Gweithiwr Cymdeithasol - UASC

Mae'r tîm yn gyfrifol am gyflwyno gwasanaethau i Blant sy'n Derbyn Gofal ac sy'n Gadael Gofal. Mae amrywiaeth o wasanaethau cefnogi gan gynnwys Seicolegydd Mewnol a Gwasanaeth Therapiwtig ac Ymyrraeth Teulu i gefnogi unrhyw weithiwr cymdeithasol i ddarparu ymyrraeth tymor byr i dymor canolig yn unol â'r angen a aseswyd. Mae gan y tîm gysylltiadau cryf gyda Gwasanaethau Iechyd Meddwl Plant a Phobl Ifanc hefyd.

Mae angen gweithwyr cymdeithasol ymroddedig ar y Tîm Parhad a Llwybrau, sy'n awyddus ac yn gallu gwneud gwahaniaeth. Bydd yr ymgeisydd llwyddiannus yn gweithio gyda phlant a'r rhai sy'n darparu cefnogaeth gan ddefnyddio ymagwedd sy'n seiliedig ar ganlyniadau a fydd yn cael ei chyd-gynhyrchu gyda llais y plentyn wrth wraidd unrhyw gynllunio.

Bydd yr ymgeisydd llwyddiannus yn chwarae rôl allweddol mewn gwneud gwahaniaeth mawr i fywyd Plant sy'n Derbyn Gofal a rhai sy'n Gadael Gofal. Ar hyn o bryd, rydym yn gweithio gyda phobl ifanc o pan gânt eu geni tan eu pen-blwydd yn 18 oed. Ar hyn o bryd, rydym yn gweithio ar draws y wlad gyda Phlant ar eu Pennau eu Hunain sy'n Ceisio Lloches. Mae'r rhan fwyaf o'r bobl ifanc rhwng 14 a 18 oed.

Mae'm yn gweithio yng Nghoed Pella, Bae Colwyn, ond o ystyried lleoliad llawer o'r bobl ifanc a gaiff eu lleoli o gwmpas y wlad, bydd angen i ni ddefnyddio dull gweithio hybrid, lle byddai teithio ac aros dros nos yn ffactor bosibl mewn rôl o gefnogi pob person ifanc unigol.

Mae'n hanfodol fod deiliad y swydd yn gallu teithio ar hyd a lled y Sir a thu hwnt, a hynny'n aml i ac o leoliadau anghysbell ar fyr rybudd.

Bydd angen i'r Gweithiwr Cymdeithasol allu cefnogi plant a phobl ifanc trwy wasanaethau cyfieithu pan mai nid Cymraeg / Saesneg yw eu hiaith a ffefrir.

Bydd gofyn i'r Gweithiwr Cymdeithasol ddilyn hyfforddiant am Merton Age Assessment i gefnogi angen presennol pobl ifanc wrth gael eu rhoi yng ngofal yr Awdurdod Lleol pan fo anghydfod am eu hoedran. Mae angen i'r Gweithiwr Cymdeithasol allu datblygu perthnasoedd gwaith da gyda darparwyr gofal a staff asiantaeth ychwanegol fel y Swyddfa Gartref yn unol â chefnogi'r bobl ifanc sy'n ceisio caniatâd i aros lle bo'n bosibl.

O ganlyniad i natur y gwaith, bydd angen cael datgeliad boddhaol gan y Gwasanaeth Datgelu a Gwahardd (GDG).

Mae'r rôl hon yn cynnig opsiynau gweithio hyblyg ar gyfer cydbwysedd bywyd a gwaith. Gall hyn gynnwys addasu eich diwrnod gwaith a gweithio hybrid, hy cydbwysedd rhwng gweithio yn y swyddfa a gweithio gartref.

Manylion y rheolwr ar gyfer trafodaeth anffurfiol: Glain Patterson, Rheolwr ( glain.patterson@conwy.gov.uk / 01492 575156 )

Gofynion y Gymraeg: Mae'r gallu i gyfarthrebu yn y Gymraeg yn dymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn).

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â'r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â'm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.