Gweithiwr Rhianta Dechrau'n Deg

Swyddi wedi’u hariannu hyd at 31 Mawrth 2028

Rydyn ni am benodi 2 Weithiwr Rhianta Dechrau'n Deg dros dro sy'n Weithwyr Rhianta llawn cymhelliant a brwdfrydedd i ymuno a'n carfan ymroddgar sy'n cynnig ystod gynhwysfawr o raglenni cymorth rhianta ar gyfer teuluoedd sydd â phlant rhwng 0 a 4 oed ledled Rhondda Cynon Taf. Wrth ymgymryd â'r rolau deinamig yma mae gofyn darparu cymorth hygyrch i rieni a gwarcheidwaid drwy sesiynau galw heibio, hwyluso rhaglenni rhianta ar sail tystiolaeth, a chymorth penodol yng nghartrefi teuluoedd. Bydd yr ymgeisydd llwyddiannus yn chwarae rhan hanfodol wrth rymuso teuluoedd, meithrin perthnasoedd cadarnhaol, ac atgyfnerthu lles a datblygiad plant sydd rhwng 0 a 4 mlwydd oed yn ein cymuned.

Mae'r swyddi yma'n cael eu creu i fod yn rhan o'r Garfan Rhianta er mwyn bod yn gymorth penodol o ran yr ystod oedran Dechrau'n Deg sef 0-4 oed. Maen nhw'n cael eu hariannu drwy'r fenter Dechrau'n Deg, sydd yn adlewyrchu ein hymrwymiad strategol i ehangu datblygiad y blynyddoedd cynnar yn y gymuned.

Bydd y staff sy'n cael eu penodi yn cydweithio'n agos gyda staff lleoliadau meithrinfeydd Dechrau'n Deg, ac yn ymwneud yn uniongyrchol felly â rhieni a gwarcheidwaid ledled RhCT, gan roi cymorth un wrth un a hwyluso gweithdai wedi'u targedu er mwyn mynd i'r afael ag anghenion rhianta amrywiol y grŵp oedran 0-4 oed. Drwy'r ymyraethau yma, bydd rhieni'n cael gwybodaeth, sgiliau, a'r hyder sy'n angenrheidiol ar gyfer atgyfnerthu datblygiad cynnar eu plant, a chanlyniad hyn fydd cyfrannu at well deilliannau ar gyfer y plant a theuluoedd fel ei gilydd sy'n cymryd rhan yn y rhaglen Dechrau'n Deg.

Rhaid i'r sawl sy'n ymgeisio feddu ar Ddiploma FfCCh Lefel 3 mewn Iechyd a Gofal Cymdeithasol (Plant a Phobl Ifainc) neu'r cymhwyster oedd ar waith yn flaenorol sef, cymhwyster NVQ Lefel 3 yn y maes Gofalu am Blant a Phobl Ifainc. Bydd ymgeiswyr sy'n arddangos yr ymrwymiad a'r gallu i gyflawni'r cymhwyster FfCCh Lefel 3 o fewn dwy flynedd o gael aseswr wedi'u dyrannu iddyn nhw, hefyd yn cael eu hystyried ar gyfer y rôl. Mae gwybodaeth eang ynghylch datblygiad plant sydd rhwng 0-4 oed hefyd yn hanfodol.

I gael rhagor o wybodaeth neu sgwrs anffurfiol ynghylch y rôl, cysylltwch â Tracy Symon, Wendy Evans neu Lisa Lewis ar (01443) 281435.

Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Yn ogystal âr cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio’n fanwl i gefndir yr ymgeisydd llwyddiannus.

Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.

Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg.

Yn rhan o'i amcanion hirdymor mewn perthynas âr Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun gwarantu cyfweliad ar gyfer siaradwyr Cymraeg Lefel 3 ac uwch.  Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, fe'ch gwahoddir i gyfweliad os byddwch chi'n dewis cymryd rhan yn y cynllun.

Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma.  Diolch am eich diddordeb ac am gyflwyno cais am swydd gyda'r Cyngor.

Er mwyn cefnogi addewid gwirfoddol y Cyngor i gefnogi’r Lluoedd Arfog, rhaid i’n penodi sicrhau bod ymgeiswyr sydd wedi datgan eu bod nhw'n aelodau o’r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn, sy’n cwrdd â’r meini prawf hanfodol yn y fanyleb person, yn cael cynnig cyfweliad.