Gweithiwr Cymdeithasol - Tîm Anableddau Plant a Phontio

Gweithiwr Cymdeithasol 1-3

Mae ein Tîm Anableddau Plant a Phontio yn dîm asesu, rheoli achosion rheng flaen sy'n arbenigo mewn darparu cymorth a gwasanaethau i blant, pobl ifanc ac oedolion anabl ledled Bwrdeistref Sirol Pen-y-bont ar Ogwr. Mae hyn yn cynnwys plant â phrofiad o fod mewn gofal a'r bobl ifanc anabl hynny sy'n pontio i fyd oedolion.

Mae hwn yn gyfle gwych i ymuno â'n tîm Anableddau Plant a Phontio prysur, llawn cymhelliant a chefnogol. Bydd gennych gymhwyster gwaith cymdeithasol cydnabyddedig ynghyd â gwybodaeth a dealltwriaeth o anghenion cymhleth plant/pobl ifanc/oedolion anabl a'u teuluoedd

Mae'r tîm yn ymateb i blant a theuluoedd sydd ag anghenion cymhleth neu lle ceir pryderon cynnar am amddiffyn plant ac mae'n darparu cymorth ac ymyriad o ansawdd uchel i'r rhai ag anghenion tymor hwy. Eich rôl fydd darparu gwasanaeth Gwaith Cymdeithasol, gan gynnwys asesu anghenion, a lle y bo'n gymwys cynlluniau gofal a chymorth, a fydd yn hyrwyddo annibyniaeth a llesiant unigolion a'u teuluoedd.

Yn ddelfrydol, bydd gennych brofiad o weithio fel gweithiwr cymdeithasol mewn lleoliad gwasanaethau plant neu oedolion ac awydd i arbenigo mewn gweithio gyda phlant/pobl ifanc/oedolion anabl. Mae'r swydd hon yn cynnig cyfle prin i reoli achosion plant ac oedolion, 0-25 oed ac i gael amrywiaeth eang o brofiad o reoli achosion ar draws y rhychwant oedran o fewn tîm cefnogol.

Os oes gennych ddiddordeb yn y swydd hon a hoffech gael rhagor o wybodaeth, ffoniwch Bev Whiteley, Rheolwr Tîm, neu Lisa Jefferies, Dirprwy Reolwr Tîm, Tîm Anableddau Plant a Phontio ar (01656) 815442.

Mae amddiffyn plant, pobl ifanc neu oedolion sydd mewn perygl yn gyfrifoldeb craidd i bob gweithiwr cyngor.

Mae gwiriad cofnodion troseddol Manwl ar restr Gwaharddedig Plant ac Oedolion gan y Gwasanaeth Datgelu a Gwahardd (DBS) yn ofyniad ar gyfer y swydd hon.

Mae trwydded yrru ddilys yn ofyniad ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Dyddiad Cau: 08 Ebrill 2026

Dyddiad Llunio Rhestr Fer: 14 Ebrill 2026

Dyddiad y Cyfweliad: 24 Ebrill 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person