig cymorth i'r gwasanaeth rheng flaen hwn.

Bydd angen i ymgeiswyr feddu ar sgiliau cyfathrebu da ac, yn ddelfrydol, profiad o weithio mewn rôl arwain ac mewn swyddfa brysur.

Oherwydd natur y gwaith, bydd angen cael datgeliad boddhaol gan y Gwasanaeth Datgelu a Gwahardd (DBS) ar gyfer y swydd hon. Bydd yr ymgeisydd llwyddiannus hefyd yn destun gwiriad yn unol â BS7858.

Rydym yn hyrwyddo ac yn deall pwysigrwydd cydbwysedd cadarnhaol ac iach rhwng gwaith a bywyd a gallwn gynnig amryw drefniadau gweithio'n hyblyg. Bydd hyn yn cynnig mwy o hyblygrwydd a rheolaeth i chi dros eich diwrnod gwaith, a gellir trafod hyn yn y cyfweliad.

Byddwch yn elwa ar becyn buddion sylweddol, gan gynnwys Cynllun Pensiwn Llywodraeth Leol, Tâl Salwch Galwedigaethol a buddion staff sy'n cynnwys cynllun aberthu cyflog i brynu car, Beicio i'r Gwaith, arian yn ôl ar ofal iechyd, gwobrau gwasanaeth hir, gostyngiadau a llawer mwy.

Os oes gennych chi ddiddordeb yn y rôl hon ac eisiau ymuno â Thîm Conwy, fe hoffem ni glywed gennych chi.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Nick Mccavish, Rheolwr Strategol Rhanbarthol, 01492 575240 nick.mccavish@conwy.gov.uk

Gofynion y Gymraeg: Mae'r gallu i gyfathrebu yn Gymraeg yn hanfodol ar gyfer y swydd hon. Mae Cyngor Bwrdeistref Sirol Conwy wedi ymrwymo i'w Safonau Iaith Gymraeg. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.