GWEITHIWR PRESWYL CYMORTH I BLANT 16 AWR YR WYTHNOS (GRADD 7) - £13,414 Y FLWYDDYN CARTREF PRESWYL SEIBIANT BYR NANTGWYN Ydych chi'n awyddus i gael effaith gadarnhaol ar fywydau plant a phobl ifainc? Ydych chi'n unigolyn gweithgar a chydnerth sydd â'r gallu i gefnogi carfan sy'n ymgysylltu â phlant a phobl ifainc a'u cefnogi nhw'n emosiynol?
Rydyn ni'n awyddus i benodi Gweithiwr Preswyl Cymorth i Blant, sy'n frwdfrydig am godi dyheadau a gweithio mewn modd sy'n ystyriol o drawma.
A chithau'n Weithiwr Preswyl Cymorth i Blant, byddwch chi'n rhan o garfan ofalgar sy'n darparu cartref diogel a chefnogol i blant a phobl ifainc. Mae gwaith y cartref yn cael ei arwain gan Reolwr Cofrestredig profiadol yng Nghartref Preswyl Seibiant Byr Nantgwyn.
Bydd ymgeiswyr llwyddiannus yn ymroi i wella bywydau plant sydd ag anghenion cymhleth a rhai sydd wedi profi trawma yn ystod eu plentyndod. Gan arwain y garfan wrth ddarparu gofal a chymorth, bydd angen i chi fod yn drefnus ac yn hyblyg i'r hyn a allai fod yn amgylchedd sy'n newid yn gyflym. Bydd gofyn i chi weithio mewn modd creadigol, gan ymgymryd â gweithgareddau a gwaith uniongyrchol, gan hefyd oruchwylio staff y garfan a chynnig cymorth. Byddwch chi'n cael eich cefnogi ac yn derbyn hyfforddiant i weithio mewn amgylchedd therapiwtig gan fanteisio ar ddull PACE a'r Model Adfer Trawma.
Bydd llawer o'ch gwaith chi'n cynnwys helpu'r garfan i weithio gyda phlant a phobl ifainc mewn modd effeithiol, gan weithio tuag at wella a meithrin cydnerthedd fel bod modd cyflawni eu nodau personol.
Bydd y gwaith yma'n cynnwys darparu cefnogaeth emosiynol a chorfforol sy'n caniatâu i bobl ifainc gyflawni eu potensial llawn, weithiau, mewn sefyllfaoedd heriol. Bydd hyn yn cynnwys gweithio â theuluoedd a phobl broffesiynol i sicrhau bod y gofal a'r cymorth wedi'u haddasu i weddu anghenion unigol y plant a phobl ifainc.
Bydd gan ddeiliad y swydd rôl allweddol yn y cartref i sicrhau bod holl ofynion RISCA yn cael eu bodloni, a bod cofrestriad yn cael ei gynnal.
Er mwyn llwyddo yn y rôl yma, rhaid i chi fod yn unigolyn angerddol ac amyneddgar, a rhaid i chi ymrwymo i'r bobl rydych chi'n gweithio gyda nhw ac i safonau proffesiynol y swydd.
Bydd disgwyl i ymgeiswyr arddangos:
- Sgiliau cyfathrebu ardderchog
- Cymhelliant i ddarparu gwasanaeth o ansawdd uchel
- Sgiliau TG da a'r gallu i lunio a chadw cofnodion cywir a chlir
- Agwedd gadarnhaol at arwain a chefnogi carfan o staff
- Bod yn drefnus a hyblyg i ddiwallu anghenion y gwasanaeth
- Agwedd gadarnhaol a gwytnwch
- Ymrwymiad i ddarparu amgylcheddau diogel a gofalgar i blant a phobl ifainc sy'n eu hannog nhw i ddysgu ac i ddatblygu.
- Cydymdeimlad ac empathi, a brwdfrydedd dros wneud penderfyniadau personol.
- Y gallu i fuddsoddi mewn meithrin cydberthnasau sy'n llawn ymddiriedaeth â phlant, teuluoedd a gweithwyr proffesiynol eraill.
- Brwdfrydedd ac ymrwymiad i ddysgu.
- Modd i deithio'n annibynnol.
Byddwch chi'n meddu ar Ddiploma FfCCh Lefel 3 mewn Iechyd a Gofal Cymdeithasol (pobl ifainc) neu'r ymrwymiad i weithio tuag at y cymhwyster yma. Mae cymhwyster CGC Lefel 3 (Plant a Phobl Ifainc) yn gymwys wrth ymgeisio am y swydd yma hefyd. Bydd angen i chi weithio tuag at gael eich cofrestru gyda Gofal Cymdeithasol Cymru.
Ein Cynnig i Chi Rydyn ni'n cydnabod bod maes Gofal Cymdeithasol yn un heriol yn broffesiynol ac yn bersonol a'i fod yn gofyn am sgiliau, ymrwymiad a brwdfrydedd sylweddol. Mae gyda ni ganolfan Addysg a Datblygu fewnol, bwrpasol sy'n rhoi cymorth ymarferol er mwyn i'n staff gynnal eu sgiliau a'u Datblygiad Proffesiynol Parhaus. Bydd ymgeiswyr llwyddiannus yn derbyn hyfforddiant llawn a'r gefnogaeth sydd ei hangen i gyflawni'r rôl. Bydd ymgeiswyr llwyddiannus sydd ddim yn meddu ar gymhwyster berthnasol yn derbyn cefnogaeth i gyflawni Diploma QCF Lefel 3 mewn Iechyd a Gofal Cymdeithasol (Plant a Phobl Ifainc) o fewn 2 flynedd o'u penodi.
Bydd modd i weithwyr Cyngor Rhondda Cynon Taf hefyd fanteisio ar ystod eang o fuddion staff sy'n cynnwys: - 26 diwrnod o wyliau blynyddol, sy'n cynyddu i 31 diwrnod ar ôl 5 mlynedd o wasanaeth. Mae cyfle hefyd i brynu gwyliau blynyddol ychwanegol hyd at uchafswm o 10 diwrnod (pro rata) y flwyddyn.
- Cynllun Beicio i'r Gwaith.
- Aelodaeth Hamdden am Oes ratach.
- Cynllun Cerdyn Vivup/Cerdyn Golau Glas (gostyngiadau i staff).
- Mynediad i'n Huned Iechyd Galwedigaethol a CARI, ein hofferyn lles cyfrinachol digidol newydd.
Dyma rai o’r buddion sydd gyda ni i’w cynnig. Edrychwch ar ein tudalennau gwe pwrpasol ar gyfer Gwasanaethau i Blant am ragor o wybodaeth ynghylch pam y dylech chi ddewis gyrfa yn Rhondda Cynon Taf. www.rctcbc.gov.uk/swyddigwasanaethauiblant
I gael rhagor o wybodaeth am y swydd yma neu i drefnu sgwrs anffurfiol ffoniwch Gareth Evans (Rheolwr Cofrestredig) ar (01685) 871687.
Mae diogelu plant ac oedolion agored i niwed yn gyfrifoldeb craidd i bob un o'r gweithwyr sy'n cael eu penodi gan y Cyngor.
Yn ogystal âr cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus. Mae'r Cyngor yn cydnabod gwerth amrywiaeth yn y gweithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg. Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i’r sawl sy'n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn sy’n diwallu'r meini prawf hanfodol yn y fanyleb person, yn cael cynnig cyfweliad.
