Blaen Weithiwr Cymdeithasol 37 awr yr wythnos - Carfanau Plant a TheuluoeddGradd 13, £47,754 y flwyddyn Mae'r holl Weithwyr Cymdeithasol sy'n gweithio yn y carfanau yma'n gymwys i dderbyn £2,250 o atodiad y farchnad. Mae hyn waeth beth fo hyd y profiad ôl-gymhwyso a chaiff ei adolygu ym mis Mai 2027. Bydd y taliad yma'n cael ei dalu ar sail pro rata bob mis. Mae hwn yn hysbyseb penagored a bydd lleoliad y swydd yn dibynnu ar y swyddi gwag ar y pryd, mae’r carfanau wedi’u lleoli yn y lleoliadau canlynol: Dwyrain - Swyddfeydd Tŷ Catrin - Pontypridd Gogledd - Prif Swyddfa Cwm Cynon -Aberdâr De - Tŷ Elái, Trewiliam Gorllewin - Tŷ Elái, TrewiliamYmunwch â ni wrth i ni gychwyn ar gyfnod cyffrous o drawsnewid ein gwasanaeth. Mae Cyngor Rhondda Cynon Taf yn falch o gynnig swydd
Blaen Weithiwr Cymdeithasol a fydd yn gweithio yn rhan o’n Carfanau Plant a Theuluoedd
sydd newydd eu hailgyflunio. Ynglŷn â'r garfan Mae ein
Carfanau Plant a Theuluoedd yn arbenigo mewn cynllunio gofal ar gyfer plant sydd angen gofal a chymorth. Mae hyn yn cynnwys achosion sy'n destun cynllunio amddiffyn plant, Amlinelliad Cyfraith Gyhoeddus a'r Llys, yn ogystal â gwaith sy'n ymwneud â mabwysiadu plant. Mae gwasanaeth pwrpasol yn galluogi mwy o ffocws ar reoli risg er mwyn osgoi sefyllfaoedd rhag gwaethygu. Y nod cyffredinol yw lleihau’r angen am Amlinelliad Cyfraith Gyhoeddus, gwahanu plant a theuluoedd, ac achosion gofal.
A chithau'n
Flaen Weithiwr Cymdeithasol, byddwch chi'n gweithio mewn amgylchedd carfan cefnogol ond heriol. Bydd disgwyl i chi fentora eraill pan fo angen hynny ar ymarferwyr newydd gymhwyso ac ymrwymo i gyflawni datblygiad personol. Yn y rôl yma byddwch chi'n derbyn goruchwyliaeth anffurfiol a ffurfiol yn rheolaidd a bydd disgwyl i chi ddirprwyo ar adegau ar gyfer Rheolwr y Garfan.
Manteision o weithio i ni Wrth weithio i Wasanaethau i Blant Rhondda Cynon Taf, bydd gyda chi fynediad at ystod eang o fuddion staff, yn ogystal ag ystod eang o gyfleoedd i ddysgu a datblygu. Rydyn ni'n blaenoriaethu lles ein hymarferwyr, gan ddarparu cymorth, llwythi gwaith hylaw, ac adnoddau sydd eu hangen arnyn nhw er mwyn ffynnu.
Ar hyn o bryd rydyn ni'n cyflwyno Model Ymarfer newydd ym mhob rhan o’r gwasanaeth. Dyma ddull cydweithredol sy’n canolbwyntio ar berthnasoedd ac sy’n ystyriol o drawma. Mae hyn yn golygu y byddwch chi'n cael mynediad at becyn hyfforddi cynhwysfawr sy'n seiliedig ar dystiolaeth. Mae'r pecyn yn cynnwys hyfforddiant Cyfathrebu Cydweithredol – sy’n cefnogi staff i weithio mewn ffordd sy'n canolbwyntio ar ganlyniadau, gan annog sgyrsiau myfyriol gyda phobl ifainc a’u teuluoedd sy’n eu grymuso . Mae hefyd yn cynnwys rhaglen hyfforddi fewnol bwrpasol ar gyfer ymarfer sy’n ystyriol o drawma.
Mae buddion eraill yn cynnwys:
- Yr hawl i ofyn am weithio hyblyg. Mae gyda ni bolisïau cefnogol ar gyfer rhieni sy'n cynnwys tâl mamolaeth, mabwysiadu a thadolaeth uwch. Rydyn ni hefyd yn gweithio mewn ffordd hyblyg, sy'n eich galluogi chi i weithio gartref neu yn y swyddfa. Ar hyn o bryd rydyn ni'n treialu polisi gweithio hyblyg gwell yn y carfanau yma, gan ganiatáu i chi gael hyd at 2 ddiwrnod y mis i ffwrdd o'r gwaith!
- Mynediad i’n ‘Mannau myfyriol’ uchel eu parch sy’n cynnwys trafodaethau cydweithredol rhwng y garfan neu unigolion, wedi’u hwyluso gan seicolegydd sy’n cefnogi rhannu meddyliau, teimladau ac ymatebion i brofiadau yn y gwaith.
- Mynediad i’n Huned Iechyd Galwedigaethol a ‘Vivup’, ein rhaglen cymorth i weithwyr sy'n gwbl gyfrinachol.
- 26 diwrnod o wyliau blynyddol, sy'n cynyddu i 31 diwrnod ar ôl 5 mlynedd o wasanaeth. Mae cyfle hefyd i brynu gwyliau blynyddol ychwanegol hyd at uchafswm o 10 diwrnod (pro rata) y flwyddyn.
- Cynllun Pensiwn Llywodraeth Leol (CPLlL) hael.
- Mae buddion ychwanegol ledled y Cyngor yn cynnwys ein cynllun Beicio i'r Gwaith, aelodaeth Hamdden am Oes ratach a cherdyn Vectis sy'n rhoi prisiau gostyngol i staff.
Dyma rai o’r buddion sydd gyda ni i’w cynnig. Edrychwch ar ein tudalennau gwe pwrpasol ar gyfer Gwasanaethau i Blant am ragor o wybodaeth ynghylch pam y dylech chi ddewis gyrfa ym maes Gwaith Cymdeithasol yn RhCT.
www.rctcbc.gov.uk/swyddigwasanaethauiblantI gael rhagor o wybodaeth am y swydd yma neu i drefnu sgwrs anffurfiol, anfonwch e-bost at: Rhiannon Davies, Rheolwr y Gwasanaeth E-bost- Rhiannon.M.Davies@rctcbc.gov.uk Gwybodaeth Ychwanegol Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.
Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, fe'ch gwahoddir i gyfweliad os byddwch chi'n dewis cymryd rhan yn y cynllun.Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n cwrdd â'r meini prawf hanfodol yn y fanyleb person, yn cael cynnig cyfweliad.
