Yn Weithiwr Siarad a Chwarae yn y gwasanaeth yma, bydd gofyn i chi weithio'n agos gydag aelodau o garfanau eraill gan gynnwys Therapyddion Lleferydd ac Iaith, Gweithwyr Ymyrraeth ac Ymwelwyr Iechyd. Mae'n hanfodol eich bod chi'n meddu ar sgiliau cyfathrebu da iawn a'r gallu i sgwrsio â theuluoedd a gweithwyr proffesiynol yn glir ac yn gryno dros y ffôn, trwy alwad fideo ac wyneb yn wyneb. Bydd rhaid i chi fod yn hyblyg o ran y cymorth rydych chi'n ei roi i deuluoedd.
Rolau dros dro yw'r rhain, ac ar hyn o bryd maen nhw wedi'u hariannu hyd nes 31 Mawrth 2028.Bydd gofyn i'r ymgeiswyr llwyddiannus:
- Gynnal asesiad Iaith Gynnar WellComm ar gyfer plant sy'n troi'n 15-21 mis oed sydd wedi'u hatgyfeirio at y gwasanaeth yn dilyn asesiad Amserlen Sgiliau Tyfu neu ymweliad Plant Iach Cymru.
- Cynllunio a chyflwyno sesiynau 1-1 unigryw yn dilyn y dull Nôl ac Ymlaen ar-lein ac wyneb yn wyneb, yn ogystal â mathau eraill o gymorth megis Anawsterau Cymdeithasol a Chyfathrebu.
- Cyflwyno rhaglenni iaith gynnar yn y gymuned.
- Y modd i deithio'n annibynnol ledled y Fwrdeistref Sirol yn unol â'r galw.
Ffoniwch Tracy Symon neu Hannah Price i gael rhagor o wybodaeth ar (01443) 281437.
Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.
Yn ogystal â'r cyfrifoldeb yma mewn perthynas â diogelu, bydd y Gwasanaeth Datgelu a Gwahardd hefyd yn ymchwilio'n fanwl i gefndir yr ymgeisydd llwyddiannus.Mae'r Cyngor yn cydnabod gwerth amrywiaeth yn ei weithlu. Rydyn ni wedi ymrwymo i sicrhau nad yw unrhyw ymgeisydd yn destun gwahaniaethu yn ystod y broses denu a dethol ar sail ei oedran, rhyw, hil, anabledd, cyfeiriadedd rhywiol, hunaniaeth rhywedd, gan gynnwys y rheiny a chanddyn nhw hunaniaeth anneuaidd, crefydd neu gred neu feichiogrwydd neu famolaeth. Mae gyda ni nifer o rwydweithiau staff gan gynnwys Rhwydwaith y Cynghreiriaid, Rhwydwaith Anabledd a Chynhalwyr, a 'Perthyn', ein rhwydwaith LHDTC+.
Fydd ceisiadau sy'n cael eu cyflwyno yn Gymraeg ddim yn cael eu trin yn llai ffafriol na cheisiadau sy'n cael eu cyflwyno yn Saesneg. Yn rhan o'i amcanion hirdymor mewn perthynas â'r Gymraeg a Strategaeth Cynllunio'r Gweithlu, mae'r Cyngor wedi ymrwymo i gynllun cyfweliad gwarantedig ar gyfer siaradwyr Cymraeg Lefel 3 ac uwch. Os ydych chi'n bodloni'r meini prawf hanfodol sydd wedi'u nodi yn y fanyleb person ar gyfer y swydd ac yn siaradwr Cymraeg Lefel 3 ac uwch, bydd gwahoddiad i gyfweliad i chi os byddwch chi'n dewis cymryd rhan yn y cynllun.Oherwydd y nifer sylweddol o Ffurflenni Cais sy'n cael eu cyflwyno ar hyn o bryd, does dim modd cydnabod ceisiadau unigol. Felly, os dydych chi ddim wedi clywed wrthon ni cyn pen pedair wythnos o'r dyddiad cau, cymerwch fod eich cais wedi bod yn aflwyddiannus y tro yma. Diolch am eich diddordeb ac am gyflwyno cais am swydd gyda'r Cyngor.
Er mwyn cefnogi addewid gwirfoddol y Cyngor i gefnogi'r Lluoedd Arfog, rhaid i'r sawl sy'n penodi sicrhau bod ymgeiswyr sydd wedi datgan eu bod nhw'n aelodau o'r Lluoedd Arfog, gan gynnwys y rheiny sydd wedi gadael y lluoedd, cyn-filwyr neu filwyr wrth gefn, sy'n cwrdd â'r meini prawf hanfodol yn y fanyleb person, yn cael cynnig cyfweliad.
