Gweithiwr Cymdeithasol Iechyd Meddwl (Ymgeiswyr Mewnol yn Unig)

Ynglŷn â'r swydd wag

Cyfeirnod y Swydd Wag: 2865

Sefydliad:

Cyngor Sir Caerfyrddin

Nifer y swyddi gwag:

1

Math o gontract:

Parhaol Amser Llawn

Lleoliad:

Caerfyrddin

Gradd:

Social Worker

Cyflog:

£39,152 up to £47,181*

Os yw'n rhan-amser a/neu yn ystod y tymor, bydd y cyflog llawn amser a ddyfynnir (yn seiliedig ar 37 awr) ar sail pro rata yn unol â hynny

Cyfradd yr awr:

£20.29 up to £24.46*

Oriau Contract:

37 awr

Dewch i ymuno â'n tîm

Ydych chi eisiau gwneud gwahaniaeth go iawn i fywydau pobl?

Gwaith Cymdeithasol yng Nghyngor Sir Gaerfyrddin

Ydych chi'n Weithiwr Cymdeithasol Cymwysedig ac yn chwilio am gyfle i weithio yng nghefn gwlad hardd a thawel Gorllewin Cymru, o fewn awdurdod lleol blaengar sy'n rhoi blaenoriaeth i lesiant a chymorth staff?

Yn sgil dwy flynedd o bandemig byd‑eang, mae cymunedau'n parhau i deimlo'r effaith hirdymor ar eu hiechyd, eu llesiant ac ar eu gwydnwch emosiynol. O ganlyniad, mae cyfle cyffrous parhaol, llawn amser wedi codi yn ein Tîm Iechyd Meddwl Oedolion sydd wedi'i leoli yng Nghaerfyrddin. Rydym yn chwilio am Weithwyr Cymdeithasol cymwysedig a chofrestredig (Gradd mewn Gwaith Cymdeithasol, DipSW, CQSW) sy'n angerddol am wneud gwahaniaeth cadarnhaol.

Y Rôl

Rydym yn chwilio am ymgeiswyr brwdfrydig a gwydn i ymuno â'n Tîm Iechyd Meddwl yn y Gymuned yng Nghaerfyrddin. Croesawn geisiadau gan weithwyr cymdeithasol newydd‑gymhwyso yn ogystal â'r rhai profiadol.

Fel aelod o'n tîm, byddwch yn:

• Gweithio mewn partneriaeth â defnyddwyr gwasanaeth, eu gofalwyr ac ystod o weithwyr proffesiynol.
• Rheoli llwyth achosion amrywiol gan ddefnyddio dulliau canolog i'r unigolyn ac sy'n canolbwyntio ar ganlyniadau.
• Cynnal asesiadau a datblygu, monitro ac adolygu Cynlluniau Gofal a Chymorth neu Gynlluniau Gofal a Triniaeth.
• Derbyn goruchwyliaeth reolaidd mewn amgylchedd cefnogol sy'n hyrwyddo datblygiad personol a phroffesiynol.
Yr Hyn sydd ei Angen arnoch

• Gweithiwr Cymdeithasol cofrestredig gyda chymhwyster priodol
(Gradd mewn Gwaith Cymdeithasol, DipSW, CQSW).
• Y gallu i deithio o fewn y sir.
• Gwybodaeth sylfaenol o'r Gymraeg (gellir darparu cymorth ar ôl penodi i gyrraedd y lefel ofynnol).
Ymholiadau Anffurfiol

Am sgwrs anffurfiol am y rôl, cysylltwch â:
Carys Lewis‑Thomas, Rheolwr Tîm CMHT
01267 244300

* Mae dilyniant y tu hwnt i bwynt cyflog £42,839, hyd at uchafswm o £47,181 yn amodol ar asesiad panel dilyniant o dan 'Fframwaith Dilyniant Ymarferydd Profiadol Gwaith Cymdeithasol' yr Awdurdod**

**Fframwaith Dilyniant Ymarferydd Profiadol

Mae'r 'Fframwaith' yn cydnabod Gweithwyr Cymdeithasol sydd wedi cwblhau eu rhaglen atgyfnerthu, ac sy'n ymgymryd ag ymarfer gwaith cymdeithasol cymhleth yn rheolaidd. Mae hefyd yn cydnabod y Gweithwyr Cymdeithasol hynny sy'n ymgymryd ag ymchwil a rhaglenni Datblygiad Proffesiynol Parhaus ôl-gymhwyso perthnasol, a allai gynnwys bod yn Addysgwr Ymarfer sydd â myfyrwyr yn eu hail flwyddyn a'u trydedd flwyddyn, neu feddu ar drwydded Gweithiwr Proffesiynol Iechyd Meddwl Cymeradwy ac ymarfer yn yr Awdurdod.

