Cydlynydd Arweiniol Diogelu Oedolion (Oedolion/Diogelu a DoLS)

Mae'r Tîm Diogelu Oedolion a Threfniadau Diogelu wrth Amddifadu o Ryddid (DoLS) yn chwilio am Weithiwr Cymdeithasol profiadol a brwdfrydig i ymuno â'r MASH (Canolfan Ddiogelu Amlasiantaethol). Mae'm yn gyfeillgar, yn gyflym ac yn gefnogol, ac yn ymrwymedig i weithio tuag at a sicrhau canlyniadau cadarnhaol i ddinasyddion yn ein hardal.

Mae'r MASH yn cydweithio'n agos ag asiantaethau partner fel Heddlu De Cymru a'r Bwrdd Iechyd Lleol, er mwyn cefnogi unigolion yn unol â Deddf Gwasanaethau Cymdeithasol a Llesiant (Cymru) 2014, a Gweithdrefnau Diogelu Cymru.

Ynghyd ag ymateb i adroddiadau Oedolyn sy'n Wynebu Risg, mae ein tîm yn gyfrifol am asesiadau DoLS ar gyfer Cyngor Bwrdeistref Sirol Pen-y-bont ar Ogwr a Bwrdd Iechyd Prifysgol Cwm Taf Morgannwg.

Rydym yn cynnig amgylchedd gwaith calonogol, ac rydym yn ymrwymedig i ddatblygiad proffesiynol parhaus, cyfleoedd ar gyfer dysgu a goruchwyliaeth reolaidd, fyfyriol.

Rydym yn annog ceisiadau gan Weithwyr Cymdeithasol profiadol, gydag o leiaf 3 blynedd o brofiad ôl-gymhwyso. Yn gyfnewid byddwch yn cael cyfnod sefydlu cadarn, goruchwyliaeth reolaidd, cymorth ychwanegol a mentora lle y bo angen.

Yn ogystal byddwch yn gallu datblygu eich gyrfa ymhellach gyda chyfleoedd datblygu a dyrchafu.

I gael rhagor o wybodaeth am y swydd cysylltwch â Bethan Jones, Rheolwr Tîm Diogelu Oedolion a DoLS ar bethan.jones@bridgend.gov.uk

Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Dyddiad Cau: 11 Mawrth 2026

Dyddiad Llunio'r Rhestr Fer: 20 Mawrth 2026

Dyddiad y Cyfweliad: 30 Mawrth 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person