Gyrrwr/Person Gwaith Mân

42 wythnos y flwyddyn
Dros dro am 12 mis
Yn gweithio o'r Canolfannau Teulu
Gwahoddir ceisiadau i'r swydd uchod fydd wedi'i lleoli'n bennaf yng Nghanolfan Deulu Idwal ond yn barod i weithio yn ôl yr angen yn y ddwy Ganolfan Deulu. Mae'r swydd am 25 awr yr wythnos, 42 wythnos o'r flwyddyn, ond telir wythnosau ychwanegol ar gyfer gwyliau.
Mae angen i ddeiliad y swydd fod yn llawn cymhelliant, yn ddisgybledig, yn ddibynadwy, yn drefnus, yn bwyllog, yn gyfathrebwr da ac yn rhywun y gellir ymddiried ynddo ac a fydd yn ffynnu mewn rôl amrywiol iawn.
Byddwch yn aelod gwerthfawr o Dîm Dechrau'n Deg a strwythur ehangach y Canolfannau Teulu. Yn eich rôl fel gyrrwr byddwch yn helpu plant sy'n agored i niwed a'u teuluoedd i gael mynediad i'r Canolfannau Teulu a byddwch hefyd yn paratoi pryd o fwyd syml, maethlon i'r plant sy'n mynychu'r grŵp dechrau'n deg.
Byddwch yn cyfrannu at redeg y Ganolfan yn esmwyth drwy sicrhau bod iechyd a diogelwch yn cael eu cynnal a bod asesiadau a gwiriadau risg yn cael eu gwneud.
Mae angen o leiaf 5 TGAU ar Radd C neu uwch (neu gyfwerth).
Mae'r gallu i siarad Gymraeg yn ddymunol. Mae trwydded yrru lawn yn hanfodol.
Yn ddelfrydol bydd gennych gymhwyster hylendid bwyd lefel 2 neu uwch neu'r parodrwydd a'r gallu i ymgymryd â hyn cyn gynted â phosibl.
I gael rhagor o wybodaeth am y swydd hon, cysylltwch â Julie Williams, Rheolwr Dros Dro Canolfannau Teulu - 01978 295670.
Mae angen gwiriad manwl gan y Gwasanaeth Datgelu a Gwahardd ar gyfer y swydd hon.
Mae'r Cyngor yn croesawu ceisiadau gan ymgeiswyr â chymwysterau addas heb ystyried hil, rhyw, anabledd, rhywioldeb, cred grefyddol nac oed.
Mae'r Cyngor yn ymrwymedig i ddatblygu ei weithlu dwyieithog ac mae'n croesawu ceisiadau gan ymgeiswyr sy'n dangos eu gallu i weithio yn Gymraeg ac yn Saesneg. Ni fydd ceisiadau a gyflwynir yn y Gymraeg yn cael eu trin yn llai ffafriol na chais a gyflwynir yn y Saesneg.

Eitemau wedi'u Llwytho i Lawr:

Job Desc... (.doc) (122kb) , Swydd-dd... (.doc) (121kb)