Gweithiwr Gofal Cymdeithasol - Ty Ynysawdre

Mae'n rota dreigl 3 wythnos, gan weithio yn y bore, y prynhawn a'r nos ar gyfer y ddau gontract 25 awr dros 4 diwrnod a 35 awr dros 5 diwrnod.

Os ydych yn berson cadarnhaol, gofalgar a llawn cymhelliant sy'n hoffi helpu pobl, bydd croeso i chi ymuno â'n tîm yng ngwasanaeth Preswyl a Gofal Ychwanegol Tŷ Ynysawdre i bobl hŷn.

Mae profiad yn cael ei groesawu, ond nid oes ei angen; credwn mai pwy ydych chi fel person a'r gwahaniaeth y gallwch ei wneud sy'n bwysig. P'un a ydych yn newydd i'r rôl neu wedi cefnogi teulu neu ffrindiau yn flaenorol, rydym am glywed gennych; y cyfan rydym yn ei ofyn yw bod gennych angerdd i wneud newidiadau cadarnhaol i fywydau pobl.

Bydd eich cyfrifoldebau allweddol yn cynnwys:

- Darparu cymorth sy'n canolbwyntio ar y person sydd wedi'i deilwra i anghenion unigol, gan gydnabod cryfderau, galluoedd a chanlyniadau a ddymunir. Annog pobl i wneud dewisiadau hyddysg gan gydnabod yr hyn sy'n bwysig iddynt yn eu bywydau.

- Rhoi cymorth i hyrwyddo annibyniaeth gydag agweddau ar fywyd bob dydd a nodwyd yng nghynlluniau gofal a chymorth unigolion a allai gynnwys deiet/paratoi bwyd, cymorth gyda meddyginiaeth a hylendid personol.

- Gweithio fel rhan o dîm ochr yn ochr â gweithwyr cymdeithasol, therapyddion, a chydweithwyr iechyd i gyflawni canlyniadau a nodwyd.

- Cymryd rhan mewn sesiynau goruchwylio a chyfleoedd datblygu gyrfa fel y cytunwyd arnynt gyda'ch rheolwr a chymryd rhan weithredol mewn hyfforddiant er mwyn cynnal eich datblygiad proffesiynol eich hun a chofrestru gyda Gofal Cymdeithasol Cymru a gwella cymhwysedd yn eich rôl.

- Bod yn ymwybodol o'ch cyfrifoldebau eich hun o ran diogelu unigolion mewn perygl a rhoi gwybod am unrhyw bryderon a allai roi'r unigolyn, chi, neu eraill mewn perygl.

Rydym yn chwilio am rywun sydd â:

- Gwerthoedd ac egwyddorion cadarn, sy'n canolbwyntio ar y person.

- Y gallu i fod yn barchus a gwneud cyfraniad cadarnhaol i fywydau pobl.

- Sgiliau gwrando a chyfathrebu gweithredol

Os hoffech ein helpu i wneud gwahaniaeth dyma'r hyn y gallwn ei gynnig i chi:

- Cyflog cystadleuol

- Hawl i wyliau blynyddol hael; ynghyd âr opsiwn i brynu gwyliau ychwanegol

- Cofrestru ar gyfer y cynllun pensiwn llywodraeth leol rhagorol

- Cymwysterau wedi'u cyllido a'u cefnogi'n llawn - FfCCh Lefel 2 ac uwch Iechyd a Gofal Cymdeithasol (os nad ydych wedi'u cyflawni eisoes) a thelir am Gofrestriad Gweithiwr Gofal Cymdeithasol

- Rhaglen hyfforddi gynhwysfawr gyda chyfleoedd dysgu a datblygu ar gyfer dilyniant gyrfa

- Rhaglen Cymorth i Gyflogeion sy'n cynnig mynediad am ddim i gyflogeion 24 awr y dydd/365 diwrnod y flwyddyn i gael cwnsela, cyngor ac arbenigwyr cymorth ar gyfer amrywiaeth o faterion yn ogystal â chymorth iechyd a llesiant.

- Sawl cynllun gwobrwyo staff sy'n cynnig amrywiaeth o ostyngiadau ar-lein neu yn y stryd fawr ledled y wlad ac yn lleol.

- Mynediad at y Cynllun Buddiannau Car sy'n cynnig car newydd sbon ar brydles, yswiriant, treth ffordd, teiars newydd, gwasanaeth MOT ac yswiriant cynnal a chadw a thorri i lawr am un taliad misol, yn ogystal âr Cynllun Beicio i'r Gwaith.

- Gwersi Cymraeg am ddim.

Ffoniwch Kay Rees i gael rhagor o wybodaeth 01656 754951.

Mae'r gallu i gyfarch cwsmeriaid drwy gyfrwng y Gymraeg yn un o'r gofynion ar gyfer y swydd hon.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae trwydded yrru ddilys yn un o'r gofynion ar gyfer y swydd hon.

Gweithio ar Benwythnosau yn un o ofynion y swydd hon.

Dyddiad Cau: 18 Chwefror 2026

Dyddiad Llunio'r Rhestr Fer: 19 Chwefror 2026

Dyddiad y Cyfweliad: 05 Mawrth 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person