Cymhorthydd Gweinyddol

Rydym yn chwilio am rhywun sy'n ffynnu ar amrywiaeth ac sydd am ddatblygu eu gyrfa ym maes cymorth busnes a gweinyddiaeth. Byddwch chi'n ymuno â thîm Cymorth Busnes Gofal Cymdeithasol deinamig, gan weithio gyda'r Timau Gwaith Cymdeithasol Pobl Hŷn ac Ysbytai a'r Gwasanaethau Cymorth Cymunedol - sydd i gyd yn ymrwymedig i ddarparu gwasanaethau o ansawdd uchel i'n cymunedau.

Beth Fyddwch Chi'n Ei Wneud - Yn y rôl werthfawr hon byddwch chi'n:

- Darparu cefnogaeth weinyddol o ddydd i ddydd yn yr adran
- Croesawu ymwelwyr, trefnu cyfarfodydd a chydlynu ystafelloedd cyfarfod
- Rheoli galwadau a negeseuon e-bost gan y cyhoedd, ymarferwyr a gweithwyr proffesiynol y gwasanaeth
- Cymryd cofnodion mewn cyfarfodydd (darperir hyfforddiant llawn a chefnogaeth)
- Cyflawni dyletswyddau swyddfa hanfodol fel mewnbynnu data, rheoli systemau gwybodaeth, prosesu taflenni amser, paratoi llythyrau a mwy

Mae pob diwrnod yn wahanol - a byddwn yn sicrhau eich bod yn cael cefnogaeth lawn gyda hyfforddiant ac arweiniad er mwyn i chi ragori a datblygu yn y swydd.

Beth Ydym Ni'n Chwilio Amdano - Er mwyn llwyddo, bydd angen y pethau hyn arnoch:

- Lefelau uchel o integriti a chadernid personol
- Gallu peidio â chynhyrfu o dan bwysau
- Gallu rhoi sylw i fanylion
- Sgiliau cyfathrebu gwych
- Hyder wrth ddefnyddio Microsoft Office
- Ymrwymiad i ddarparu gwasanaeth gwych i gwsmeriaid

Mae'n hanfodol bod yr ymgeisydd llwyddiannus yn rhugl yn y Gymraeg er mwyn i ni allu cynnig dewis iaith i'n dinasyddion a sicrhau ein bod yn darparu gwasanaeth hygyrch a chefnogol i bawb

Pam Ymuno  Ni? - Byddwch chi'n rhan o dîm cyfeillgar a chefnogol sy'n gwerthfawrogi eich cyfraniad. Byddwch yn ennill profiad mewn maes gwasanaeth allweddol, helpu i sicrhau bod swyddogaethau bob dydd yn cael eu cyflawni'n ddidrafferth a chwarae rôl bwysig wrth gefnogi gwasanaethau hanfodol i bobl Conwy.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol:

Heather Wheeler, Senior Administrator & Service Liaison Officer
( heather.wheeler@conwy.gov.uk / 01492 575134 )

Gofynion y Gymraeg: Mae'r gallu i gyfarthrebu yn y Gymraeg yn hanfodol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd. Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Cliciwch yma i ddysgu am y manteision o ymuno â Thîm Conwy.

Dysgwch fwy am ein proses recriwtio drwy fynd i'n Tudalen Proses Recriwtio.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn). Angen rhywfaint o gymorth gyda'ch cais? Mae gennym awgrymiadau, canllawiau a gwasanaethau cymorth i'ch helpu chi drwyddo .

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â'r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch âr Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.