Oriau: Shifftiau 12 awr | dyddiau, nosweithiau a phenwythnosau (yn ôl trefn rota)
Gradd 4 - £25,185 am 30.5 awr yr wythnos am 52.14 wythnos y flwyddyn, sy'n cyfateb i £20,760.61 pro rata.
Rydym yn chwilio am Weithiwr Cymorth Ailalluogi brwdfrydig a thosturiol i ymuno â'n tîm cyfeillgar a chefnogol yn ein Huned Ailalluogi wyth gwely yn Noc Penfro, gan gyflenwi absenoldeb mamolaeth am gyfnod o 12 mis.
Mae hwn yn gyfle gwerth chweil i weithio o fewn tîm amlddisgyblaethol croesawgar, gan gefnogi unigolion i fod yn annibynnol, magu hyder a dychwelyd adref yn ddiogel ar ôl salwch, anaf neu dderbyniad i'r ysbyty.
Ynglŷn â'r rôl Fel Gweithiwr Cymorth Ailalluogi, byddwch yn gwneud y canlynol:
- Darparu cymorth sy'n canolbwyntio ar yr unigolyn i unigolion yn ystod eu taith ailalluogi
- Annog a galluogi annibyniaeth, drwy ddatblygu sgiliau bywyd bob dydd
- Gweithio ar y cyd â chydweithwyr ar draws y tîm amlddisgyblaethol, gan gynnwys therapyddion a gweithwyr gofal iechyd proffesiynol
- Cefnogi unigolion gyda gofal personol, symudedd, maeth a llesiant emosiynol
- Cynnal cofnodion cywir a chyfrannu at gynllunio gofal ac adolygiadau gofal
Amdanoch chi - Rydym yn chwilio am unigolyn sy'n meddu ar y rhinweddau canlynol:
- Gofalgar, amyneddgar a pharchus
- Yn frwd dros hyrwyddo annibyniaeth yn hytrach na gwneud tasgau i bobl
- Gweithio'n dda fel aelod o dîm â sgiliau cyfathrebu da
Hyblyg a dibynadwy, yn gallu gweithio shifftiau 12 awr, gan gynnwys dyddiau, nosweithiau a phenwythnosau. Mae profiad mewn gofal iechyd neu ofal cymdeithasol yn ddymunol, ond nid yn hanfodol - darperir hyfforddiant a chymorth llawn.
Bydd gofyn i chi gofrestru gyda Gofal Cymdeithasol Cymru
Cyfeiriwch at y disgrifiad swydd uchod am ragor o fanylion am y swydd wag hon a manyleb y person. Gwiriadau Cyflogaeth
Caiff yr wybodaeth bersonol rydym wedi'i chasglu gennych ei rhannu â Cifas pan fydd yn briodol ar gyfer eich rôl a'ch cyfrifoldeb, a bydd Cifas yn ei defnyddio i atal twyll, ymddygiad anghyfreithlon neu anonest arall, camymddwyn, ac ymddygiad arall sy'n ddifrifol amhriodol. Os caiff unrhyw un o'r rhain eu canfod, gellir gwrthod darparu rhai gwasanaethau neu gyflogaeth i chi. Bydd eich gwybodaeth bersonol hefyd yn cael ei defnyddio i wirio pwy ydych chi. Gallwch weld rhagor o fanylion am sut y caiff eich gwybodaeth ei defnyddio gennym ni a Cifas, a'ch hawliau diogelu data, yma: https://www.cifas.org.uk/fpn.
Dylai ymgeiswyr sicrhau bod ganddynt yr hawl i weithio yn y Deyrnas Unedig cyn gwneud cais am swydd wag.
