Cynorthwyydd Domestig/Cegin - Tŷ Cwm Ogwr

Rydym yn darparu gofal sy'n canolbwyntio ar y person ac yn canolbwyntio ar ganlyniadau i bobl sy'n cael eu cefnogi mewn lleoliad gofal preswyl parhaol neu dymor byr yn Nhŷ Cwm Ogwr. Cynorthwyo pobl i gynnal eu hannibyniaeth, adennill, gwella a chynnal sgiliau byw bob dydd, darparu'r canlyniadau gorau i bobl y mae angen gofal a chymorth arnynt mewn amgylchedd diogel.

Byddwch yn gweithio fel rhan o dîm y gegin gan gefnogi'r cogydd â thasgau dyddiol i sicrhau bod rheolaeth a safonau glendid a rheoli heintiau yn cael eu cynnal a bod bwyd o safon uchel yn cael ei weini i'r unigolion rydym yn gofalu amdanynt yn Nhŷ Cwm Ogwr. Bydd eich dyletswyddau'n cynnwys cefnogi' phrif ddyletswyddau fel glanhau holl ardal y gegin, paratoi rhai bwydydd, cylchdroi stoc, cefnogi'r cogydd, paratoi bwyd, cefnogi'r cogydd i weini'r bwyd, glanhau'r ardaloedd bwyta, gweithredu nwyddau trydanol fel peiriant golchi ac wrn dŵr poeth, meddu ar wybodaeth am Ganllawiau Bwyd Mwy Diogel. Ymwybyddiaeth o anghenion deietegol gwahanol, tymereddau oergell a rhewgell, tymereddau gweini bwyd, defnyddio cemegau yn ardal y gegin, hyfforddiant bwyd a hylendid Lefel 2 ac unrhyw hyfforddiant gofynnol arall a chymryd cyfrifoldeb am eich llesiant a bod yn ymwybodol o Bolisïau a Gweithdrefnau Iechyd a Diogelwch a Hylendid Bwyd a chadw atynt.

Mae Cyngor Bwrdeistref Sirol Pen-y-bont ar Ogwr yn cynnig cyfleoedd gwych i bobl sy'n dymuno gweithio yn y sector Gofal Cymdeithasol a byddwch yn cael cymorth i fynd ar hyfforddiant a datblygu eich dysgu ymhellach yn ogystal â chyfleoedd i gefnogi dilyniant gyrfa yn y sector.

Rydym yn chwilio am bobl sydd â gwerthoedd cadarn, sy'n gallu dangos parch, yn gallu cyfrannu at fywydau pobl a gwneud gwahaniaeth iddynt. Byddwch yn dda am wrando a bydd gennych sgiliau cyfathrebu da ac yn gallu gweithio fel rhan o dîm aml-sgiliau proffesiynol.

Dewch i ymuno â'n tîm ymroddedig ac ymrwymedig.

Mae amddiffyn plant, pobl ifanc neu oedolion sydd mewn perygl yn gyfrifoldeb craidd i bob gweithiwr cyngor.

Mae gwiriad cofnodion troseddol Manwl gyda rhestr Oedolion Gwaharddedig gan y Gwasanaeth Datgelu a Gwahardd (DBS) yn ofyniad ar gyfer y swydd hon.

Mae gweithio ar benwythnosau yn ofyniad ar gyfer y swydd hon.

Dyddiad Cau: 11 Chwefror 2026

Dyddiad Llunio Rhestr Fer: 13 Chwefror 2026

Dyddiad Cyfweliad: 18 Chwefror 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person