Gweithiwr Gofal Plant Preswyl Lefel 2

Amdanom ni:
Ym Mwthyn y Ddôl credwn yn y fraint fawr o gael bod yn rhan o fywyd plentyn. Mae ein Gweithwyr Gofal Plant Preswyl yn gwneud mwy na gweld plant unwaith yr wythnos yn unig; maent yn darparu cefnogaeth a gofal cyson am 24 awr y dydd, 7 niwrnod yr wythnos, gan gynorthwyo plant i fyw bywyd pob dydd a deall y byd o'u cwmpas.

Trosolwg o'r swydd:
Yr ydym yn chwilio am Weithwyr Gofal Plant Preswyl ymroddgar i ymuno â'n tîm, i gynnig gwasanaethau preswyl cynhwysfawr i blant a phobl ifanc. Eich rôl fydd sicrhau bod eu hanghenion corfforol, cymdeithasol ac emosiynol yn cael eu diwallu, a meithrin eu datblygiad cyfannol gan hefyd hybu gwytnwch. Mae'r swydd hon yn rhan o lwybr gyrfa i ofal preswyl plant.

Yr hyn fyddwch chi'n ei wneud:
- Diogelu a hybu lles plant.
- Sefydlu strwythur, ffiniau a threfn, cefnogi pobl ifanc gyda'u haddysg a gweithgareddau dyddiol.
- Creu amgylchedd cynnes, caredig a chyfeillgar i blant diamddiffyn.
- Cyflawni dyletswyddau cysgu i mewn a gweithio oriau anghymdeithasol, gan gynnwys gwasanaeth effro drwy'r nos yn achlysurol.

Yr hyn yr ydym yn chwilio amdano:
- Natur gyfeillgar, ddibynadwy a chefnogol, gydag agwedd gadarnhaol at fywyd.
- Gallu datblygu perthnasoedd cadarnhaol ac adeiladol gyda'r plant yr ydych yn eu cefnogi.
- Profiad o gefnogi teuluoedd a phlant, gan ein bod yn defnyddio dull cyfannol yn ein harferion.
- Cymhwyster NVQ / FfCCh Lefel 3 ym maes gofalu am blant a phobl ifanc, neu barodrwydd i weithio tuag at gymhwyster.
- Safon dda o addysg, gyda Graddau C TGAU neu Lefel 2 FfCCh mewn Iechyd a Gofal Cymdeithasol / Ymarfer Cymdeithasol (neu gyfwerth).

Pam ymuno â ni:
- Cyfle i wneud gwahaniaeth gwirioneddol ym mywydau plant a'u teuluoedd.
- Amgylchedd cefnogol a diogel lle caiff lleisiau plant eu clywed, ac y canolbwyntir ar eu hanghenion unigol.
- Ymrwymiad i gefnogi plant a theuluoedd i ailuno ac aros gyda'i gilydd.
- Goruchwyliaeth reolaidd, hyfforddiant priodol ac adolygiadau datblygiad perfformiad blynyddol.

Gofynion:
- Gallu neu barodrwydd i ddysgu sut i wella a thrafod perthnasoedd gyda phlant, gan gynnal disgwyliadau cadarn ond gofalgar.
- Dealltwriaeth o arferion gofal plant preswyl ac arwyddion / symptomau camdriniaeth a thrawma.
- Gallu neu barodrwydd i ddysgu sut i ymdrin â sefyllfaoedd anodd a difrifol gyda strategaethau arloesol.
- Parodrwydd i ymgysylltu â'r model gofal therapiwtig i ddiwallu anghenion plant a phobl ifanc.

Gwybodaeth ychwanegol:
- Mae'n rhaid i bob ymgeisydd llwyddiannus gael datgeliad boddhaol gan y Gwasanaeth Datgelu a Gwahardd.

Sut i ymgeisio:
Os ydych yn frwdfrydig dros annog a chefnogi plant i gyrraedd eu llawn botensial, a'ch bod yn rhannu ein gwerthoedd o fod yn hyderus, cynnes a gonest, byddem yn eich annog i ymgeisio. Hyd yn oed os nad ydych yn bodloni'r holl feini prawf, ond yn credu y gallwch wneud argraff gadarnhaol, yr ydym eisiau clywed gennych.

Ymunwch â ni ym Mwthyn y Ddôl a bod yn rhan o dîm sy'n gwneud gwahaniaeth gwirioneddol.

Manylion y rheolwr ar gyfer trafodaeth anffurfiol:

Nick Appleton, Rheolwr Preswyl, (07714171724 / Nick.appleton1@conwy.gov.uk)

Gofynion y Gymraeg: Mae'r gallu i gyfarthrebu yn y Gymraeg yn ddymunol ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Mae Conwy wedi ymrwymo i gyfle cyfartal ac rydym yn croesawu ymgeiswyr o bob rhan o'r gymuned. Rydym yn darparu opsiwn i bobl anabl wneud cais mewn gwahanol fformatau. Cysylltwch â'r Tîm AD ar 01492 576129 i gael cyngor pellach.

This form is also available in English.