Asesydd Gofal Cymdeithasol x7 - Gofal Cymdeithasol Plant (Mewnol yn Unig)

37 awr yr wythnos

Yn dilyn cynllun peilot 12 mis llwyddianus, mae Gwasanaethau Plant Wrecsam yn recriwtio Asesyddion Gofal Cymdeithasol mewn swyddi parhaol, i weithio ochr yn ochr â gweithwyr cymdeithasol i ddarparu pecyn o gymorth i blant a'u teuluoedd.

Bydd y swydd yn golygu cynnal sgyrsiau "Beth sy'n Bwysig" gyda phlant a phobl ifanc, trafod gydag asiantaethau partner ar draws y sector statudol a gwirfoddol, asesu anghenion plant, hwyluso cyfarfodydd gofal a chymorth, a gweithio'n uniongyrchol gyda phlant a'u teuluoedd. Darperir cyfleoedd hyfforddi a datblygu i gefnogi'r ymgeisydd llwyddiannus yn y swydd newydd gyffrous hon. Cefnogir ymgeiswyr llwyddiannus gan dîm profiadol o ymarferwyr a rheolwyr, a byddant yn cael goruchwyliaeth ac arweiniad. Mae'r swyddi gwag o fewn Un Pwynt Mynediad Plant, Tîm Cymorth i Deuluoedd a'r Tîm Plant Sy'n Derbyn Gofal.

Mae Deddf Gwasanaethau Cymdeithasol a Llesiant (Cymru) (2014) a Deddf Plant 1989 yn darparu fframweithiau deddfwriaethol i sicrhau cydymffurfiaeth â dyletswyddau statudol a bod plant a phobl ifanc yn cael eu cefnogi i gyflawni canlyniadau cadarnhaol.

Mae Gwasanaethau Plant Wrecsam yn dymuno penodi ymgeiswyr llawn ysgogiad sy'n ymroddedig i weithio gyda phlant a'u teuluoedd i wella eu cyfleoedd bywyd.

Bydd gan yr ymgeisydd llwyddiannus Lefel 3 neu gyfwerth mewn Iechyd a Gofal Cymdeithasol ac ymrwymiad i weithio tuag at gymhwyster lefel 4 neu gyfwerth o fewn yr amseroedd a gytunwyd. Bydd yr ymgeisydd llwyddiannus yn gweithio yn Adeiladau'r Goron yng Nghanol Dinas Wrecsam. Mae'r swydd yn cynnig y cyfle ar gyfer gweithio hybrid.

Mae angen gwiriad manwl gan y Gwasanaeth Datgelu a Gwahardd a chofrestriad Gofal Cymdeithasol Cymru ar gyfer y swydd hon.

I gael rhagor o wybodaeth cysylltwch â:

Mike.jones@wrexham.gov.uk

Kate.brooks@wrexham.gov.uk

Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.

Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.