Sylwch nad yw Cyngor Sir Penfro ar hyn o bryd yn derbyn ymgeiswyr sydd angen fisa Gweithiwr Medrus fel rhagofyniad i hawl i weithio yn y DU. Dylai ymgeiswyr sicrhau bod ganddynt yr hawl i weithio yn y DU cyn gwneud cais am swydd wag. Nodyn Canllaw: Defnyddio Deallusrwydd Artiffisial a Chywirdeb Gwybodaeth:
- Rydym yn deall y gall ymgeiswyr ddewis defnyddio offer fel Deallusrwydd Artiffisial cynhyrchiol i gefnogi paratoi eu cais. Er bod defnyddio offer o'r fath yn cael ei ganiatáu, mae'n parhau i fod yn gyfrifoldeb llawn yr ymgeisydd i sicrhau bod yr holl wybodaeth a gyflwynir yn ffeithiol gywir, yn wir, ac yn gynrychioliadol o'u sgiliau, profiadau a chymwysterau eu hunain.
- Gall darparu gwybodaeth sy'n ffug, yn gamarweiniol, neu'n orliwiedig, p'un a gafodd ei chynhyrchu gan Deallusrwydd Artiffisial ai peidio, arwain at anghymhwyso o'r broses recriwtio neu ddiswyddo os caiff ei ddarganfod ar ôl penodi.
- Drwy gyflwyno'r cais hwn, rydych yn cadarnhau bod yr holl gynnwys a ddarperir yn gywir ac wedi'i gyflwyno'n ddidwyll.
Diogelu
Mae diogelu ac amddiffyn plant ac oedolion mewn perygl yn flaenoriaeth uchel i Gyngor Sir Penfro. Ein nod yw cefnogi plant sy'n agored i niwed ac oedolion mewn perygl er mwyn sicrhau eu bod mor ddiogel â phosibl. Rydym yn ymrwymedig i sicrhau eu diogelwch a byddwn yn gweithredu i ddiogelu eu llesiant. Mae Polisi Diogelu Corfforaethol y Cyngor yn darparu fframwaith i bob aelod o staff a gwasanaeth yn y Cyngor, gan amlinellu cyfrifoldebau mewn perthynas â diogelu ac amddiffyn plant ac oedolion mewn perygl yn ogystal âr dulliau a ddefnyddir gan y Cyngor i sicrhau ei fod yn cyflawni ei ddyletswyddau.
Mae'r polisi hwn yn berthnasol i holl weithwyr a gweithlu'r Cyngor, yn ogystal â chynghorwyr, gwirfoddolwyr a darparwyr gwasanaethau a gomisiynir gan y Cyngor. Busnes pawb yw diogelu, p'un a ydynt yn gweithio i'r Cyngor neu'n gweithio ar ran y Cyngor.
Cymorth a Gwybodaeth Ychwanegol - Cysylltwch âr Tîm Systemau AD cyn gynted â phosibl os na allwch wneud cais ar-lein drwy anfon e-bost at hrsystemsteam@pembrokeshire.gov.uk .
- Cysylltwch âm Recriwtio os oes gennych unrhyw ymholiadau yn ymwneud âr swydd wag hon drwy anfon e-bost at recriwtio@sir-benfro.gov.uk
- Mae gweithwyr llywodraeth leol ar delerau'r Cyd-gyngor Cenedlaethol yn destun bargeinio cyflog cenedlaethol; mae'r holl gyflogau a nodir yn ein hysbysebion ar hyn o bryd ar sail cyflogau 1/4/2025.
Sylwch, mae gennym rwymedigaeth gyfreithiol i ystyried gweithwyr ar gyfer cyflogaeth amgen addas os yw eu swyddi mewn perygl, felly rhoddir ystyriaeth ymlaen llaw i weithwyr presennol sy'n bodloni manyleb y person ac sydd wedi'u cofrestru ar ein cronfa adleoli.
Mae sgiliau Cymraeg yn ddymunol. Gellir cyflwyno ceisiadau yn Gymraeg ac ni chânt eu trin yn llai ffafriol na cheisiadau a gyflwynir yn Saesneg.
