Byddwch yn gweithio ochr yn ochr ag oedolion ag anableddau dysgu, cyflyrau niwrolegol, anghenion corfforol ac emosiynol, gan gynnwys oedolion ifanc â chyflyrau dwys a lluosog, ac yn eu cynorthwyo i gymryd rhan mewn cyfleoedd sy'n werthfawr ac yn ystyrlon ac yn galluogi'r unigolyn i barhau â'i hyfforddiant a'i ddysgu er mwyn ei alluogi i ddatblygu ffordd o fyw o safon a chyflawni annibyniaeth hyd eithaf ei allu.
Rydym yn chwilio am weithwyr cymorth ymroddedig a thosturiol sy'n darparu cymorth ac anogaeth ymarferol i unigolion wrth gefnogi eu cyfranogiad mewn amrywiaeth o weithgareddau. Mae'r rôl hon yn hyrwyddo llesiant corfforol, annibyniaeth, ac ymgysylltiad cymdeithasol trwy gymorth ymarferol. Byddai profiad o weithio gydag unigolion ag anabledd dysgu, anabledd corfforol, a/neu awtistiaeth, a dealltwriaeth ohonynt yn fantais. Bydd ymgeiswyr yn cael hyfforddiant mewn rhoi cymorth ac anogaeth i eraill mewn swydd.
Fel gweithiwr cymorth byddwch yn gallu addasu dulliau addysgu a darparu cymorth gwahaniaethol yn seiliedig ar arddulliau dysgu unigol, cyfyngiadau corfforol, ac anghenion emosiynol.
- Creu amgylchedd cadarnhaol:Meithrin amgylchedd cadarnhaol, cefnogol, a chynhwysol lle mae unigolion yn teimlo eu bod yn cael eu gwerthfawrogi, eu parchu, a'u hannog i gymryd rhan.
- Hyrwyddo annibyniaeth:Annog annibyniaeth a grymuso unigolion i gymryd perchnogaeth o'u gwaith ac i ddatblygu eu sgiliau.
- Diogelwch yn gyntaf:Sicrhau amgylchedd gwaith diogel drwy lynu at ganllawiau iechyd a diogelwch a darparu hyfforddiant priodol ar ddefnyddio offer a chyfarpar yn ddiogel.
Ar hyn o bryd mae gennym tri rôl gweithiwr cymorth wag1 x 32 awr - Gweithiwr Cymorth (crefftau) - Hwlffordd
1 x 18.5 awr - Gweithiwr Cymorth (manwerthu) - Maenordy Scolton
1 x 12 awr - Gweithiwr Cymorth (tîm tiroedd) - Maenordy Scolton
Er bod y rolau hyn wedi'u lleoli yn yr ardaloedd hyn i ddechrau, rydym yn gofyn i weithwyr cymorth weithio mewn meysydd eraill o bryd i'w gilydd. Rydym yn hapus i ystyried cyfuno rolau.
Rôl 1: Gweithiwr Cymorth (crefftau): Mae'r rôl hon wedi'i lleoli yn ein prif ganolfan gymorth yn Hwlffordd. Fel ymgeisydd delfrydol bydd gennych brofiad o ymgymryd â gwaith sy'n ymwneud â'r celfyddydau, crefftau, neu ddylunio. Byddwch yn gweithio gyda phobl ag ystod eang o amhariadau gan gynnwys sgiliau llafar cyfyngedig ac anableddau corfforol cymhleth. Byddwch yn gwneud y canlynol:
- Cefnogi gweithwyr i greu eitemau i'w gwerthu yn ein siopau
- Creu rhaglen o weithgareddau celf neu grefft sy'n diwallu anghenion unigolion ag ystod o alluoedd.
Rôl 2: Gweithiwr Cymorth (manwerthu): Rydym yn cynnig cyfle cyffrous i ymuno â'n tîm a gweithio fel gweithiwr cymorth wedi'i leoli yn Siop yr Orsaf ym Maenordy Scolton (18.5 awr yr wythnos). Mae ein siop yn gwerthu ystod eang o anrhegion, bwyd, diodydd poeth ac oer ac mae ar agor saith diwrnod yr wythnos, 50 wythnos y flwyddyn. Fel ymgeisydd delfrydol, dylech fod â phrofiad o weithio mewn amgylchedd sy'n delio â chwsmeriaid a dylech feddu ar sgiliau gwasanaeth cwsmeriaid / manwerthu. Byddwch yn cefnogi unigolion i wneud y tasgau canlynol:
- Gwasanaeth cwsmeriaid
- Arddangos a chylchdroi stoc
- Cymryd arian a rhoi newid
- Paratoi a gweini diodydd poeth
- Glanhau a chynnal a chadw'r siop.
- Ailgylchu
Mae'r rôl hon yn seiliedig ar batrwm sifftiau sy'n cynnwys penwythnosau.
Rôl 3: Gweithiwr Cymorth (garddio).
Bydd yr unigolyn sy'n gweithio yn y rôl hon yn cefnogi cyfranogwyr i gynnal a chadw gerddi, dysgu sgiliau garddwriaethol, a mwynhau manteision therapiwtig byd natur. Bydd gennych brofiad o arddio neu arddwriaeth, neu'n angerddol dros y maes honno. Byddwch yn addysgu ac yn cefnogi unigolion i ddysgu sgiliau ymarferol sy'n gysylltiedig â'r canlynol:
- Hau hadau a lluosogi
- Potio a thrawsblannu
- Dyfrio, bwydo, a thocio
- Rheoli chwyn a rheoli plâu
- Adnabod gwahanol rywogaethau o blanhigion
Cyfeiriwch at y disgrifiad swydd uchod am ragor o fanylion am y swydd wag hon a manyleb y person.Gwiriadau CyflogaethMae'r swydd hon yn ddarostyngedig i wiriad datgelu gan y Gwasanaeth Datgelu a Gwahardd.
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag.DiogeluMae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal â'r dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch â'r Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch â'r Tîm Recriwtio os oes gennych unrhyw ymholiadau yn ymwneud â'r swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2023.
- Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
