Ynglŷn â'r swydd wag Cyfeirnod y Swydd Wag: 2695
Sefydliad:
Cyngor Sir Caerfyrddin
Nifer y swyddi gwag:
1
Math o gontract:
Parhaol Amser Llawn
Lleoliad:
Caerfyrddin
Gradd:
Gradd F
Cyflog:
£28,598 - £32,597
Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny
Cyfradd yr awr:
£14.82 - £16.90
Oriau Contract:
37 awr yr wythnos
Dewch i ymuno â'n tîm Ydych chi'n angerddol am ddiogelu hawliau oedolion agored i niwed? Rydym yn chwilio am Gydlynydd DoLS ymroddedig a manwl i ymuno â'n Tîm Diogelu Oedolion a Chorfforaethol. Mae'r rôl allweddol hon yn sicrhau bod yr Awdurdod Lleol yn cyflawni ei swyddogaethau fel Corff Goruchwylio o dan Ddeddf Gallu Meddyliol (2005) a deddfwriaeth DoLS.
Fel Cydlynydd DoLS, byddwch yn rheoli set o weithdrefnau statudol cymhleth, yn darparu cefnogaeth lefel uchel i Reolwr y Tîm DoLS ac i'r Swyddog Sicrhau Ansawdd, ac yn helpu i sicrhau bod ein prosesau'n gadarn, yn amserol ac yn cydymffurfio â'r gyfraith.
Prif Gyfrifoldebau
- Sgrinio a gwerthuso ceisiadau Brys, Safonol, Pellach ac Adolygu a dderbynnir drwy flychau e-bost y tîm neu'r porth electronig DoLS.
- Darparu ymatebion cychwynnol i bob ymholiad DoLS (e-bost/ffôn), gan sicrhau bod ymholiadau'n cael eu hateb neu eu cyfeirio'n briodol.
- Cynnal gwiriadau cyn-ddyrannu gyda'r Awdurdodau Rheoli, gan nodi meysydd i'w hystyried.
- Dyrannu asesiadau i Aseswyr Lles Gorau/Gallu Meddyliol ac Aseswyr Iechyd Meddwl (meddygon cymeradwy s12) mewn modd amserol.
- Olrhain, erlid a chasglu asesiadau wedi'u cwblhau, gan sicrhau eu bod yn cael eu dyrannu'n brydlon i'r Swyddog Sicrhau Ansawdd.
- Cynnal cyswllt rheolaidd â'r Awdurdodau Rheoli ac aseswyr penodedig i sicrhau bod cofnodion yn gywir ac yn cydymffurfio â therfynau amser statudol.
- Penodi adnoddau ychwanegol (e.e. Eiriolwyr Gallu Meddyliol Annibynnol, Cyfieithwyr) fel bo'r angen.
- Cofnodi a chasglu data gweithgaredd DoLS yn gywir a chynhyrchu adroddiadau perfformiad rheolaidd ar gyfer Uwch Reolwyr, gan gynnwys dychweliadau blynyddol i Lywodraeth Cymru ac Arolygiaeth Gofal Cymru.
- Cydlynu rhestr achosion y Llys Gwarchod, gan sicrhau bod gwybodaeth a dogfennau'n cael eu rhannu'n brydlon ar gyfer achosion llys.
- Monitro gwariant DoLS sy'n ymwneud â gwasanaethau comisiynu.
- Datblygu a gwella systemau a phrosesau i wella swyddogaethau DoLS presennol a'r dyfodol.
Amdanoch Chi- Profiad mewn cefnogaeth busnes neu weinyddiaeth o fewn iechyd/gofal cymdeithasol neu wasanaethau statudol.
- Gwybodaeth am Ddeddf Gallu Meddyliol (2005), deddfwriaeth DoLS, ac egwyddorion diogelu.
- Sgiliau trefnu cryf, sylw i fanylion, a'r gallu i reoli blaenoriaethau sy'n cystadlu.
- Sgiliau cyfathrebu a gwasanaeth cwsmeriaid rhagorol, gyda'r gallu i weithio'n gydweithredol ar draws timau ac asiantaethau.
- Sgiliau TG, gyda phrofiad o ddefnyddio taenlenni a systemau rheoli achosion electronig.
- Ymrwymiad i wella'n barhaus ac arferion gorau mewn diogelu.
Yr Hyn a Gynigiwn- Amgylchedd tîm cefnogol a chyfeillgar.
- Goruchwyliaeth broffesiynol reolaidd a chyfleoedd datblygu.
- Trefniadau gweithio hyblyg/agored.
- Mynediad at adnoddau a buddion lles staff.
Am sgwrs anffurfiol cysylltwch â: Rachel Field, Rheolwr Tîm - 01267 228991
Disgrifiad Swydd:
PG2383 - DoLS Co Ordinator 2025 v5 -Cymraeg - Saesneg.pdf - 201KB ~~EFORM_FILE_NEW_WINDOW~~
Lefel Sgiliau Cymraeg - Siarad:
Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.
Dyddiad Cau: 23/02/2026, 23:55
Y Buddion Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.
- Cyflog cystadleuol
- Cofrestru'n awtomatig i'r Cynllun Pensiwn Llywodraeth Leol
- Hawl i wyliau blynyddol hael gyda'r opsiwn o brynu gwyliau blynyddol ychwanegol
- Mynediad at gymorth iechyd a llesiant i staff
- Datblygiad personol a dilyniant gyrfa
- Cynlluniau disgownt staff a buddion eraill e.e., cynllun beicio i'r gwaith
- Gweithio hyblyg a pholisïau sy'n ystyriol o deuluoedd
Gwybodaeth Ychwanegol Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">
Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli. Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work .
Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.
Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.
Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.
