Gweithiwr Cymdeithasol - Tîm Anabledd

Rhaid meddu ar gymhwyster Gwaith Cymdeithasol.

G09 - £37,035 - £39,513 y flwyddyn

Rydym yn awyddus i recriwtio Gweithiwr Cymdeithasol profiadol, ymroddedig, creadigol a gwydn i gefnogi ein taith wella barhaus tuag at arfer gorau. Dangosir hyn yn ein Harolygiad cadarnhaol diweddar.

Mae gan Gyngor Bwrdeistref Sirol Wrecsam gyfle cyffrous yn y Gwasanaethau Oedolion.

Rydym yn chwilio am unigolyn sydd wedi ymrwymo i gefnogi oedolion i gyflawni eu canlyniadau personol.

Pam ymuno â Wrecsam fel Gweithiwr Cymdeithasol Oedolion?

Bydd ein gweithwyr cymdeithasol yn dweud wrthych: - "Maent yn teimlo eu bod yn cael eu cefnogi gan reolwyr, yn rhan o dîm, ac yn rhywle lle maent yn teimlo eu bod yn cael eu gwerthfawrogi". Mae Gweithwyr Cymdeithasol yn cael eu hannog a'u cefnogi i fod yn greadigol ac yn ymdrechu am ragoriaeth ym mhob maes.

Mae Gwasanaeth Gofal Cymdeithasol Oedolion Wrecsam yn rhywle lle gall pawb FFYNNU - drwy ein gwerthoedd craidd, sef Gwaith Tîm, Gonestrwydd, Parch, Arloesedd, Gwerth am Arian a Grymuso. Byddwn yn rhoi'r canlynol i chi:-

• llwythi achos gwarchodedig

amgylchedd gwaith cefnogol a chydweithredol

swyddfa fodern a llachar

cymorth a goruchwyliaeth ragorol gan reolwyr

datblygiad a dilyniant gyrfa personol

sesiynau datblygu ymarfer a chyfleoedd i fyfyrio

bydd dulliau sy'n canolbwyntio ar yr unigolyn wrth wraidd eich ymarfer.

Mae'r Tîm Anabledd Pob Oed yn darparu ymyrraeth a chymorth i Blant ac Oedolion o unrhyw oedran a allai fod ag Anabledd Dysgu wedi'i ddiagnosio, Anabledd Corfforol Difrifol ac Anableddau Lluosog ag anghenion cymhleth. O fewn y tîm byddwch yn asesu plant ac oedolion ar gyfer anghenion gofal a chymorth cymwys. Yna byddwch yn gweithio mewn partneriaeth â dinasyddion i gyflawni eu canlyniadau personol trwy wybodaeth, cyngor a chymorth neu drwy drefniadau comisiynu ffurfiol. Fel rhan o waith gyda phlant, byddwch hefyd yn ymgymryd ag achosion amddiffyn plant pan fo angen. Fel rhan o waith gydag oedolion, byddwch hefyd yn arwain ar bryderon diogelu ac yn cefnogi dinasyddion i gyflawni eu canlyniadau gorau posibl. Byddwch yn gweithio mewn tîm amlasiantaethol ac yn cael cyfle i ddatblygu o fewn arbenigeddau penodol.

Pam gweithio gyda ni?

Yng Nghyngor Wrecsam,rydym yn gwerthfawrogi ein gweithwyr ac yn cynnig pecyn buddion cynhwysfawr sydd wedi'i gynllunio i gefnogi eich lles a'ch datblygiad proffesiynol. Pan fyddwch yn ymuno â'n gweithlu, gallwch edrych ymlaen at:

Hyd at 32 diwrnod o wyliau blynyddol y flwyddyn.

Yn dibynnu ar y maes gwasanaeth, efallai y bydd gennych hawl i opsiynau gweithio hyblyg a hybrid a gallech hefyd gael 'diwrnodau hyblyg', gan adeiladu amser i'w gymryd fel gwyliau trwy weithio pan fydd mwy o alw ar y gwasanaeth.

Cynllun Pensiwn Llywodraeth Leol.

Cynllun Gwobrwyo a Buddion.

Cyfleoedd Hyfforddi a Datblygu

Rhaglen Cymorth i Weithwyr a mentrau lles.

Cynllun Beicio i'r Gwaith.

Aelodaeth hamdden ratach.

Mynediad at becyn adleoli o hyd at £5,000.

Rhaglen sefydlu fanwl.

I gael rhagor o wybodaeth am yrôl, edrychwch ar y disgrifiad swydd atodedig sy'n cynnwys y meini prawf hanfodol ar gyfer y swydd.

Ymunwch â ni yng Nghyngor Wrecsam a byddwch yn rhan o dîm ymroddedig sy'n gwneud gwahaniaeth yn ein cymuned.

Edrychwch ar ein buddion i weithwyr a fydd ar gael i chi wrth weithio yn y Cyngor os byddwch yn llwyddiannus yn eich cais ( Gweithio i ni | Cyngor Bwrdeistref Sirol Wrecsam ).

Mae angen gwiriad GDG Manwl a chofrestru gyda Gofal Cymdeithasol Cymru ar gyfer y swydd hon.

Mae'r Cyngor yn croesawu ceisiadau gan ymgeiswyr sydd â chymwysterau addas, waeth beth fo'u hil, rhyw, anabledd, rhywioldeb, cred grefyddol neu oedran.

Ni fydd ceisiadau a gyflwynir yn Gymraeg yn cael eu trin yn llai ffafriol na cheisiadau a gyflwynir yn Saesneg.

Eitemau wedi'u Llwytho i Lawr:

Swydd-dd... (.doc) (126kb) , Job Desc... (.doc) (124kb)