Cymhorthydd Gofal Plas Hafan Achlysurol

Adran Oedolion Iechyd a Llesiant

LLEOLIAD: - CARTREF PRESWYL PLAS HAFAN, NEFYN.
.
GWEITHWYR ACHLYSUROL

Cyflog: £12.84
Oriau: Hyblyg

Mae gan Cyngor Gwynedd becyn cyflogaeth deniadol, am ragor o wybodaeth cliciwch ar y Pecyn Gwybodaeth

Mae Cyngor Gwynedd yn gweithredu'n fewnol trwy gyfrwng y Gymraeg ac yn cynnig ei holl wasanaethau yn ddwyieithog. Bydd angen i'r ymgeisydd gyrraedd y lefel ieithyddol sy'n cael ei nodi fel un o'r sgiliau hanfodol yn y Manylion Person.

Rydym yn annog pob ymgeisydd am swydd gyda'r Cyngor i gyflwyno ceisiadau yn Gymraeg neu yn ddwyieithog. (Bydd ceisiadau sydd yn cael eu cyflwyno yn uniaith Gymraeg neu Saesneg yn cael eu trin yn gwbl gyfartal, ond gofynnir i'r ymgeisydd ystyried yn ofalus beth yw gofynion iaith y swydd a'r sefydliad ac a fyddai cyflwyno cais yn uniaith Gymraeg yn fwy addas.)

Gwahoddir ceisiadau am y swydd uchod i weithio fel aelod o dîm i sicrhau awyrgylch mor gartrefol â phosib i'r trigolion. Y prif ddyletswyddau fydd sicrhau bod y Cartref yn lan, cynnes a chyfforddus, ac i ofalu am les gorfforol ac emosiynol y trigolion.

Dylai deilydd y swydd feddu ar natur gyfrifol ac aeddfed. Disgwylir i'r person fod ag agwedd sensitif tuag at anghenion y trigolion ac yn parchu eu preifatrwydd.

Gofynnir i bawb sy'n cael rhestr fer am gyfweliad ymgeisio am ddadleniad gan y Gwasanaeth Datgelu a Gwahardd

Am sgwrs anffurfiol gellir cysylltu a Mrs Wendy Owen, Rheolwr, Cartref Preswyl Plas Hafan, Nefyn. Pwllheli. Gwynedd. (Ffon: 01758 720671)

Ffurflenni cais a manylion pellach gan Gwasanaeth Cefnogol, Cefnogaeth Gorfforaethol, Cyngor Gwynedd, Swyddfa'r Cyngor, Stryd y Jêl, Caernarfon. LL55 1SH. Rhif Ffon 01286 679076.

DYDDIAD CAU: 25/11/2024

Os yn llwyddiannus i fod ar y rhestr fer am gyfweliad, byddwn yn cysylltu a chwi drwy'r
cyfeiriad E-BOST a gofnodwyd gennych ar eich ffurflen gais NEU lythyr. Mae angen i chwi sicrhau eich bod yn gwirio eich E-BOST yn rheolaidd.

Manylion Person

Nodweddion personol
Hanfodol
Cyfeillgar, allblyg ag yn barod i ymgymryd a hyfforddiant

Y gallu i weithio fel rhan o dim aml-ddisgyblaeth

Bod yn berson sensitif, ymroddedig gonest a dibynadwy gyda'r gallu i weithredu mewn modd sy'n parchu hawliau'r unigolyn bob amser

Gallu gweithredu yn unigol ac fel aelod o dim

Person cydwybodol, creadigol, emosiynol a person pwyllog pan yn delio gyda unigolion.

Bod yn gadarnhaol ac yn angerddol

Ddim yn farnwr

Yn gallu gwrando a pharchu syniadau eraill, er na fyddwch yn cytuno

Yn gallu defnyddio'ch dychymyg i gysylltu'n emosiynol ag eraill

Gwerthfawrogi gallu'r unigolyn

Gallu gwneud y gorau o'r amser y mae'n rhaid i chi gysylltu yn gadarnhaol a'r unigolion sy'n defnyddio'r gwasanaeth

Yn gallu adnabod a chefnogi unigolion i ddatblygu sgiliau gwahanol

Yn gallu gwerthfawrogi a pharchu sgiliau a phersonoliaethau eraill

Y gallu i fod yn hyblyg

Dangos agwedd broffesiynol gyfeillgar

Dymunol
-

Cymwysterau a hyfforddiant perthnasol
Hanfodol
-

Dymunol
NVQ level 2/QCF 2 mewn Gofal

Hyfforddiant mewn iechyd a diogelwch e.e. symud a thrin neu cymorth cyntaf

Yr opsiwn i fod yn champion mewn maes arbennigol

Profiad perthnasol
Hanfodol
-

Dymunol
Profiad o gefnogi unigolion i fyw eu bywydau fel maent yn dymuno.

