Gweithiwr Gofal Preswyl Nos

Am y rôl:

Gweithiwr Gofal Preswyl Nos i weithio mewn Cartref Plant therapiwtig newydd yng Ngogledd Powys sy'n cefnogi 3 o blant/pobl ifanc (11-18 oed) sydd ag anawsterau emosiynol cymhleth ac ymddygiadol oherwydd eu profiad bywyd cynnar. Fel rhan o dîm ymroddedig, byddwch yn creu cartref diogel a fydd yn gwella sefydlogrwydd lleoli a'r gallu i rianta er mwyn cefnogi plant a phobl ifanc sydd â'r anghenion mwyaf cymhleth i gyflawni canlyniadau cadarnhaol.

Amdanoch chi:

• Rydym yn chwilio am bobl sy'n gofalu ac yn gallu cysylltu â phobl ifanc a rhannu ein gwerthoedd: Proffesiynol, Cadarnhaol, Esgynnol, Agored a Chydweithrediadol.
• Rhianta CADARNHAOL, allwch chi adeiladu perthnasoedd drwy feithrin, addysgu cysylltiad cyn cywiro gyda dull amyneddgar, tawel?
• Cymorth PROFFESIYNOL arbenigol, allwch chi ddilyn polisïau, gweithdrefnau a safonau y cytunwyd arnynt yn eich gwaith i ddarparu gwasanaeth diogel ac effeithiol, sy'n sensitif i anghenion plant a phobl ifanc?
• Cyfleoedd ESGYNNOL, allwch chi ysgogi plant a phobl ifanc i hyrwyddo lles a darganfod eu gallu?
• Cyfrifoldeb AGORED, allwch chi weithio fel rhan o dîm sy'n fyfyriol ac yn ddyfeisgar i greu diwylliant o ymddiriedaeth?
• Hyrwyddo CYDWEITHREDIADOL, allwch chi ddangos i ni sut y byddech yn gwrando ar blant a phobl ifanc gydag urddas a pharch?

Eich dyletswyddau:

Bydd Gweithwyr Gofal Preswyl Nos yn gweithio rota nos i ddarparu gofal a chefnogaeth ar sifft yn ystod yr wythnos ac ar benwythnosau.

• Bydd eich rôl yn gyfrifol am hyrwyddo trefn iach, ddiogel a chreu cartref cynnes a chynhwysol o dan gyfarwyddyd y Rheolwr Cofrestredig.
• Ymgymryd â thasgau a chyfrifoldebau gweithwyr allweddol yn ôl y cyfarwyddyd. Hyrwyddo, cymryd rhan yn y gwaith a sicrhau bod safonau uchel o ofal corfforol, hylendid, diogelwch a lles pob plentyn a pherson ifanc yn cael eu darparu.
• Byddwch yn rhan o dîm sy'n trefnu, annog a rhannu gweithgareddau y tu mewn a'r tu allan, gan gynnwys gweithgareddau fel cynnal a chadw'r gerddi, creu gwely llysiau a chyfrifoldeb am ofal, bwydo a lles anifeiliaid bach.
• Gweithio mewn partneriaeth â theuluoedd a gofalwyr pobl ifanc i gyflawni nodau ac amcanion cynlluniau'r bobl ifanc.
• Sicrhau y cydymffurfir bob amser â gweithdrefnau Diogelu Cymru Gyfan a'r holl ddeddfwriaeth a rheoliadau perthnasol gan gynnwys Deddf Gwasanaethau Cymdeithasol a Llesiant (Cymru) 2014 a Deddf Rheoleiddio ac Arolygu Gofal Cymdeithasol (Cymru) 2016. Cael y wybodaeth ddiweddaraf am ddatblygiadau, arferion a deddfwriaeth newydd ym maes gofal plant.

Am ragor o wybodaeth am y swydd hon, gallwch gysylltu â

Jules Taylor

[email protected]

Mae gofyniad o fewn y swydd am uwch archwiliad DBS