Bridgend County Borough Council / Cyngor Bwrdeistref Sirol Pen-y-bont ar Ogwr
Lleoliad
Penybont
Pob ardal
Manylion
Oriau contract
Llawn Amser
Disgrifiad o'r swydd
A ydych yn weithiwr cymdeithasol cymwysedig ac yn uwch reolwr profiadol?
A ydych yn cael eich ysgogi gan gyflawni canlyniadau gwell i oedolion ag anghenion gofal cymdeithasol?
A ydych yn arweinydd tosturiol a gwydn?
A ydych yn uchelgeisiol ac yn awyddus i symud ymlaen yn eich gyrfa?
Os felly, hoffem glywed gennych. Rydym yn chwilio am Ddirprwy Bennaeth Gofal Cymdeithasol Oedolion i chwarae rôl arwain allweddol wrth barhau â'n taith drawsnewid yng Nghyngor Bwrdeistref Sirol Pen-y-bont ar Ogwr.
Byddwch yn darparu uwch arweinyddiaeth weithredol a strategol ein timau gwaith cymdeithasol arbenigol. Mae hyn yn cynnwys ein timau iechyd meddwl, anabledd dysgu, camddefnyddio sylweddau, sefydliadau diogel a diogelu. Byddwch hefyd yn darparu arweinyddiaeth broffesiynol i'n staff gwaith cymdeithasol yn ein gwasanaethau cymunedol integredig, a ddarperir gyda Bwrdd Iechyd Prifysgol Cwm Taf Morgannwg.
Gan weithio gyda'r Pennaeth Gwasanaeth a'r uwch dîm rheoli byddwch yn parhau i ymgorffori ein model sy'n seiliedig ar gryfderau ac sy'n canolbwyntio ar ganlyniadau. Byddwch yn ysgogi gwelliant parhaus ac yn arwain sicrhau ansawdd ar gyfer y gwasanaeth. Bydd gennych gyfrifoldeb am reoli cyllidebau sylweddol, goruchwylio uwch reolwyr a dirprwyo ar gyfer y Pennaeth Gofal Cymdeithasol Oedolion.
Bydd angen i chi fod yn gyfathrebwr effeithiol iawn gyda'r gallu i feithrin perthnasoedd gyda chydweithwyr o fewn ein Hadran Gwasanaethau Cymdeithasol a Llesiant, y Cyngor ehangach, gan gynnwys aelodau etholedig, a'r amrywiaeth o bartneriaid sy'n ymwneud ân system iechyd a gofal cymdeithasol ym Mhen-y-bont ar Ogwr. Dylech fod yn hyderus wrth reoli newid ac yn ymrwymedig i egwyddorion cydgynhyrchu.
Byddwch yn ymuno â thîm rheoli profiadol ac uchelgeisiol ac yn cael cyfleoedd i hybu eich datblygiad proffesiynol yn y rôl hon.
Mae hon yn rôl unigryw ac yn gyfle prin felly os hoffech gael trafodaeth anffurfiol, mae croeso i chi gysylltu â Kelvin Barlow (Pennaeth Gofal Cymdeithasol Oedolion) kelvin.barlow@bridgend.gov.uk
Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
O dan ddarpariaethau Deddf Llywodraeth Leol a Thai 1989 mae'r swydd hon wedi'i dynodi yn un o dan gyfyngiadau gwleidyddol.
Dyddiad Cau: 11 Mawrth 2026
Dyddiad Llunio'r Rhestr Fer: 12 Mawrth 2026
Dyddiad y Cyfweliad: 26 Mawrth 2026
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person
Sut i wneud cais
Gweld disgrifiad llawn y swydd a gwneud cais ar wefan y cyflogwyr