Sgiliau a gwybodaeth arbenigol
Hanfodol
Meddu a'r sgiliau rhyngbersonol da

Sgiliau cyfathrebu da

Dymunol
-

Anghenion ieithyddol
Gwrando a Siarad - Canolradd
Gallu cynnal sgwrs rwydd ar nifer o bynciau amrywiol bob dydd, a thrafod achosion sy'n ymwneud â'r maes gwaith.Gallu dilyn trafodaeth yn y Gymraeg, mewn Cymraeg Clir, ar faterion cyfarwydd yn ymwneud âr swydd. Gallu cyfrannu at y sgwrs ac ateb cwestiynau.

Darllen a Deall - Canolradd
Deall gohebiaeth bob dydd ar faterion cyfarwydd yn y gwaith.Deall adroddiadau hirach mewn Cymraeg Clir a medru codi'r prif bwyntiau. ( Mae'n bosib y bydd angen cymorth gyda geirfa.)

Ysgrifennu - Canolradd
Gallu ysgrifennu llythyrau i bwrpas penodol, negeseuon ebost ac adroddiadau byr drwy gyfrwng y Gymraeg a'r Saesneg gan ddefnyddio geirfa ac ymadroddion syml sy'n gyfarwydd i'r maes gwaith. (Bydd angen eu gwirio cyn eu hanfon allan).

Swydd Ddisgrifiad

Pwrpas y swydd
• Sicrhau bod pobl Gwynedd yn ganolog i bopeth yr ydym yn ei wneud.

• Helpu yr unigolyn i fyw eu bywyd fel mae'n dymuno ei fyw.

• Cymeryd rol llawn gofal o'r cartref.

• Cyd weithio gyda asiantaethau eraill, er lles yr unigolion, yn cynnwys mynychu adolygiadau, cyfarfdoydd gyda iechyd, ymgynghoir gyda'r arbennigwyr,

• Dosbarthu meddyginiaeth

Cyfrifoldeb am adnoddau e.e. staff, cyllid, offer
• Sicrhau defnydd priodol o eiddo unigolion e.e meddyginiaeth ac arian.

• Gwneud defnydd priodol o offer arbennigol sy'n helpu yr unigolyn fyw eu bywyd yn ol eu dymuniadau ac amcanion personol. Bydd hyn yn cynnwys adrodd ar ddiffygion a dilyn protocolau ymarfer a hyfforddiant arbenigol yn ol yr angen.

Prif ddyletswyddau
CEFNOGI'R UNIGOLION SY'N DEFNYDDIO'R GWASANAETH

• Rôl - llawn gofal o'r cartref os yn briodol

• Cymeryd cyfrifoldeb am y cartref a'r rôl person cyfrifol.

• Arwain y staff gyda'i dyletswyddau gwaith.

• Gwneud penderfyniadau yn absenoldeb y rheolwyr , ee derbyn mynediadau o'r yn nol o'r ysbytai, arwain mewn argyfwng, ymateb i ymholiadau.

• Ymateb ac arwain sefyllfa argyfwng yn ymwneud a'r defnyddwyr a'r adeilad

• Adnabod newidiadau mewn iechyd a llesiant unigolion ac ymateb yn sydyn ac yn briodol iddynt.

• Bod yn flaengar ac yn barod i wneud penderfyniadau gwybodus yn annibynnol, tra hefyd yn cymhwyso barn broffesiynol a gwybod pryd i ddenu cefnogaeth gan y tim ehangach a phroffesiynau eraill.

Dyletswyddau Gweithiwr Gofal

• Rhagori mewn adeiladu perthynas â phobl er mwyn deall yn iawn beth fyddai'n gwneud gwahaniaeth iddynt yn eu bywydau a grymuso llais yr unigolyn ar bob cyfle.

• Bod yn arloesol a chreadigol wrth roi gofal mewn ffordd sy'n cynnwys pobl yn llawn, sy'n ymdrechu'n barhaus i gynnwys pobl yn y gweithgareddau symlaf hyd yn oed ac sy'n galluogi neu'n ail-alluogi pobl i gymryd rheolaeth o'u bywydau eu hunain.

• Gweithredu fel gweithiwr allweddol ar gyfer defnyddwyr gwasanaeth gan fynychu cyfarfodydd a chyfrannu ar lafar ac yn ysgrifenedig

• Cynnal a chefnogi gyda'r drefn o weinyddu a dosbarthu meddiginaeth yn unol a pholisi'r gwasanaeth.

• Hyrwyddo hawliau'r unigolyn, ac annog cymryd risgiau cadarnhaol a gwybodus.

• Dilyn ethos sydd yn pwysleisio pwysigrwydd gweithio gydag unigolion a hyrwyddo eu annibyniaeth. Gall hyn olygu gweithredu dulliau fel Cefnogaeth Gweithgar (Am fwy o wybodaeth cliciwch yma: Active support ) a Chefnogaeth Ymddygiad Cadarnhaol (Am fwy o wybodaeth cliciwch yma: Positive Behaviour Support ),

• Datblygu a dilyn cynllunniau gofal personol sy'n cael ei greu mewn partneriaeth âr unigolyn i'w hyrwyddo a'i annog i fyw ei fywyd mor llawn â phosibl trwy wneud defnydd o unrhyw adnoddau a gweithgareddau sydd ar gael yn eu cymuned.

