Gweithiwr Cymdeithasol - Tîm Asesu a Chefnogi

Mae'r tîm yn gyfrifol am gyflwyno gwasanaethau i blant sydd yn derbyn gofal ac sy'n gadael gofal. Mae yna ystod i wasanaethau cefnogaeth gan gynnwys Seicolegydd Mewnol a Gwasanaeth Ymyrraeth Therapiwtig a Theuluol i gefnogi unrhyw weithiwr cymdeithasol i ddarparu ymyriadau tymor byr i ganolig yn unol â'r angen a aseswyd. Mae gan y tîm gysylltiadau cryf gyda Gwasanaethau Iechyd Meddwl Plant a Phobl Ifanc hefyd.

Mae angen gweithwyr cymdeithasol ymroddedig ar y Tîm Parhad a Llwybrau, sy'n awyddus ac yn gallu gwneud gwahaniaeth. Bydd yr ymgeisydd llwyddiannus yn gweithio gyda phlant a'u teuluoedd gan ddefnyddio ymagwedd sy'n seiliedig ar ganlyniadau a fydd yn cael ei chyd-gynhyrchu gyda llais y plentyn wrth wraidd unrhyw gynllunio.

Bydd yr ymgeisydd llwyddiannus yn chwarae rôl allweddol mewn gwneud gwahaniaeth mawr i fywyd Plant sy'n Derbyn Gofal a Phobl sy'n Gadael Gofal. Bydd hyn yn cynnwys hyrwyddo ailuno â gofal rhieni a chefnogi Gorchmynion Gwarchodaeth Arbennig.

O fewn y tîm byddwch yn teimlo bod eich cyfoedion yn cefnogi, mae cymhareb isel o reolwr tîm i weithwyr a strwythur rheoli llinell cyfeillgar sydd ar gael. Mae'r cyfle i weithio oriau hyblyg ar gael h.y. pythefnos 9 diwrnod.

Mae datblygiad gyrfa yn bwysig i Gonwy. Mae llwybr dilyniant clir ar gyfer gweithwyr newydd gymhwyso yn ogystal â gweithwyr mwy profiadol h.y. DAPP/Porth Agored a Hyfforddiant Ymchwilio ar y Cyd gyda'r Heddlu. Bydd cefnogaeth ar gael trwy oruchwyliaeth ffurfiol reolaidd, goruchwyliaeth anffurfiol a chyfleoedd Datblygu Gyrfa trwy CPEL ar gyfer swyddi parhaol.

Mae Conwy wedi ymrwymo i gydweithio â theuluoedd a bydd yn annog Gwaith Uniongyrchol nid gwaith Papur cymaint â phosibl.

Er mwyn bod yn gymwys i wneud cais rhaid i chi feddu ar gymhwyster Gwaith Cymdeithasol cydnabyddedig - BA/MA, CQSW neu DipSW. Yn ddelfrydol bydd gan ymgeiswyr brofiad ôl-gymhwyso o weithio gyda Phlant a theuluoedd.

Mae'n hanfodol bod gan ddeiliad y swydd y gallu i deithio ledled y Sir yn rheolaidd, yn aml i ac o leoliadau anghysbell ar fyr rybudd.

Gan fod y tîm yn gweithio mewn maes dwyieithog, mae'r gallu i gyfathrebu yn Saesneg yn hanfodol a'r Gymraeg yn ddymunol. Sylwch nad yw Cyngor Bwrdeistref Sirol Conwy yn sefydliad nawdd cofrestredig.

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Glain Patterson, Rheolwr adain ( glain.patterson@conwy.gov.uk / 01492 575156)

Gofynion y Gymraeg: Mae'r gallu i gyfarthrebu yn y Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn).

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â'r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â'r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.