Gweithiwr Cymorth i Deuluoedd - ACT

Mae Gwasanaethau Ar Ffiniau Gofal yn ymrwymedig i ddatblygu gwasanaethau arloesol, sy'n seiliedig ar dystiolaeth sy'n gweithio'n effeithiol gyda theuluoedd sy'n profi heriau lluosog a chymhleth, yn aml yn gysylltiedig ag allgáu cymdeithasol a dibyniaeth fawr ar wasanaethau cyhoeddus.

O fewn y dirwedd gyffrous hon sy'n datblygu, mae cyfle wedi codi i ymuno â'n gwasanaethau plant a theuluoedd amlasiantaethol sydd wedi'u cyd-leoli fel Gweithiwr Cymorth i Deuluoedd o fewn elfen Camfanteisio a'r Glasoed ein Gwasanaeth Ar Ffiniau Gofal. Rydym yn chwilio am ymarferydd llawn cymhelliant a medrus gyda dull 'gallu gwneud', sy'n angerddol am wella canlyniadau i deuluoedd ac sy'n ymrwymedig i ddarparu a datblygu ymyriadau sy'n seiliedig ar dystiolaeth.

Mae hon yn rôl allweddol o fewn elfen Camfanteisio a'r Glasoed Ar Ffiniau Gofal, gan gyflwyno ymyriadau ymatebol, sy'n ystyriol o drawma, ac sy'n seiliedig ar gryfderau i bobl ifanc y glasoed (10 oed a throsodd) sydd mewn perygl o gamfanteisio, teulu'n chwalu, neu gael profiad o fod mewn gofal.

Rydym yn chwilio am weithiwr medrus iawn sydd â phrofiad o weithio gyda theuluoedd ar ffiniau gofal neu o fewn gwasanaethau ymyriadau teuluol dwys. Byddwch yn darparu cymorth dwys, cyfyngedig o ran amser i sefydlogi sefyllfaoedd argyfwng ac adeiladu ffactorau amddiffynnol mewn teuluoedd a lleoliadau gofal.

Mae hwn yn gyfle cyffrous i ymuno â gwasanaeth uchelgeisiol, arloesol sy'n gwerthfawrogi creadigrwydd a gwneud pethau'n wahanol. Byddwch yn gweithio ochr yn ochr â chydweithwyr medrus, angerddol mewn amgylchedd cydweithredol, amlasiantaethol, ac yn achub ar y cyfle i ddatblygu eich sgiliau arweinyddiaeth, hyfforddi, a strategol wrth barhau i fod â chysylltiad agos ag ymarfer uniongyrchol.

Os ydych yn cael eich denu gan y cyfle hwn i helpu i lunio dyfodol Gwasanaethau Ar Ffiniau Gofal a gwneud gwahaniaeth gwirioneddol i blant a theuluoedd, byddem wrth ein bodd yn clywed gennych.

Mae gwiriad manwl gan y DBS (Gwasanaeth Datgelu a Gwahardd) yn ofynnol ar gyfer y swydd hon.

Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae trwydded yrru ddilys yn un o'r gofynion ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Mae gweithio ar benwythnosau yn ofyniad ar gyfer y swydd hon.

Dyddiad Cau: 19 Chwefror 2026

Dyddiad Llunio'r Rhestr Fer: 27 Chwefror 2026

Dyddiad y Cyfweliad: 09 Mawrth 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person