• Cyfrannu at y broses asesu, monitro, cynllunio a gweithredu gweithgareddau yn unol ag anghenion defnyddiwr y gwasanaeth. Gall y gweithredoedd yma gynnwys cymeryd rhan mewn rhaglenni, ymarferion ac ymyrraethau penodol.

• Annog a chefnogi defnyddwyr y gwasanaeth i ddatblygu eu sgiliau er mwyn eu galluogi i fyw yn llwyddiannus oddi mewn eu cymuned, trwy osod amcanion, datrus problemau a dysgu sut i adnabod pryd mae newid mewn amgylchiadau ac anghenion yn newid.

• Profi ffyrdd newydd o gefnogi a meddwl y tu allan i'r bocs am atebion creadigol sy'n tynnu ar gryfderau, asedau a rhwydweithiau anffurfiol yr unigolyn

• Cyfrannu mewn sgyrsiau aml ddisgyblaethol am ganlyniadau llesiant personol pobl a ffyrdd y gellir eu cefnogi i'w cyflawni, gan eu helpu i helpu eu hunain a defnyddio'r holl adnoddau sydd ar gael yn y maes hwnnw.

• Gweithio gyda phobl i helpu a nodi rhwystrau i gyflawni eu canlyniadau, a defnyddio gwybodaeth i drafod gyda'r tîm ehangach, rhoi newid ar waith a dysgu o brofiad.

• Bod yn gyfrifol am gynnal gwaith gweinyddol sy'n berthnasol i'l gan gynnwys cofnodi ac adrodd yn unol âr canllawiau a osodir gan y Rheolwr ar ran Cyngor Gwynedd.

• Cefnogi gyda dyletswyddau cadw Tŷ, pharatoi prydau ysgafn

• Gweithredu a chynnal systemau IT

CYFATHREBU A PHERTHNASAU

• Gweithio mewn partneriaeth â chydweithywr ym maes iechyd a gofal, gan gynnwys gweithwyr cymdeithasol, nyrsus seiciatrig cymunedol, therapyddion galwedigaethol a ffisiotherapi, meddygon teulu a phartnertiad 3ydd sector.

• Gweithredu ar gyfleoedd i adeiladu bywydau sy'n gysylltiedig â rhwydweithiau teuluol a chymunedol a bod yn glir ynghylch yr hyn y maent yno i helpu'r person i'w gyflawni.

HYFFORDDIANT A GORUCHWYLIAETH

• Cyfrifoldeb am hunan ddatblygiad.

• Ymrwymo i ddilyn ei raglen hyfforddi ei hun yn unol â'r Gofynion Cenedlaethol, a derbyn cyfrifoldeb am ddatblygiad proffesiynol parhaol.

• Bod â meddylfryd sy'n agored i ddysgu yn barhaus ac awydd i ddatblygu yn broffesiynol oddi fewn y maes iechyd a gofal.

• Mynychu a chyfrannu tuag at weithgareddau adeiladol megis goruchwyliaeth a chyfarfodydd tim sy'n cefnogi meddylfryd a wella a datblygu y gwasanaeth a llesiant staff.

• Cofrestru gyda Chyngor Gofal Cymru gan ymddwyn mewn modd sy'n egwyddorol yn unol âr cod ymarfer proffesiynol ar gyfer gofal cymdeithasol

DIOGELU

• Cyfrifoldeb i adrodd am bryder neu amheuaeth bod plentyn neu oedolyn bregus yn cael ei gamdrin

POLISÏAU

• Cyfrifoldeb am reoli gwybodaeth yn unol â safonau a chanllawiau rheoli gwybodaeth y Cyngor. Sicrhau bod gwybodaeth bersonol yn cael ei thrin mewn cydymffurfiaeth â deddfwriaeth Diogelu Data

• Sicrhau cydymffurfiaeth â rheolau Iechyd a Diogelwch yn y gweithle yn unol âr cyfrifoldebau a nodir yn Neddf Iechyd a Diogelwch yn y Gweithle 1974 a Pholisi Iechyd a Diogelwch y Cyngor.

• Gweithredu o fewn polisïau'r Cyngor yng nghyswllt cyfle cyfartal a chydraddoldeb.

• Cydymffurfio'n llawn â Chod Ymarfer Meddyginiaeth Cyngor Gwynedd, gan gynnwys gweinyddu meddyginiaeth.

ARALL

• Ymrwymiad i leihau allyriadau carbon y Cyngor yn unol âr Cynllun Rheoli Carbon ac annog eraill i weithredu'n gadarnhaol tuag at leihau ôl-troed carbon y Cyngor.

• Ymgymryd ag unrhyw ddyletswydd arall cyfatebol a rhesymol sy'n cyd-fynd â lefel cyflog a lefel cyfrifoldeb y swydd.

Amgylchiadau arbennig
• Bydd angen mynd trwy brosesau'r Gwasanaeth Datgelu ac Eithrio

• Angen gweithio oriau anghymdeithasol dros saith diwrnod ar sail rota. Gall hyn gynnwys gŵyl y banc a phenwythnosau yn ôl yr angen.

• Disgwyliad i weithio ar draws safleoedd eraill y gwasanaeth os yw'n angenrheidiol.