[Mewnol] Cynllunydd Gofal Cartref - Gwasanaeth Ail-alluogi Integredig

Bydd y Cynllunydd yn rhoi cymorth i'r Arweinydd Tîm i sicrhau bod gwasanaeth gofal cymdeithasol hyblyg, o ansawdd uchel, yn cael ei ddarparu yn unol â gofynion statudol a gofynion y maes gwasanaeth ar gyfer ei ddarparu.

Mae dyletswyddau'n cynnwys bod yn gyfrifol am y swyddogaethau gweinyddol, amserlennu rotas gweithwyr cymorth a llunio gwybodaeth ystadegol at ddibenion cyllidebol. Byddwch yn cefnogi'm i fonitro, adolygu a gwerthuso'r gwasanaethau a ddarperir, parhau i ddarparu gwasanaethau a darparu data am weithredu, gan ddefnyddio systemau TG ar gyfer defnyddwyr gwasanaethau a gweithwyr cymorth. Byddwch yn gyfrifol am y ganolfan gostau a'r diweddariadau blynyddol ac yn sicrhau bod y polisïau codi tâl/gwybodaeth ariannol yn cael eu diweddaru'n rheolaidd mewn perthynas â defnyddwyr gwasanaethau. Byddwch hefyd yn prosesu anfonebau ac yn codi gorchmynion prynu ar gyfer cyfarpar diogelu personol a gorchmynion eraill yn unol â Chanllaw Rheoli Ariannol y Cynghorau.

Mae hwn yn gyfnod cyffrous i ymuno â'r Gwasanaeth Ail-alluogi Integredig yn Nhorfaen ac i sicrhau bod eich cyfraniad yn gwneud gwahaniaeth.

Am drafodaeth anffurfiol am y swydd wag hon, cysylltwch â: Gaynor Evans - Arweinydd Tîm Gwasanaethau Cymunedol ar: 01495 766371 neu 07779 560836 gaynor.evans@torfaen.gov.uk

You must demonstrate how you meet the Essential criteria listed in the attached Person Specification in order to secure an interview: How to apply Guidance for applicants Torfaen County Borough Council.

Mae'r swydd hon wedi'i heithrio rhag Deddf Adsefydlu Troseddwyr 1974. Bydd proses sgrinio gynhwysfawr yn cael ei chynnal ar gyfer pob ymgeisydd a fydd yn cynnwys gwiriad manylach gyda'r Gwasanaeth Datgelu a Gwahardd.

Mae Cyngor Bwrdeistref Siriol Torfaen yn ymdrechu i fod yn gyflogwr teg, cefnogol ac effeithiol. Mae'r Cyngor wedi ymrwymo i ddiogelu a hyrwyddo llesiant plant, pobl ifanc ac oedolion sy'n agored i niwed. Mae'r Cyngor yn disgwyl i'w gyflogeion, boed yn gweithio am dâl neu'n ddi-dâl, i rannu'r ymrwymiad hwn. Rydym yn gwerthfawrogi'r ystod o brofiadau a ddaw yn sgil gweithlu amrywiol ac felly rydym yn croesawu ceisiadau gan bobl o bob cefndir a grwpiau sy'n cael eu tangynrychioli.

Mae croeso i chi gyflwyno eich cais yn y Gymraeg neu'r Saesneg. Bydd pob cais yn cael ei drin yn gyfartal.

Rydyn ni wedi cofrestru fel Cyflogwr Hyderus o ran Anabledd, ac ymrwymo i gyflogi a datblygu gyrfaoedd pobl anabl. Mae ein Cynllun Gwarantu Cyfweliad yn gwarantu y bydd pobl ag anableddau yn cael eu gwahodd i gyfweliad, ar yr amod eu bod yn bodloni'r gofynion hanfodol ar gyfer y rôl. Os oes gennych gyflwr iechyd, os ydych yn niwroamrywiol, neu'n defnyddio Iaith Arwyddion Prydain, a hoffech drafod addasiadau rhesymol, cysylltwch âr rheolwr recriwtio. Gallwn weithio gyda chi i drefnu addasiadau os ydym yn gwybod pa ofynion sydd gennych, cyn i chi gyflwyno'ch cais, sefyll prawf neu ddod i gyfweliad.