Disgrifiad Swydd:

026461.pdf - 277KB ~~EFORM_FILE_NEW_WINDOW~~

Dyddiad disgwyliedig y cyfweliad:

30 Mawrth 2026

Lefel DBS:

Bydd gwiriad manwl gan y Gwasanaeth Datgelu a Gwahardd gan Wirio'r Rhestr Wahardd yn ofynnol ar gyfer y swydd hon. Mae'n drosedd gwneud cais am y swydd os yw'r ymgeisydd wedi'i wahardd rhag cymryd rhan mewn gweithgareddau a reoleiddir sy'n berthnasol i blant neu oedolion sydd mewn perygl.

Lefel Sgiliau Cymraeg - Siarad:

Lefel 2 - Bydd angen ichi fod â lefel sylfaenol o Gymraeg llafar. Gellir darparu cymorth rhesymol ar ôl penodi i gyrraedd y lefel hon.

Dyddiad Cau: 18/03/2026, 23:55

Y Buddion

Rydym yn falch o gynnig amrywiaeth o fuddion i'n staff. Noder mai dim ond rhai o'r hyn a allai fod ar gael yw'r enghreifftiau a ddangosir, a gall cymhwysedd amrywio yn dibynnu ar eich rôl neu'ch math o gontract. Er enghraifft, efallai na fydd rhai buddion yn berthnasol i weithwyr achlysurol.

• Cyflog cystadleuol
• Cofrestru'n awtomatig i'r Cynllun Pensiwn Llywodraeth Leol
• Hawl i wyliau blynyddol hael gyda'r opsiwn o brynu gwyliau blynyddol ychwanegol
• Mynediad at gymorth iechyd a llesiant i staff
• Datblygiad personol a dilyniant gyrfa
• Cynlluniau disgownt staff a buddion eraill e.e., cynllun beicio i'r gwaith
• Gweithio hyblyg a pholisïau sy'n ystyriol o deuluoedd
Gwybodaeth Ychwanegol

Rydym wedi ymrwymo i recriwtio diogel a theg, diogelu ac amddiffyn y rhai yr ydym yn gofalu amdanynt ac yn eu gwasanaethu. Rydym yn sicrhau bod ein holl staff yn cael eu fetio, eu dethol, eu hyfforddi a'u goruchwylio'n deg ac i safon uchel fel y gallant ddarparu gofal diogel, effeithiol a thosturiol. ">Nodwch fod rhwymedigaeth gyfreithiol arnom i ystyried gweithwyr ar gyfer cyflogaeth arall addas os yw eu swyddi mewn perygl; rhoddir ystyriaeth ymlaen llaw i weithwyr presennol sy'n bodloni'r meini prawf hanfodol ac sydd wedi'u cofrestru ar ein cofrestr adleoli.

Cymhwysedd: Gofynnir i chi am eich cenedligrwydd ac a oes gennych hawl gyfreithiol i weithio yn y Deyrnas Unedig. Gwneir hyn er mwyn cael gwybod a ydych yn gymwys i wneud cais am y swydd wag hon. Mae hyn yn ofynnol ar gyfer gweithio yn y Cyngor neu mewn sefydliadau partner: https://www.gov.uk/prove-right-to-work . Nodwch: Os nad ydych yn bodloni'r meini prawf cymhwysedd, ni fydd eich cais yn symud ymlaen. Os daw'n amlwg yn ddiweddarach yn y broses nad ydych yn gymwys i wneud cais, efallai y bydd eich cais neu eich cynnig yn cael ei dynnu'n ôl.

Sut i wneud cais: Rhaid i bob cais am y swydd wag hon gael ei wneud drwy ein system ymgeisio ar-lein. Os oes gennych nam sy'n eich atal rhag gwneud cais ar-lein, e-bostiwch: swyddi@sirgar.gov.uk neu ffoniwch 01267 234567 a gofynnwch am 'Recriwtio' i drafod trefniadau eraill i'ch helpu yn y broses.

Gweler y canllawiau 'Sut rydym yn recriwtio' ar y Dudalen Gyrfaoedd i gael rhagor o wybodaeth am y broses recriwtio.