Gweithiwr Ymyriadau Teuluol

Rydym yn chwilio am Weithiwr Ymyriadau Teuluol ymroddedig i ymuno â thîm deinamig y Ganolfan Ddiogelu Amlasiantaethol. Mae tîm y Ganolfan Ddiogelu Amlasiantaethol yn chwarae rhan hanfodol wrth ddiogelu plant a phobl ifanc drwy ddod â gweithwyr proffesiynol o ystod o wasanaethau ynghyd i rannu gwybodaeth, asesu risg, a sicrhau ymatebion amserol a phriodol i bryderon diogelu.

Fel Gweithiwr Ymyriadau Teuluol, byddwch yn:

• Cefnogi teuluoedd ar y cyfle cynharaf i atal cynnydd mewn angen.

• Arwain ymyraethau byrdymor, wedi'u targedu, i wella gwytnwch a chanlyniadau teuluol.

• Gweithio'n agos gyda gweithwyr proffesiynol ym maes addysg, iechyd, heddlu a'r gwasanaethau cymdeithasol i asesu risgiau a diogelu.

• Ymgysylltu â phlant, pobl ifanc a'u teuluoedd i ddeall eu hanghenion, eu cryfderau a'u risgiau.

• Helpu i lunio cynlluniau gweithredu a chyfrannu at wneud penderfyniadau o fewn lleoliad amlasiantaeth.

Am beth rydym ni'n chwilio?

Yr Ymgeisydd Delfrydol:

• Yn angerddol am gymorth cynnar a diogelu plant.

• Yn brofiadol o ran gweithio gyda phlant a theuluoedd mewn rôl gefnogol neu ymyrraeth.

• Yn wybodus am ddatblygiad plant, ffactorau risg, a ffactorau amddiffynnol.

• Yn gyfathrebwr cryf a chwaraewr tîm sy'n ffynnu mewn amgylchedd prysur, amlasiantaeth.

• Yn wydn, yn empathig, ac yn gallu rheoli sefyllfaoedd teuluol cymhleth.

Yr hyn a gynigiwn:

• Diwylliant tîm cefnogol a chynhwysol

• Cyfleoedd datblygiad proffesiynol a hyfforddiant parhaus

• Gwyliau blynyddol hael a chynllun pensiwn

• Cyfle i wneud effaith wirioneddol a pharhaol yn y gymuned

Oherwydd natur y gwaith, bydd angen cael gwiriad boddhaol gan y Gwasanaeth Datgelu a Gwahardd.

Manylion y rheolwr ar gyfer trafodaeth anffurfiol: Cathryn Taylor Rheolwr Adain ( Cathryn.Taylor@Conwy.gov.uk / 01492 575264 )

Gofynion y Gymraeg: Mae'r gallu i gyfarthrebu yn y Gymraeg yn desirable ar gyfer y swydd hon. Rydym ni wedi ymrwymo i'r Gymraeg ac yn falch iawn o'n diwylliant Cymreig. Rydym yn croesawu ceisiadau yn y Gymraeg a'r Saesneg fel ei gilydd ac ni fydd ffurflenni cais a dderbynnir yn y naill iaith na'r llall yn cael eu trin yn llai ffafriol na'i gilydd.

Rydym yn frwdfrydig dros eich cefnogi a'ch annog i ddefnyddio'ch Cymraeg, beth bynnag eich lefel; ac mae gennym ni ddosbarthiadau am ddim ar gyfer pob lefel, wyneb yn wyneb ac ar-lein, i'ch cefnogi chi ymhellach.

Mae Conwy wedi ymrwymo i ddiogelu. Bydd cymwysterau a geirdaon yn cael eu dilysu.

Rydym wedi ymrwymo i ddatblygu gweithlu amrywiol a thimoedd cynhwysol sy'n croesawu ystod eang o leisiau, profiadau, safbwyntiau a chefndiroedd. Mae creu gweithle sy'n groesawgar a lle mae pawb yn teimlo eu bod yn perthyn yn sicrhau y gallwn ddarparu gwasanaethau rhagorol.

Croesawn ac anogwn ymgeiswyr o bob cefndir a phrofiadau.

Rydym yn Gyflogwr Hyderus o ran Anabledd. Os oes gennych anabledd wedi'i ddatgan yn eich cais, gallwn sicrhau cyfweliad os ydych yn profi eich bod yn bodloni meini prawf hanfodol y swydd yn eich cais (gofynion a nodir gyda 'H' ar y Manylion am yr Unigolyn).

Rydym yn fodlon darparu addasiadau rhesymol trwy gydol y broses recriwtio (ac mewn cyflogaeth) lle bynnag bosibl. Anogwn i chi wneud cais am addasiadau. Er mwyn gwneud hyn, cysylltwch â'r rheolwr a enwir uchod er mwyn trafod eich anghenion a chymorth posibl. Mae dewisiadau i wneud cais trwy ffurfiau gwahanol, cysylltwch â'r Tîm AD ar 01492 576129 er mwyn trafod sut y gallwn eich cefnogi chi. Ni fydd y ceisiadau hyn yn eich rhoi dan unrhyw anfantais.

This form is also available in English.