Mae Cyngor Sir Penfro yn chwilio am weithiwr cymdeithasol uchelgeisiol a phrofiadol i ymuno â'n Tîm Iechyd Meddwl Oedolion a'm Gweithiwyr Proffesiynol Iechyd Meddwl Cymeradwy. Mae hwn yn gyfle gwych i weithiwr cymdeithasol sydd am ddatblygu gyrfa yn y gwasanaethau iechyd meddwl.
Mae Tîm Iechyd Meddwl Cymunedol Bro Cerwyn yn ganolfan ar gyfer ein tîm deinamig, sydd wedi ymrwymo i ddarparu gwasanaethau iechyd meddwl o ansawdd uchel i ddinasyddion Sir Benfro. Rydym yn chwilio am unigolyn sy'n angerddol am gael effaith gadarnhaol ar fywydau'r rheini sy'n byw gyda heriau iechyd meddwl.
Fel gweithiwr cymdeithasol yn y tîm amlddisgyblaethol hwn, byddai disgwyl i chi gymryd rhan yn y rota ddyletswydd ar gyfer ymholiadau cyffredinol i weithwyr cymdeithasol y Tîm Iechyd Meddwl Cymunedol. Byddech yn gyfrifol am lwyth achosion ac yn gweithio gyda defnyddwyr gwasanaeth o fewn y gwasanaethau eilaidd sydd â Chynllun Gofal a Thriniaeth (CTP), gan weithio o fewn deddfwriaeth y Ddeddf Iechyd Meddwl, y Ddeddf Galluedd Meddyliol, y Ddeddf Gwasanaethau Cymdeithasol a Llesiant a deddfwriaethau perthnasol eraill.
Rydym yn chwilio am weithiwr uchelgeisiol, brwdfrydig a deinamig sy'n canolbwyntio ar yr unigolyn ac yn fwy na dim yn angerddol am weithio yn y maes iechyd meddwl. Rhaid i'r ymgeisydd llwyddiannus feddu ar sgiliau cyfathrebu rhagorol a bydd yn ffynnu drwy weithio ar ei liwt ei hun.
Mae'n rhaid i chi feddu ar gymhwyster perthnasol mewn gwaith cymdeithasol a bod yn weithiwr cymdeithasol cofrestredig. Disgwylir i chi fod yn fodlon dilyn hyfforddiant Gweithiwr Proffesiynol Iechyd Meddwl Cymeradwy pan fydd y rownd nesaf o hyfforddiant ar gael.Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
